ចុម! Rooney គ្រាន់តែមកពីអារ៉ាប៊ីសាអូឌីតភ្លាមត្រូវប៉ូលិសចាប់ខ្លួន

អ្នកនាំពាក្យរបស់ Wayne Rooney បាននិយាយថាការចាប់ខ្លួន Wayne Rooney សម្រាប់ការសេពគ្រឿងស្រវឹងតាមសាធារណៈ គឺជាលទ្ធផលមួយ "ការវង្វេងស្មារតី" បន្ទាប់ពីលេបថ្នាំងងុយដេកនៅលើយន្តហោះ ខណៈពេលផឹកស្រា។

អតីតប្រធានក្រុមអង់គ្លេស និងក្រុមបិសាចក្រហម Manchester United ត្រូវបានចាប់ខ្លួននៅថ្ងៃទី ១៦ ខែធ្នូនៅអាកាសយានដ្ឋាន Dulles International ក្នុងរដ្ឋ Virginia សហរដ្ឋអាមេរិក បន្ទាប់ពីវិលត្រឡប់ពីការធ្វើដំណើររយៈពេលមួយថ្ងៃទៅអារ៉ាប៊ីសាអ៊ូឌីត។

យោងតាមឯកសារតុលាការពីតុលាការស្រុក Loudoun បានឱ្យដឹងថា Rooney អាយុ ៣៣ ឆ្នាំត្រូវបានចោទប្រកាន់ និងបង់ប្រាក់ពិន័យចំនួន ២៥ ដុល្លា និងការចំណាយខូចខាត ៩១ ដុល្លានៅថ្ងៃទី ៤ ខែមករា។

នៅក្នុងសេចក្តីថ្លែងការណ៍​អ្នកនាំពាក្យរបស់គាត់បាននិយាយថា "ក្នុងអំឡុងពេលហោះហើរ Rooney បានលេបថ្នាំងងុយគេងមួយចំនួន ដែលលាយជាមួយនឹងគ្រឿងស្រវឹង ហើយដូច្នេះវានឹងធ្វើឱ្យវង្វេងស្មារតីនៅពេលមកដល់។

អ្នកនាំពាក្យនិយាយថា "គាត់ត្រូវបានប៉ូលិសចូលទៅរកគាត់ ហើយបានចាប់ខ្លួនគាត់ពីបទល្មើសមជ្ឈិម។ គាត់បានទទួលការពិន័យដោយស្វ័យប្រវត្តិតាមច្បាប់ ហើយត្រូវបានដោះលែងភ្លាមៗនៅព្រលានយន្តហោះ"។

Rooney ដែលបច្ចុប្បន្នលេងឱ្យក្លឹប DC របស់ក្លឹប Major League Soccer ត្រូវបានគេចោទប្រកាន់ពីបទល្មើសមជ្ឈិម "កម្រិត ៤" ដែលត្រូវពិន័យជាប្រាក់ ២៥០ ដុល្លារ៕
 

adverise with khmeread