អង្គការ HWPL និង គណៈប្រតិភូ​សន្តិភាព​អន្តរជាតិ​មកដល់​កម្ពុជា​ដើម្បី​បើក​ដំណើរការ​ក្រុមប្រឹក្សា​សន្តិភាព​ក្រោម​ចំណុះ​ក្រសួង​អប់រំ​

​ដើម្បី​ការអភិវឌ្ឍ​សន្តិភាព​ប្រកបដោយ​ចរី​ភាព អង្គការ​សន្តិភាព​អន្តរជាតិ​ដែលមាន​ឈ្មោះថា «HWPL» (​វប្បធម៌​ល្អ​វិសេសវិសាល សន្តិភាព​ពិភពលោក និង​ការស្តារ​ពន្លឺ​ឡើងវិញ​) និង​គណៈប្រតិភូ​សន្តិភាព​នានា​បានចាប់ផ្តើម​ដំណើរ​ទស្សនកិច្ច​សន្តិភាព​ពិភពលោក​និង​បានមក​ដល់​ប្រទេស​កម្ពុជា​កាលពី​ថ្ងៃទី ២០ ខែកុម្ភៈ​។​

​ដំណើរ​ទស្សនកិច្ច​សន្តិ​ភាព​ពិភពលោក​មកកាន់​ប្រទេស​កម្ពុជា​គឺជា​ទស្សនកិច្ច​លើកដំបូង​របស់​អង្គការ HWPL ។ អង្គការ HWPL បានធ្វើការ​ជាមួយ​រដ្ឋាភិបាល​កម្ពុជា​រួមទាំង​ក្រសួង​អប់រំ​យុវជន​និង​កីឡា​និង​ក្រសួងយុត្តិធម៌​។ ក្រសួង​អប់រំ​យុវជន​និង​កីឡា​បាន​ចុះហត្ថលេខា​លើ​អនុស្សារណៈ​នៃ​កិច្ចព្រមព្រៀង (MOA) ជាមួយ​អង្គការ HWPL កាលពី​ថ្ងៃទី ១៧ ខែកញ្ញា​ឆ្នាំ ២០១៨​។ ហើយ​បន្ទាប់ពី​នោះមក កម្មវិធី​អប់រំ​សាកល្បង​ក៏បាន​លេច​រូបរាង​ចេញពី MOA នេះ​។ MOA គ្រោង​នឹង​រៀបចំ​និង​ផ្សព្វផ្សាយ​ការអប់រំ​នៃ "​តម្លៃ​សន្តិភាព​របស់​អង្គការ HWPL" ដែលជា​ការប្តេជ្ញាចិត្ត​ទ្វេភាគី​។​

​ការអប់រំ​សន្តិភាព​របស់ HWPL គឺ​ដើម្បី​បំភ្លឺ​ដល់​សិស្ស​និស្សិត​និង​បណ្តុះ​បុគ្គល​ដែលមាន​ទេពកោសល្យ​ជាមួយនឹង​តម្លៃ​និង​ស្មារតី​នៃ​សន្តិភាព ដែល​បន្ទាប់មក​អាច​ដើរតួនាទី​ត្រួសត្រាយ​ក្នុងការ​ផ្សព្វផ្សាយ​ទូលំទូលាយ​នូវ​វប្បធម៌​សន្តិភាព​។ ការអប់រំ​នេះ​ផ្តល់នូវ​ការយល់ដឹង​ជា​មូលដ្ឋាន​អំពី​គោលការណ៍​ជា​មូលដ្ឋាន​ដែល​មនុស្ស​ត្រូវធ្វើឡើង​ដើម្បី​បង្កើត​សន្តិភាព​។​

"​ពិធី​បើក​ដំណើរការ​ក្រុមប្រឹក្សា​សន្តិភាព​ក្រោម​ចំណុះ​ក្រសួង​អប់រំ​យុវជន​ក្នុងប្រទេស​កម្ពុជា​ឆ្នាំ ២០១៩" នឹង​ត្រូវធ្វើ​បន្ថែមទៀត​នៅ​ថ្ងៃទី ២២ ខែកុម្ភៈ​។ សមាជិក​ចំនួន ២៩ នាក់​រួមទាំង​លោកជំទាវ គីម សេដ្ឋា​នី រដ្ឋលេខាធិការ​ក្រសួង​អប់រំ​យុវជន និង​កីឡា នឹងត្រូវ​តែងតាំង​ជា​ក្រុមប្រឹក្សា​សន្តិភាព​នៅ​ពិធី​នេះ​។ សមាជិក​ទាំងអស់​នៃ​ក្រុមប្រឹក្សា​នេះ​នឹងសិក្សា​និង​អនុវត្ត​កម្មវិធី​អប់រំ​ដើម្បីឱ្យ​សិស្ស​កម្ពុជា​ក្លាយជា​អ្នកដឹកនាំ​សន្តិភាព​នាពេល​អនាគត​។​

​លោក រ៉េ​ន គុន អ្នកគ្រប់គ្រង​ផ្នែក​ធនធានមនុស្ស​នៅ​ក្រសួង​អប់រំ​យុវជន​និង​កីឡា​បាន​មានប្រសាសន៍ថា "​ការអប់រំ​សន្តិភាព​ដែល​សហការ​ជាមួយ​ក្រុម​សន្តិភាព​អន្តរជាតិ​មាន​គោលបំណង​ដើម្បីឱ្យ​មនុស្ស​ជំនាន់​ក្រោយ​បង្កើត​ពិភពលោក​ដែលមាន​ការចុះ​សម្រុង​គ្នា និង​ធ្វើឱ្យ​ពួកគេ​ក្លាយទៅជា​អ្នក​នាំសារ​សន្តិភាព​សម្រាប់​សាបព្រោះ​វប្បធម៌​សន្តិភាព​ក្រោម​ពាក្យស្លោក ពួកយើង​គឺ​តែមួយ​"​។​

​នៅពេល​សាបព្រោះ​សន្តិភាព​ទៅកាន់​ពិភពលោក​ទាំងមូល អង្គការ HWPL បាន​បង្កើត​គំនិត​ផ្តួចផ្តើម​សន្តិភាព​របស់ខ្លួន​សម្រាប់​ការអប់រំ​យុវជន​យុវនារី​និង​សារព័ត៌មាន​ដោយ​ផ្អែកលើ​សេចក្តីប្រកាស​សន្តិភាព​និង​ការបញ្ចប់​សង្គ្រាម (DPCW) ដែលជា​ចម្លើយ​នៃ​សន្តិភាព ដែល​ទាំងអស់នេះ​ត្រូវបាន​ហៅថា វប្បធម៌​នៃ​សន្តិភាព​៕ 

adverise with khmeread
PR
tiger
Loading ad ...
Tiger underlay aa7d814b8ab2932c241f74f33a3821ad6b0abf8e6a38a16923f641ec017a13ab