លោក Zinedine Zidance នៅតែចាប់អារម្មណ៍ចង់ដឹកនាំក្លឹប Chelseaខណ: ក្លឹបនេះត្រូវជាប់បម្រាមរបស់ FIFA

អតីតអ្នកចាត់ការក្លឹប Real Madrid លោក Zinedine Zidane នៅតែចាប់អារម្មណ៍ចង់បានតំណែងអ្នកចាត់ការនៅក្លឹប Chelsea បើទោះបីជាក្លឹបនេះប្រឈមនឹងការជាប់បម្រាមមិនឲ្យផ្ទេរកីឡាករពីររដូវកាលក៏ដោយ។

 

ក្លឹបនៅពហុកីឡាដ្ឋាន Stamford Bridge នេះជាប់បម្រាមដោយសារតែចុះកិច្ចព្រមព្រៀងផ្ទេរកីឡាករវ័យក្មេង២៩នាក់ដោយខុសច្បាប់ ប៉ុន្តែក្លឹប​ Chelsea ទំនងជាឧទ្ធរណ៍នឹងសេចក្តីសម្រេចនេះ ដើម្បីបានឱកាសនាំយកកីឡាករថ្មីនៅរដូវកាលទិញដូររដូវក្តៅខាងមុខ។

 

ស្របពេលដែលគ្រូបង្វឹកបច្ចុប្បន្នលោកMaurizio Sarriកំពុងស្ថិតក្រោមសម្ពាធលោក Zidance នៅតែចង់បានការងារនេះ ហើយនឹងទទួលបានកញ្ចប់ទឹកប្រាក់២០០លានផោនដើម្បីផ្ទេរកីឡាករ។

 

កាលពីដំបូងលោក Sarri ចាប់ផ្តើមបានល្អជាមួយក្លឹប​ Chelsea ប៉ុន្តែក្រុមតោខៀវនេះចាប់ផ្តើមធ្លាក់ជើងយ៉ាងខ្លាំង ហើយនៅពេលនេះធ្លាក់មកឈរនៅលេខរៀងទី៦នៅក្របខណ្ឌ​ EPL គឺមានគម្លាត១ពិន្ទុពីកៅអីនៅក្របខណ្ឌ CL សម្រាប់រដូវកាលក្រោយ៕

 

adverise with khmeread
tiger
Loading ad ...
Tiger underlay aa7d814b8ab2932c241f74f33a3821ad6b0abf8e6a38a16923f641ec017a13ab