adverise with khmeread 1

​លោក Van Gaal និយាយថា Liverpool មិនមែនជា​សត្រូវ​រប​ស់​គាត់​ទេ​ខណៈ​គាត់​មាន​កំណត់ត្រា​ល្អជា​មួយ​ហង្ស​ក្រហម​

​លោក Louis van Gaal បាន​ព្យាយាម​បន្ថយកម្តៅ​មុន​ការប្រកួត​ក្នុង​ក្របខ័ណ្ឌ Europa League ជាមួយ​សត្រូវ​ចាស់វស្សា Liverpool ក្នុង​រាត្រី​នេះ​ដោយ​អះអាងថា​គូប្រជែង​របស់គាត់​មួយ​នេះ​មិនមែនជា​សត្រូវ​នោះទេ​។​

​គ្រូបង្វឹក​បិសាច​ក្រហម Manchester United បច្ចុប្បន្ន​រូបនេះ មានកំណត់​ត្រា​ល្អជា​មួយ​ហង្ស​ក្រហម​អំឡុងពេល​គាត់​ដឹកនាំ​ក្រុម​នៅ​ទីក្រុង​ម៉ាន់​ឆេ​ស្ទើ​មួយ​នេះ ដោយ​ឈ្នះ Liverpool បួន​ប្រកួត​ក្នុង​ក្របខ័ណ្ឌ Premier League និង​បាន​បំបាក់​ពួកគេ​ក្នុងការ​ប្រកួត​មិត្តភាព International Champions Cup ក្នុង​វគ្គ​ផ្តាច់ព្រ័ត្រ​ក្នុង​ទីក្រុង Miami កាលពី​ឆ្នាំ ២០១៤ ថែម​ទៀតផង​។​

​គាត់​បាន​និយាយថា "​មនុស្ស​មួយចំនួន​គិតថា Liverpool ជាស​ត្រូវ​របស់​យើង​។ ខ្ញុំ​មិន​គិត​ដូច្នោះ​ទេ​! ខ្ញុំ​កំពុងតែ​គិតថា ពួកគេ​ជា​គូប្រកួត​មួយ​ហើយ​យើង​ចង់​បំបាក់​ពួកគេ​។ សម្រាប់​ខ្ញុំ ខ្ញុំ​ពិតជា​ចង់​ឈ្នះ​រាល់​ការប្រកួត​ខ្លាំងណាស់ ហើយ​នៅពេលដែល​ខ្ញុំ​ចាញ់ ខ្ញុំ​ពិតជា​ខកចិត្ត​ខ្លាំង​។ អ្នក​អាច​ឃើញ​វា​តាមរយៈ​ភាសា​កាយវិការ​របស់ខ្ញុំ​។ វា​ពិតជា​បង្ហាញ​យ៉ាងច្បាស់​ណាស់​។ វា​ពិតជា​ល្អ​ដែល United បាន​បំបាក់ Liverpool ជាច្រើនលើក​ច្រើនសារ​"​។​

​គួរបញ្ជាក់​ផងដែរ​ថា បី​ប្រកួត​ដែល​លោក Van Gaal បាន​ដឹកនាំ​ឈ្នះ​ក្រុម​ហង្ស​ក្រហម​នោះ គឺ​នៅពេលដែល​លោក Brendan Rodgers នៅ​ជា​គ្រូបង្វឹក Liverpool នៅឡើយ និង​មួយ​ប្រកួត​គឺ​ក្រោម​ការដឹកនាំ​របស់​គ្រូបង្វឹក​ថ្មី​លោក Jurgen Klopp៕

adverise with khmeread
ប្រភព៖ Daily Mail

មតិយោបល់