adverise with khmeread 0aba168d c813 45bc 8f24 eddb1e98a65d

បើករថយន្ត​ជែង​រថយន្ត​មួយគ្រឿង​ទៀត​ជ្រុល​បុក​របាំង​ថ្ម​បាក់​អស់​៤​កង់​

    ភ្នំពេញ ៖ របាំង​ថ្ម​ពុះ​ចែក​ទ្រូងផ្លូវ​ចំនួន​៤​កង់​បាន​រង​ការខូចខាត​ដោយសារតែ​រថយន្ត​កូរ៉ូឡា​បើក​ក្នុង​ល្បឿន​លឿន​ជែង​ជាមួយនឹង​រថយន្ត​មួយគ្រឿង ទៀត បាន​ជ្រុល​បុក​ពេញទំហឹង កាលពី​វេលា​ម៉ោង​៧​និង​១០​នាទី​យប់​ថ្ងៃទី​១៤​ខែមីនា ឆ្នាំ​២០១៦ ក្បែរ​ស្តុ​ប​វត្ត​មហាមន្ត្រី​តាម​បណ្តោយ​ផ្លូវ​ព្រះសីហនុ ស្ថិតក្នុង​សង្កាត់​វាល់វង់ ខណ្ឌ​៧​មករា​។​

   ប្រភពព័ត៌មាន​ពី​កន្លែងកើតហេតុ​បានឱ្យដឹងថា នៅ​មុនពេល​កើតហេតុ​គេ​បានឃើញ​រថយន្ត​កូរ៉ូឡា ពណ៍​ទឹកប្រាក់ ពាក់​ស្លាក​លេខ ភ្នំពេញ 2C-5585 បើកបរ​ដោយ​បុរស​ម្នាក់​តាម​បណ្តោយ​ផ្លូវ​ព្រះសីហនុ ទិសដៅ​ពី​កើ​តទៅ​លិច​ក្នុង​ល្បឿន​យ៉ាង​លឿន និង​បាន​វ៉ា​រថយន្ត​មួយគ្រឿង​មិន​ចាំ​ម៉ាក​។​

      ពេលមកដល់​ចំណុចកើតហេតុ​បាន​ជ្រុល​ទៅបុក​របាំង​ថ្ម​ពុះ​ចែក​ទ្រូងផ្លូវ​ពេញទំហឹង បណ្តាលឱ្យ​បាក់​អស់​៤​កង់​។ ចំណែក​រថយន្ត​បាន​រង​ការ​ខូច ខាត​ផ្នែក​ខាងមុខ​សំណាងល្អ​មិនមាន​អ្នករងរបួស​នោះទេ​។​

         ក្រោយ​កើតហេតុ​សមត្ថកិច្ច​ជំនាញ​បានមក​ធ្វើការ​វាស់វែង និង​ស្ទូច​យក​រថយន្ត​បង្ក​ទៅ​រក្ស​ទុក​នៅ​ការិយាល័យ​ចរាចរណ៍​ជើងគោក​រាជធានី ភ្នំពេញ​រង់ចាំ​ដោះស្រាយ​តាម​នីតិវិធី​៕​

adverise with khmeread

អ្នកនឹងចូលចិត្ត

មតិយោបល់