វៀតណាមហាមយន្តហោះ Boeing 737 MAX ហោះឆ្លងកាត់ដែនអាកាសរបស់ខ្លួន បន្ទាប់ពីហេតុការណ៍ធ្លាក់យន្តហោះនៅអេត្យូពី

ក្រុមអ្នកឃ្លាំមើលអាកាសចរណ៍របស់វៀតណាមបានប្រកាសកាលពីថ្ងៃពុធថា ខ្លួននឹងផ្អាកជាបណ្តោះអាសន្ននូវជើងហោះហើរទាំងអស់ដែលប្រើយន្តហោះ Boeing 737 MAX ពីដែនអាកាសរបស់ខ្លួន ដើម្បីធានាសុវត្ថិភាពដល់អ្នកដំណើរ។

យោងតាមអាជ្ញាធរអាកាសចរណ៍ស៊ីវិលវៀតណាម (CAAV) បានឱ្យដឹងថា បម្រាមនេះនឹងចូលជាធរមានចាប់ពីម៉ោង ១០ ព្រឹកថ្ងៃពុធរហូតដល់មានការជូនដំណឹងបន្ថែមទៀត។

CAAV ក៏នឹងបញ្ឈប់ការអនុម័តប្រតិបត្តិការហោះហើរថ្មីសម្រាប់សេវាកម្មដោយប្រើយន្តហោះ ដែលបាននិយាយនេះផងដែរ។

ក្រុមអ្នកឃ្លាំមើលអាកាសចរណ៍វៀតណាមបាននិយាយថា ខ្លួនបានសម្រេចចិត្តរារាំងជើងហោះហើរបែបនេះ ពីដែនអាកាសរបស់ខ្លួន ដើម្បីធានាសុវត្ថិភាព បន្ទាប់ពីធ្លាក់យន្តហោះ Boeing 737 MAX របស់ក្រុមហ៊ុនអាកាសចរណ៍ Ethiopian Airlines កាលពីថ្ងៃអាទិត្យ ដោយសម្លាប់មនុស្សប្រមាណ ១៥៧ នាក់។

នៅថ្ងៃទី ២៩ ខែតុលាឆ្នាំ ២០១៨ យន្តហោះក្រុមហ៊ុន Lion Air ដែលប្រើគំរូយន្តហោះ Boeing ដូចគ្នានេះដែរបានធ្លាក់ចូលសមុទ្រ Java ក្នុងរយៈពេល ១៣ នាទីបន្ទាប់ពីហោះចេញពីរដ្ឋធានីហ្សាការតាដោយបានសម្លាប់មនុស្សទាំងអស់ ១៨៩ នាក់នៅលើយន្តហោះ។

ប្រឆាំងនឹងបរិបទនេះ សិង្ហបុរី និងអូស្រ្តាលីក៏បានផ្អាកដំណើរការយន្ដហោះ Boeing 737 MAX ទាំងអស់ទាំងនៅក្នុង និងចេញពីព្រលានយន្តហោះរបស់ខ្លួនកាលពីថ្ងៃអង្គារ ហើយបណ្តាប្រទេស និងក្រុមហ៊ុនអាកាសចរណ៍ជាច្រើនហូរហែរកំពុងផ្អាកយន្តហោះរបស់អាមេរិកនេះផងដែរ៕

ប្រភពៈបរទេស

adverise with khmeread

អ្នកនឹងចូលចិត្ត