adverise with khmeread D20f805f f30b 42c6 8194 98e11708ea21

ចោរ​៦​នាក់​ប្រដាប់អាវុធ​និង​ដាវ​សា​ម៉ូ​រៃ​ភ្ជង់​ប្លន់​យក​ម៉ូតូ​បានសម្រេច​នៅ​សង្កាត់​វត្តភ្នំ​

     ភ្នំពេញ ៖ យុវជន​ម្នាក់​ត្រូវបាន​ជនសង្ស័យ​មួយក្រុម​មាន​គ្នា​៦​នាក់ ប្រដាប់​ដោយ​កាំភ្លើង​និង​ដាវ​សា​ម៉ូ​រៃ បានធ្វើ​សកម្មភាព​ភ្ជង់​ប្លន់​យក​ម៉ូតូ​មួយគ្រឿង​បានសម្រេច រួច​គេចខ្លួនបាត់​ដោយ​សុវត្ថិភាព កាលពី​វេលា​ម៉ោង​១១​និង​១០​នាទី​យប់​ថ្ងៃទី​១២ ខែមីនា ឆ្នាំ​២០១៦ នៅ​ចំណុច​មុខក្រសួង​ពត៌មាន តាម​បណ្តោយ​ផ្លូវ​ព្រះមុនីវង្ស សង្កាត់​វត្តភ្នំ ខណ្ឌដូនពេញ។​

     ជនរងគ្រោះ​ឈ្មោះ អឹម សុភា អាយុ​២៣​ឆ្នាំ បច្ចុប្បន្ន​ស្នាក់នៅ​សង្កាត់​ទួល​សង្កែ ខណ្ឌ​ឬ​ស្សី​កែវ បានឱ្យដឹងថា នៅមុន​ពេល​កើតហេតុ​រូបគាត់​បាន​ជិះ​ម៉ូតូ​ម៉ាក ហុងដា​ឌ្រី​ម សេ​១២៥ សេរី​ឆ្នាំ​២០១៤ ពាក់​ស្លាក​លេខ ភ្នំពេញ 1Cl-5330 ជិះ​ចេញពី​លេង​ផ្ទះ​មិត្ត​ភក្ត្រ​នៅ​ម្តុំ​វិមានឯករាជ្យ ហើយ​បំណង​ជិះ​ត្រឡប់ទៅផ្ទះ​វិញ​នៅ​ម្តុំ​ទួល​សង្កែ តាម​បណ្តោយ​ផ្លូវ​ព្រះមុនីវង្ស​។​

     ពេលមកដល់​ចំណុចកើតហេតុ​ដែលជា​ក​ន្លែ​ង​ស្ងាត់​និង​ងងឹត​ផង​នោះ ស្រាប់​តែមាន​ជនសង្ស័យ​មួយក្រុម​មាន​គ្នា​៦​នាក់ ជិះ​ម៉ូតូ​មិន​ចាំ​ម៉ាក​៣​គ្រឿង ប្រដាប់​ក្នុង​ដៃ​ដោយ​កាំភ្លើង និង​ដាវ​សា​ម៉ូ​រៃ បានធ្វើ​សកម្មភាព​ភ្ជង់​ប្លន់​យក​ម៉ូតូ​ពី​គាត់ ហើយដោយ​ភិតភ័យ​ពេក​នោះ​រូបគេ​ក៏បាន​ប្រគល់​ម៉ូតូ​ឱ្យ​ពួកវា ហើយ​ក្រុម​ជនសង្ស័យ​ក៏​យក​ម៉ូតូ​ជិះ​គេចខ្លួនបាត់​តែម្តង។​

     ក្រោយ​កើតហេតុ​ជនរងគ្រោះ​បាន​ទៅ​ដាក់​ពាក្យបណ្តឹង​នៅ​បុ​ស្តិ៍​វត្តភ្នំ តែ​សមត្ថកិច្ច​ថា​ទឹកដី​ស្រះចក ក៏​ជូន​ជនរងគ្រោះ​ទៅ​ស្រះចក​វិញ ហើយ​ប៉ូលិស​ស្រះចក​ថា​វត្តភ្នំ ហើយ​រុញ​ជនរងគ្រោះ​ដាក់គ្នា​ទៅមក ទើប​នាំគ្នា​ទៅ​មើល​ដល់​កន្លែងកើតហេតុ​ជាក់ស្តែង​ថា​ទឹកដី​វត្តភ្នំ ហើយក៏​ដាក់ពាក្យ​បណ្តឹង​នៅ​បុ​ស្តិ៍​វត្តភ្នំ​តែម្តង​៕​

adverise with khmeread

អ្នកនឹងចូលចិត្ត

មតិយោបល់