រថយន្តដឹកទំនិញធុនធំជាមួយម៉ូតូបណ្តាលឱ្យស្ត្រី២នាក់បាត់បង់ជីវិត

​ព្រះសីហនុ​ ៖ មានករណីស្ត្រី២នាក់បាត់បង់ជីវិតដោយគ្រោះថ្នាក់ចរាចរណ៍រវាងរថយន្តដឹកទំនិញធុនធំជាមួយម៉ូតូកើតឡើងនៅល្ងាចថ្ងៃទី​១៤ ខែកុម្ភៈ ឆ្នាំ២០១៩ វេលាម៉ោង៥ និង៣០នាទីល្ងាច លើផ្លូវជាតិលេខ៤ ចន្លោះគីឡូម៉ែត្រ ១៨៩-១៩០ ស្ថិតនៅក្នុងភូមិព្រៃនប់២ ឃុំព្រៃនប់ ស្រុកព្រៃនប់ ខេត្តព្រះសីហនុ​។ 

​សមត្ថកិច្ចនិយាយថា រថយន្តបង្ក ម៉ាក HINO ពណ៌ ក្រហម ពាក់ស្លាកលេខភ្នំពេញ3A-2223 បើកបរដោយឈ្មោះ ជឿន សាមឌី ភេទប្រុស អាយុ​២២ឆ្នាំ មុខរបរ អ្នកបើកបររថយន្ត មានទីលំនៅភូមិអង្គក្លើ ឃុំត្បែង ស្រុកកណ្ដាលស្ទឹង ខេត្តកណ្ដាល មានទិសដៅពីភ្នំពេញ ឆ្ពោះមក ខេត្តព្រះសីហនុ។
 
​លុះដល់ចំណុចខាងលើរថយន្តបានបុកម៉ូតូ ០១គ្រឿងម៉ាក WAVE ពណ៌ ក្រហម គ្មានស្លាកលេខ បើកបរដោយឈ្មោះ ថាច់ ញឹង ភេទ​ស្រី អាយុ​៦៨ឆ្នាំ មុខរបរ នៅផ្ទះ មានអ្នករួមដំណើរម្នាក់ឈ្មោះ ថាច់ សៀន ភេទ​ស្រី  អាយុ​៦៥ឆ្នាំ មុខរបរ នៅផ្ទះ អ្នកទាំងពីរមានទីលំនៅភូមិបែកក្រុង ឃុំព្រៃនប់ ស្រុកព្រៃនប់ ខេត្តព្រះសីហនុ មានទិសដៅផ្ទុយគ្នា បណ្ដាលឱ្យជនរងគ្រោះទី១-ឈ្មោះ ថាច់ ញឹង អ្នកបើកបរម៉ូតូ (ដំបូងរងរបួសធ្ងន់) ក្រោយមកបាត់បង់ជីវិតពេលបញ្ជូនទៅសង្គ្រោះគ្លីនិកវាលរេញ និងទី២-ឈ្មោះ ថាច់ សៀន អ្នករួមដំណើរលើម៉ូតូបាត់បង់ជីវិតនៅនឹងកន្លែងកើតហេតុ។ 

​បច្ចុប្បន្នសាកសពជនរងគ្រោះទាំងពីរ បានប្រគល់ជូនទៅជូនក្រុមគ្រួសារយកទៅធ្វើបុណ្យតាមប្រពៃណី​។ ចំណែកអ្នកបើកបររថយន្តបាននាំទៅសាកសួរនៅអធិការដ្ឋានស្រុកព្រៃនប់​។ វត្ថុតាង រថយន្ត និង ម៉ូតូ បានយកមករក្សាទុកនៅអធិការដ្ឋានប៉ូលិសស្រុកព្រៃនប់​៕


 

adverise with khmeread
tiger
Loading ad ...
Tiger underlay aa7d814b8ab2932c241f74f33a3821ad6b0abf8e6a38a16923f641ec017a13ab