ផ្ទុះឆេះហ្គាសរបួសមនុស្សមួយគ្រួសារ​៤នាក់នៅស្រុកកំពង់ត្រឡាច

កំពង់ឆ្នាំង​ ៖​ មានករណីផ្ទុះឆេះហ្គាសនាថ្ងៃទី​០៩ ខែកក្កដា ឆ្នាំ២០១៩ វេលាម៉ោង៥និង៤០នាទី ល្ងាច​ បណ្តាលឱ្យរបួសមនុស្សមួយគ្រួសារ​៤នាក់ ស្ថិតនៅភូមិច្រក រមៀត ឃុំអូរឫស្សី ស្រុកកំពង់ត្រឡាច​ ខេត្តកំពង់ឆ្នាំង។ 

ប៉ូលិសនិយាយថា​ ម្ចាស់ផ្ទះឈ្មោះ​ ម៉ាត់ សឹម ភេទប្រុស អាយុ៥៤ឆ្នាំ និងប្រពន្ធឈ្មោះ ម៉ាត់ ភ័ស អាយុ៥២ ឆ្នាំ ស្ថិតនៅភូមិច្រក រមៀត ឃុំអូរឫស្សី ស្រុកកំពង់ត្រឡាច​ ខេត្តកំពង់ឆ្នាំង បណ្តាលឱ្យរបួសមនុស្ស​៤នាក់ រួមមាន​ ១-​ឈ្មោះម៉ាត់ សឹម ប្រុស អាយុ​ ៥៤ឆ្នាំ របួសធ្ងន់,២-​ឈ្មោះម៉ាត់ អាមីន ភេទប្រុស អាយុ​ ៣២ឆ្នាំ របួសធ្ងន់,៣-ឈ្មោះអៃ នី ភេទស្រី អាយុ​ ១៥ឆ្នាំ របួសធ្ងន់។ ជងរងគ្រោះទាំង​ ៣នាក់ ត្រូវបានបញ្ជូនទៅមន្ទីរពេទ្យលោកសង្ឃ ភ្នំពេញនិង៤-​ឈ្មោះពីន ភេទប្រុស អាយុ​ ២៨ឆ្នាំ របួសស្រាល​ សង្រ្គោះនៅមន្ទីរពេទ្យបង្អែកស្រុក និងបានវិលត្រឡប់ទៅផ្ទះវិញ។

ប៉ូលិសបន្តថា មូលហេតុដែលបណ្តាលឱ្យផ្ទុះឆេះនេះ មកពីមានការធ្វេសប្រហែស ពេលហ្គាសបិទមិនជិតបណ្ដាលឱ្យផ្ទុះពីកំប៉ុងតូច និងឆេះរាលដល់ធុងហ្គាសចំណុះ​ ១០គីឡូក្រាម​ តែម្តង៕

adverise with khmeread
tiger
Loading ad ...
Tiger underlay aa7d814b8ab2932c241f74f33a3821ad6b0abf8e6a38a16923f641ec017a13ab