adverise with khmeread 1

ប្រសិនបើ​អ្នកឃើញ​នារី​ណា​ដែល​ពាក់​ឧបករណ៍​ខ្មៅ​មួយ​នេះ​, មូលហេតុ​របស់​វា​គឺ​យ៉ាង​ដូច្នេះ​!

​    ​អំពើហិង្សា​លើ​នារី​កើតមាន​គ្រប់​ទីកន្លែង​លើ​ពិភពលោក​។ គ្រាន់តែ​ក្នុង​សហរដ្ឋអាមេរិក​មួយ ករណី​បៀតបៀន​ផ្លូវភេទ​បាន​កើនឡើង​ចំនួន ៤០​ភាគរយ នេះ​បើតាម​ស្ថិតិ​របស់​សាកលវិទ្យាល័យ​ជាច្រើន​របស់​អា​មេ​រិ​ករួ​ម​បញ្ចូល​គ្នា​។

​    ​ឧបករណ៍​ខ្មៅ​ហៅថា Athena របស់​ក្រុមហ៊ុន ROAR ត្រូវបាន​បង្កើតឡើង​ដោយ Yasmin Mustafa និង Anthony Gold ក្នុង​គោលបំណង​ផ្តល់​អំណាច​ដល់​ស្ត្រី ដូច្នេះ​ពួកគេ​នឹង​អាចមាន​សេរីភាព​ដើរហើរ​លើ​ពិភពលោក​ដោយ​គ្មាន​ក្តីបារម្ភ​នោះឡើយ​។ ការពាក់​វា​ជា​បន្តោង​ខ្សែក នឹង​ជួយ​ជំរុញ​ភាពជឿជាក់​ដល់​ស្ត្រី​នៅពេលដែល​ស្ត្រី​នៅតែ​ម្នាក់ឯង​។​

​     ឧបករណ៍ Athena អាច​ពាក់​ជា​បន្តោង​ខ្សែក កៀប​នឹង​កអាវ កាបូបស្ពាយ ។​ល​។ ចុច​ប៊ូ​តុង​របស់​វា ៣ វិនាទី វា​នឹង​បញ្ចេញ​សម្លេង​រោទិ៍​យ៉ាងខ្លាំង​។ ស្របពេល​ជាមួយគ្នា​នោះដែរ លេខ​ទំនាក់ទំនង​សង្គ្រោះបន្ទាន់​ក្នុង​ទូរស័ព្ទដៃ​របស់​អ្នកនឹង​ទទួល​សារ​ជា​អក្សរ​ពី​ឧបករណ៍​នេះ រួច​បញ្ជូន​ដំណឹង​ប្រាប់​ប៉ូលិស​អំពី​ទីតាំង​របស់​ស្ត្រី​រងគ្រោះ​ពី​ការ​បៀតបៀន​ផ្លូវភេទ ឬ​ករណី​ផ្សេងៗ​ទៀ​តទៅ​ប៉ូលិស រួច​ឧបករណ៍​នេះ​នឹង​ជួយ​ចុច​ហៅ​លេខ ៩១១ ដោយ​ស្វ័យប្រវត្តិ​។

​    ​ឧបករណ៍​នេះ​នៅ​ស្ថិតក្នុង​ដំណើរ​វែងឆ្ងាយ​ណាស់​ដើម្បី​បង្កើត​សង្គម​មួយ ដែល​ស្ត្រី​លែង​បារម្ភ​រឿង​ដើរហើរ​តែម្នាក់ឯង​។

​    ​ឧបករណ៍​នេះ​បច្ចុប្បន្ន​មាន​លក់​តែ​នៅ​អាមេរិក​ប៉ុណ្ណោះ ហើយ​ទោះ​វា​មិនមាន​លក់​នៅ​ស្រុក​ខ្មែរ​ក៏ដោយ ក៏​យ៉ាងហោចណាស់​យើង​បានដឹងថា ឧបករណ៍​នេះ​នឹង​ជួយ​សង្គម​បាន​ច្រើនណាស់ ប្រសិនបើ​ស្ត្រី​គ្រប់រូប​មាន​វា​ជាប់​តាម​ខ្លួន ដើម្បី​ការពារ​ខ្លួន​ពី​ករណី​ចាប់រំលោភ ឬ​ករណី​ផ្សេងៗ​ទៀត​៕

 

adverise with khmeread
ប្រភព៖ វ៉ា​យ​ដុន​យូ​ត្រាយ​ឌី​ស​

អ្នកនឹងចូលចិត្ត

មតិយោបល់