កាពីទែនកំពូលក្លាហានឃើញកប៉ាល់ចោរសមុទ្រមួយបើកចូលមកវាយប្រហារ គាត់ប្រាប់កូនចៅឱ្យធ្វើរឿងមួយដ៏អស្ចារ្យ...ស្អែកឡើងដល់ក!

សំណើច៖ កាពីទែននាវាមួយរូបបានទទួលដំណឹងពីកូនចៅថា មានកប៉ាល់ចោរសមុទ្រមួយកំពុងបើកចូលមករកទីតាំងនាវារបស់គាត់ហើយ។ លោកកាពីទែនបានប្រាប់កូនចៅទៅយកអាវក្រហមមួយឱ្យគាត់។

កូនចៅសួរលោកកាពីទែនថា "ថីបានជាមេចង់បានអាវក្រហម?"។ 

លោកកាពីទែនតបវិញថា "នៅពេលខ្ញុំចេញឈាម កូនចៅរាល់គ្នានឹងមិនកត់សម្គាល់ដឹងថាខ្ញុំចេញឈាមទេ អ៊ីចឹងកូនចៅទាំងអស់គ្នានឹងមិនបាក់ទឹកចិត្តឡើយ"។ 

និយាយមិនបានប៉ុន្មាន ពួកចោរបានមកដល់ ហើយប្រយុទ្ធគ្នាយ៉ាងសាហាវ រួចក៏បានបណ្តេញពួកចោរសមុទ្រឱ្យដកថយវិញ។

ស្អែកឡើង កូនចៅប្រកាសអាសន្នប្រាប់លោកកាពីទែនថា កប៉ាល់ចោរសមុទ្រ ៥០ គ្រឿងកំពុងបើកមករក "កប៉ាល់យើងហើយទាន!"។ 

លោកកាពីទែន ស្រែកប្រាប់កូនចៅថា "ប្រញាប់រត់ទៅយកខោលឿងឱ្យយើងលឿនឡើង!"។

អ្នកយល់ទើបដឹង!!!

adverise with khmeread