adverise with khmeread 1

​កីឡាករ​ក្បាច់គុណ​ចម្រុះ McGregor ចង់​សាក​ថ្វីដៃ​ជាមួយ Mayweather

​កីឡាករ Conor McGregor និយាយថា គាត់​នឹង​រីករាយ​ក្នុងការ​ប្រកួត​ដ៏​ធំ​ជាមួយ​អ្នក​ប្រដាល់ Floyd Mayweather​។​

​តារា UFC សញ្ជាតិ​អៀរ​ឡង់​រូបនេះ​នឹង​ប្រឈមមុខ​ជាមួយ​កីឡាករ Nate Diaz នៅក្នុង​កម្មវិធី UFC 196 ក្នុង​ទីក្រុង Las Vegas នៅ​ថ្ងៃ​សៅរ៍​នេះ ប៉ុន្តែ​គាត់​ចាត់ទុក​អ្នក​ប្រដាល់​ចូលនិវត្តន៍ Mayweather ជា​គោលដៅ​របស់គាត់​។​

​នៅពេល​ត្រូវបាន​សួរថា គាត់​នឹង​វ៉ៃ​ជាមួយ​អតីត​ស្តេច​លើស​ង្វៀន​រូបនេះ គាត់​បាន​ឆ្លើយតប​ថា "​ខ្ញុំ​បើកចំហរ​ចំពោះ​ការពិភាក្សា​។ មកជួប​ខ្ញុំ​មក​! ប៉ុន្តែ​ខ្ញុំ​ជា​អ្នកគ្រប់គ្រង​រឿងនេះ​។ វា​អាស្រ័យ​លើ​ខ្ញុំ​ចំពោះ​ការ​វ៉ៃ​មួយ​នេះ​"​។​

​គាត់​បាន​បន្តទៀតថា "​ខ្ញុំ​បើក​ចិត្ត​ទូលាយ​! ខ្ញុំ​ស្រឡាញ់​ការប្រកួតប្រជែង​និង​ការ​វ៉ៃ​។ វា​ច្បាស់​ជា​ចាប់អារម្មណ៍​ដែល​ឃើញ​ខ្ញុំ​អាចធ្វើ​ឲ្យ​ការប្រកួត​នេះ​កើតឡើង​ប្រសិនបើ​ប្រិយមិត្ត​ចង់ឃើញ​។ ជាក់ស្តែង​ពួកគេ​អាច​នឹង​ឃើញ​"៕

adverise with khmeread
ប្រភព៖ The Sun

មតិយោបល់