adverise with khmeread Manchester united vs arsenal 800x600

Premier League ជុំ​ទី​២៧៖ Man Utd ឬក៏ Arsenal រាត្រី​នេះ​?

​    ​Manchester United ដឹងខ្លួន​ថា​មិនអាច​ដណ្តើម​កំពូល​តារាង​ទាំង​បួន​នោះទេ​នៅ​រដូវ​កាល​នេះ​។ បរាជ័យ​ក្នុងការ​បំបាក់ Arsenal យើង​អាច​ឃើញថា​ពួកគេ​នឹង​ឃ្លាត​ពិន្ទុ​ពី​ចន្លោះ ៨​ទៅ​៩ ដើម្បី​ទទួលបាន​កៅអី Champion League​។ United ចាញ់​យ៉ាងធ្ងន់ធ្ងរ​នៅក្រៅ​ផ្ទះ​ពេល​ប៉ះ Arsenal នៅ​រដូវ​កាល​នេះ ហើយ​ទម្រង់​លេង​របស់ Man Utd ក៏​ធ្លាក់ចុះ​ដែរ​នៅ​ខែ​មុន​។​

​    ​បរាជ័យ​ក្នុងផ្ទះ Southamton និង ភ្ញៀវ Sunderland បានធ្វើ​ឲ្យ​ពួកគេ​ពិបាក​ក្នុង​ការយក​ចំណាត់ថ្នាក់​លេខ​បួន​ណាស់ ខណៈ Rooney របួស​ទៀត​រឹតតែ​ក្លាយជា​ទុក្ខ​ដ៏​ធំ​របស់​ក្រុម​មួយ​នេះ​។​

​    ​ចំណែក Arsenal វិញ ទើបតែ​យកឈ្នះ​ក្លឹប​កំពូល​តារាង Leicester City ក្នុងការ​ប្រកួត​ចុងក្រោយ​ក្នុង​ក្របខណ្ឌ Premier League ហើយនឹង​នៅតែ​បន្ត​ការគៀបសង្កត់​លើ​ក្រុម​កញ្ជោ​ង​មួយ​នេះ​ទៀត​។ Arsenal ទើបតែ​ហាលអាវ​នៅ​ទឹកដី​ខ្លួន បន្ទាប់ពី​ចាញ់ Barcelona ២​ទល់នឹង​០ ដែល​សបញ្ជាក់​ថា​ក្រុម​មួយ​នេះ​នឹងត្រូវ​បញ្ចប់​ភារៈកិច្ច​ខ្លួន​នៅ​ក្របខណ្ឌ Champion League ទោះ​នៅសល់​ជើង​ទី ២ មួយលើកទៀត​ក៏ដោយ​។​

​    ​ប៉ុន្ដែ​រវាង​ក្លឹប​ទាំងពីរ ដែលជា​ក្លឹប​មាន​គេ​ស៊ុត​ចូល​តិចជាងគេ​នៅ​រដូវ​កាល​នេះ ដោយ Arsenal ក្នុង​១២​ប្រកួត​ចុងក្រោយ​មាន​៨​ប្រកួត ត្រូវគេ​ស៊ុត​និង​ស៊ុត​គេ​វិញ​ក្រោម ៣ គ្រាប់​។ ហើយ Man Utd វិញ​១២​ប្រកួត​ចុងក្រោយ​មាន​៩​ប្រកួត ដែល​គេ​ស៊ុត​និង​ស៊ុត​គេ​វិញ​ក្រោម ៣ គ្រាប់​ដូចគ្នា​។​

​    ​ខណៈ​នេះ Arsenal នឹង​បន្ដ​ដាក់​សម្ពាធ​លើ​ក្រុម Leicester ហើយ Man Utd ក៏​មិនអាច​ចាញ់​បន្តទៀត​ដូចគ្នា ដូច្នេះ​ការប្រកួត​នេះ​នឹង​ពិតជា​ការប្រកួត​ដ៏​តឹងតែង​បំផុត​។ ទស្សនៈ​ខ្មែរ​រីដ​ទាយ​គូ​ទាំងពីរ​ស្មើ និង យក Under៕​

adverise with khmeread

មតិយោបល់