adverise with khmeread 74624d1b 0c61 49cf a5c1 bc627f9a1fff   copy

ចោរឆក់​ទូរស័ព្ទ​ម្នាក់​ត្រូវ​ប៉ូលិស​វ៉ៃខ្នោះ​

  ភ្នំពេញ ៖ បុរស​ម្នាក់​ក្នង​ចំណោម​បក្ខពួក​២​នាក់​ត្រូវបាន​ប៉ូលិស​ប៉ុស្តិ៍​ព្រែកប្រា​ឃាត់ខ្លួន​ក្នុងករណី​ឆក់​ទូរស័ព្ទដៃ​កាលពី​វេលា​ម៉ោង​៦​កន្លះ​យប់​ថ្ងៃទី​២​មីនាឆ្នាំ​២០១៦​នៅ​ចំណុច​មុខ វត្ត​ព្រែកប្រា ផ្លូវ​៣៦៩ ភូមិ​អូរអណ្តូង សង្កាត់​ព្រែកប្រា ខណ្ឌ​ច្បារអំពៅ​។​

   ប៉ូលិស​និយាយថា ជនរងគ្រោះ​ឈ្មោះ ផូ សុផាន់​ណា​រ៉ា ភេទ​ប្រុស អាយុ​២៤​ឆ្នាំ ជនជាតិខ្មែរ មុខរបរ ជាងឈើ ស្នាក់នៅ ភូមិ​តាខ្មៅ សង្កាត់​តាខ្មៅ ក្រុង​តាខ្មៅ ខេត្តកណ្តាល។​

   ចំណែក​ជនសង្ស័យ​បាន​ម្នាក់​ឈ្មោះ ស ចាន់​ធារ​: ហៅ ទុំ ភេទ ប្រុស អាយុ ២៤​ឆ្នាំ ជនជាតិ ខ្មែរ មុខរបរ មិន​ពិតប្រាកដ ស្នាក់​នៅផ្ទះ​លេខ​១៧៩​ផ្លូវលំ ភូមិ​តាងៅ សង្កា​តិ​និរោធ ខណ្ឌ​ច្បារអំពៅ​។​

   ប៉ូលិស​បន្តថា មុនពេល​កើតហេតុ ជនរងគ្រោះ និង​មិត្តភក្តិ​ជិះ​ម៉ូតូ​មួយគ្រឿងម៉ាក ជ្រុង​ Cub 70 ពណ៌ ទឹកសមុទ្រ ចេញពី​ធ្វើការ​ត្រឡប់ទៅផ្ទះ​នៅ​ក្រុង​តាខ្មៅ ។ ពេលមកដល់​ចំណុចកើតហេតុ​ជនរងគ្រោះ​បាន​លើក​ទូរស័ព្ទ​មួយគ្រឿង ម៉ាក ​Camfone6S ព​ណ៍ស ប្រើ​ស៊ីម​លេខ 096 6122 763 និយាយ ។​

   ស្រាប់​តែមាន​ជនសង្ស័យ​២​នាក់ គឺ​ឈ្មោះ ស ចាន់​ធា​រៈ និង​បក្ខពួក​ឈ្មោះ ឆា​លី ជិះ​ម៉ូតូ​មួយគ្រឿង ម៉ាក ហុងដា​សេ​១២៥ ពណ៌ ខ្មៅ ពាក់​ស្លាក​លេខ ភ្នំពេញ 1CM-5171​មកពី​ក្រោយ អែប​ខាងស្តាំ រួច​ជន សង្ស័យ​ឈ្មោះ​ស ចាន់​ធារ​:​អង្គុយ​ក្រោយ​ឆក់ ទូរស័ព្ទ​ពី​ជនរងគ្រោះ​បានសម្រេច ក៏​ប៉ះ​ម៉ូតូ​ជាមួយ​ជនរងគ្រោះ បណ្តាលឱ្យ​ដួល​ទាំងអស់គ្នា ។​

    ស្របពេលនោះ​ក៏ មាន​សមត្ថកិច្ច​ល្បាត​ក្បែរ​នោះជួយ​អន្តរាគមន៍ឃាត់ខ្លួន ​បាន​ជនសង្ស័យ​ម្នាក់​ឈ្មោះ ស ចាន់​ធា​រៈ ដកហូត​បាន​ម៉ូតូ​របស់​ជនសង្ស័យ​ជិះ​ធ្វើ​សកម្មភាព​ម៉ាក​ខាងលើ និង​ទូរស័ព្ទដៃ​ជនរងគ្រោះ​បញ្ជូនមក​ទីស្នាក់ការ​ប៉ុស្តិ៍​ព្រែកប្រា ធ្វើការ​សាកសួរ​បន្ត ។ ចំណែក​ជនសង្ស័យ​ម្នាក់ទៀត​ឈ្មោះ ឆា​លី បាន​រត់​គេចខ្លួនបាត់​។​

    បច្ចុប្បន្ន ជនសង្ស័យ​ឃាត់ខ្លួន​បណ្តោះអាសន្ន នៅ​អធិការដ្ឋាន​ប៉ូលិស​ខណ្ឌ​ច្បារអំពៅ​៕​

adverise with khmeread

អ្នកនឹងចូលចិត្ត

មតិយោបល់