adverise with khmeread 0

​របង​បន្លា​លួស​ដើម្បី​ទប់ស្កាត់​ជនភៀសខ្លួន​លេចចេញ​ជាថ្មី​បន្ថែមទៀត​នៅឯ​ព្រំប្រទល់​ប្រទេស Macedonia

​របងលួស​ដែល​ព័ទ្ធជុំវិញ​ប្រទេស Macedonia កាលពី​យប់មិញ​ម្សិលមិញ​នេះ បាន​ក្លាយជា​ព្រំដែន​មួយ​ថ្មី​មួយ​ផ្សេងទៀត​នៅក្នុង​ការប៉ុនប៉ង​រប​ស់​អឺរ៉ុប​ដើម្បី​ដោះស្រាយ​វិបត្តិ​ចំណាកស្រុក ខណៈដែល​ប្រទេស​ក្រិ​ក​ត្រូវបាន​ប្រាប់ថា​នឹង​ត្រូវតែ​ប្រឈមមុខ​ក្នុង​ការធ្វើ "​ពលិកម្ម​" ស្រោចស្រង់​តំបន់​អឺរ៉ុប​។​

​កាលពី​ថ្ងៃ​ម្សិលមិញ​នេះ ប្រទេស​អូទ្រីស និង​បណ្តា​ប្រទេស​នៅក្នុង​តំបន់​បាល់​កង់​បាន​បដិសេធ​ក្នុងការ​បន្ធូរបន្ថយ​ការ​រឹតបន្តឹង​តំបន់​ព្រំដែន ដែល​បាន​នាំឱ្យ​ក្រិ​ក​បច្ចុប្បន្ន​ត្រូវ​នៅ​ដា​ច់ស​ង្វែ​ក​តំបន់​អឺរ៉ុប​ហើយ​។​

​របង​ចម្ងាយ ១៩ មា​យស៍ (៣០,៥​គីឡូម៉ែត្រ​) ត្រូវបាន​គេ​ដាក់ពង្រាយ​តាម​បណ្តោយ​ព្រំដែន​ប្រទេស Macedonia ដែលមាន​កម្ពស់ ៨​ហ្វី​ត (២,៤ ម៉ែត្រ​) ដើម្បី​ទប់ស្កាត់​ជនភៀសខ្លួន​រាប់សិប​ម៉ឺន​នាក់​ដែល​កំពុង​ជាប់​កកកុញ​ក្នុងប្រទេស​ក្រិ​ក​។​

​អធិការបតី​ប្រទេស​អូទ្រីស​លោក Werner Faymann ថ្លែង​ទៅកាន់​បណ្តា​អ្នកសារព័ត៌មាន​កាលពី​ថ្ងៃ​អង្គារ​ម្សិលមិញ​ថា ការត្រួតពិនិត្យ​តាម​បណ្តា​យ​ព្រំដែន​ដែល​បានដាក់​ចេញ​នៅ​ទូទាំង​តំបន់​អឺរ៉ុប​គឺ​ត្រូវការ​ចាំបាច់​ដើម្បី​បញ្ចប់ "​ភាពវឹកវរ​គ្មាន​សណ្តាប់ធ្នាប់​"​។ លោក​បាន​ព្រមាន​ថា អូទ្រីស​នឹងមិន​រង់ចាំ​ទុក​ផ្លូវ​ឱ្យ​អាល្លឺម៉ង់​តទៅទៀត​នោះឡើយ​៕

 

adverise with khmeread
ប្រភព៖ ដេលីមែល

មតិយោបល់