Luka Modric: រិះគន់តបចំពោះបណ្តាញព័ត៌មានអង់គ្លេសដែលមើលស្រាលក្រុមក្រូអាស៊ីមុនការប្រកួត

កីឡាករ Luka Modric បាន​រិះគន់​តបចំពោះបណ្តាញសារព័ត៌មាននៅប្រ ទេស​អង់គ្លេស​ បន្ទាប់ពី​កីឡាករ​រូបនេះជួយ​ក្រុមក្រូអាស៊ី​យកឈ្នះ​ក្រុម​អង់គ្លេស​និង​ឡើង​ទៅ​វគ្គ​ផ្តាច់ព្រ័ត្រ​វើលខាប់​ជាលើក​ដំបូង​។

          កីឡាករ​របស់ក្លឹប Real Madrid ​រូបនេះបានបំពេញ​តួនាទីបានល្អនៅតំបន់​បម្រើ​​។ កីឡាករ Kieran Trippier និង​កីឡាករ Ivan Perisic រកបាន​ម្នាក់​១គ្រាប់ជួយ​ឲ្យ​ក្រុម​ទាំង​ពីរ​បន្ត​ប្រកួត​ដល់​ម៉ោង​បន្ថែម​ ប៉ុន្តែ​ក្រុម​ក្រូអាស៊ីធ្វើបាន​សម្រេចនៅចុង​ម៉ោង​បន្ថែម។

          Modric និយាយថា ការបង្ហាញសមត្ថភាពរបស់ក្រុម​ក្រូអាស៊ី​គឺជា​ចម្លើយ​ចំពោះការលើកឡើង​ថា ក្រុមក្រូអាស៊ីប្រហែលជានឿយ​ហត់​ ដោយសារតែឆ្លងកាត់ការលេងបន្ថែមម៉ោង​ពីរ​លើក​កន្លងមក​ហើយ​ក្នុងព្រឹត្តិការណ៍​នេះ។

          Modric បន្តថា “​អ្នកកាសែតអង់គ្លេស​ អ្នក​វិភាគតាមទូរទស្សន៍​ ពួកគេបាន​មើលស្រាលក្រុមក្រូអាស៊ី​ នោះគឺជា​កំហុស​ដ៏ធំ​។ យើង​ទទួល​ពាក្យ​ទាំង​អស់នេះពីពួកគេ​។ យើងអាន​ ហើយ​យើងនិយាយថា អត់អីទេ​ ថ្ងៃនេះយើងនឹង​ដឹងថា នរណានឿយ​ហត់”។

          Modric បានបន្ថែមថា “​ពួកគេគួរតែ​ដាក់ខ្លួន​ជាងនេះនិងគោរពគូប្រកួត​របស់​ខ្លួន​។ ប៉ុន្តែ​យើងបាន​បង្ហាញជាថ្មី​ថា យើង​មិន​នឿយ​ហត់ទេ។ យើង​គ្រប់ គ្រងការប្រកួត​ទាំង​កម្លាំង​កាយ​ និងស្មារតី​”។

          អ្នក​ចាត់ការ​ក្រុមជម្រើស​ជាតិ​ក្រូអាស៊ីលោក Zlatko Dalic ​បាន​គាំទ្រការលើកឡើងរបស់ Modric។ បន្ទាប់ពីចប់​ការ​ប្រកួត​លោក  Dalic បាននិយាយថា “​អ្នកជំនាញដែលគិតថា អង់គ្លេស​នឹងឆ្លងទៅវគ្គផ្តាច់ព្រ័ត្រ​មិនមែនជា​អ្នកជំនាញ​ពិតប្រាកដទេ”៕

adverise with khmeread