អ្នកដំណើរឥណ្ឌាជាង ៣០ នាក់ហូរឈាមតាមច្រមុះផងត្រចៀកផង ព្រោះអាកសយានិកភ្លេចបិទប្រព័ន្ធសម្ពាធក្នុងកាប៊ីន

អ្នកដំណើរជនជាតិឥណ្ឌាជាង ៣០នាក់ ខ្លះមានហូរឈាមចេញពីច្រមុះ និងត្រចៀក បានទទួលការព្យាបាល បន្ទាប់ពីអាកាសយានិក "ភ្លេច" ចុចបិទប្រព័ន្ធរក្សាផ្លាស់ប្តូរសម្ពាធក្នុងកាប៊ីន។ 

ជើងហោះ 9W 697 របស់ក្រុមហ៊ុនអាកាសចរណ៍​ Jet Airways ពីទីក្រុងម៉ុមបៃ ទៅកាន់ទីក្រុង Jaipur បានត្រឡប់ចូលអាកាសយាន្តដ្ឋានវិញភ្លាមៗ បន្ទាប់ពីចេញដំណើរ។

វីដេអូបង្ហោះដោយអ្នកដំណើរម្នាក់លើបណ្តាញសង្គម Twitter លើយន្តហោកើតហេតុបានបង្ហាញឱ្យឃើញថា ម៉ាស់អុកស៊ីសែនបានពង្រាយពាសពេញនៅក្នុងយន្តហោះ។

យន្តហោះ Boeing 737 ដែលបានដឹកអ្នកដំណើរ ១៦៦នាក់មួយនេះ បានចុះចតដោយសុវត្ថិភាព៕