សង្គ្រាមពាណិជ្ជកម្មរវាងចិននិងអាមេរិក ៖ ចិនប្រកាសលុបចោលការបញ្ជាទិញសាច់ជ្រូករបស់អាមេរិក ធ្វើឱ្យអ្នកចិញ្ចឹមជ្រូកស្រែកយ៉ៃ

នៅ​សប្តាហ៍​ដូចគ្នា ដែល​លោក​ប្រធានាធិបតី​អាមេរិក​ដូ​ណា​ល់ ត្រាំ ប្រកាស​បង្កើន​ពន្ធ​លើ​ទំនិញ​របស់​ចិន អតិថិជន​ចិន​បាន​លុបចោល​ការបញ្ជាទិញ​សាច់ជ្រូក​អាមេរិក​ចំនួន ៣.២៤៧ តោន​ដូចគ្នា​ដែរ​។

​យោងតាម​ទិន្នន័យ​របស់​ក្រសួងកសិកម្ម​អាមេរិក​ដែល​បញ្ចេញ​កាលពី​ថ្ងៃ​ព្រហស្បតិ៍​សប្តាហ៍​មុន​បានឱ្យដឹងថា វា​ជាការ​លុបចោល​ធំ​បំផុត​ក្នុង​រយៈពេល​ជាង​មួយឆ្នាំ​មកនេះ​។

​ការលុបចោល​នេះ​បាន​កើតឡើង​អំឡុង​ចុង​សប្តាហ៍​ថ្ងៃទី​៩​ឧសភា ដែលជា​ការ​វាយ​សំពង​មួយ​ដល់ទី​ផ្សារ​នាំចេញ​សាច់ជ្រូក​អាមេរិក​តម្លៃ ៦,៥ ពាន់​លាន​ដុល្លារ ដែល​រួមចំណែក​ដ៏​សំខាន់​ដល់​ឧស្សាហកម្ម​សាច់​របស់​អាមេរិក​។

​មុនពេល​ផ្ទុះ​សង្គ្រាម​ពាណិជ្ជកម្ម ចិន​និង​ហុងកុង​រួមគ្នា​គឺជា​ទីផ្សារ​នាំចេញ​សាច់ជ្រូក​អាមេរិក​ធំ​បំផុត​លំដាប់​ទី​ពី​រលើ​ពិភពលោក​។

​អស់​ជាច្រើន​ខែ​មកនេះ វិស័យ​កសិកម្ម​របស់​អាមេរិក ដែល​ស្ថិត​ក្នុងចំណោម​វិស័យ​រង​ផលប៉ះពាល់​ធ្ងន់​ជាងគេ​បំផុត​ដោយសារ​សង្គ្រាម​ពាណិជ្ជកម្ម​រវាង​ប្រទេស​សេដ្ឋកិច្ច​ធំ​បំផុត​ទាំងពីរ​លើ​ពិភពលោក​នេះ គឺ​រំពឹង​ខ្ពស់​ថា ចិន​នឹង​បង្កើន​ការទិញ​សាច់ជ្រូក​របស់​អាមេរិក ដោយសារតែ​ជំងឺ​គ្រុនផ្តាសាយ​ជ្រូក​អាហ្វ្រិក​៕ ប្រភព៖ បរទេស

adverise with khmeread
tiger
Loading ad ...