adverise with khmeread Lemon salt and pepper can help you to get rid of these 10 problems

ក្រូចឆ្មា អំបិល និង​ម្រេច​អាចជួយ​កម្ចាត់​បញ្ហា​សុខភាព ១០ មុខ​!

​    ​នៅពេល​យើង​មាន​បញ្ហា​ឆ្លង​មេរោគ និង​គ្រុនផ្តាសាយ យើង​តែង​ប្រើប្រាស់​ថ្នាំ​ផ្សះ​។ ដូច្នេះ សូម​ឈប់​ប្រើ​ថ្នាំ​ផ្សះ រួច​ងាក​មករក​ជម្រើសធម្មជាតិ​វិញ​។ ការប្រើ​ឱសថ និង​គ្រឿងផ្សំ​ធម្មជាតិ គឺមាន​គុណសម្បត្តិ​ប្រឆាំង​បាក់តេរី និង​ប្រឆាំង​វីរុស​ដូចគ្នា​។ ជាធម្មតា​នៅពេល​យើង​ព្យាបាល​គ្រុនក្តៅ​យើង​ប្រើប្រាស់​ក្រូចឆ្មា ដោយសារ​ដឹងថា​វា​សម្បូរ​វីតាមីន C​។ វា​ក៏​ផ្ទុក​ទៅដោយ​អាស៊ីត​ស៊ី​ទ្រិ​ច ម៉ាញ៉េ​ស្យូ​ម និង​កាល់ស្យូម​ដែរ​។ ដោយសារ​ហេតុនេះហើយ​ទើប​វា​អាច​ព្យាបាល​ការឆ្លង​មេរោគ និង​ជំងឺ​ជាច្រើន​។ វា​ក៏​ល្បី​ថា​អាច​ជំរុញ​ដល់​ការរំលាយ​អាហារ និង​សម្រក​ទម្ងន់​ផងដែរ​។ 

​      ខាងក្រោម​នេះ​គឺជា​អត្ថប្រយោជន៍​របស់​ក្រូចឆ្មា អំបិល និង​ម្រេច​សម្រាប់​ព្យាបាល​បញ្ហា​សុខភាព ១០ មុខ​៖ 

​    ​១. ការ​ផ្សំគ្នា​រវាង​ទឹកក្រូច​ឆ្មា និង​ប្រេង​អូ​លីវ​អាចជួយ​កម្ចាត់​គ្រួស​ក្នុង​ថង់ទឹកប្រមាត់​។ 
​    ​២. ការ​ផ្សំគ្នា​រវាង​ម្សៅ​ដើម​យីហ៊ុប ម្រេច គ្រាប់​ក្រវាញ និង​ជីរវ៉ាន់ស៊ុយ​អាចជួយ​អ្នកបើក​បំពង់​ច្រមុះ​កុំឱ្យ​ស្ទះ​។ លោកអ្នក​អាច​ហិត ឬ​ហឺត​គ្រឿងផ្សំ​ទាំង ៤ នេះ​។ 
​    ​៣. អំបិល ១ ស្លាបព្រា​បាយ ម្រេច ១ ចឹប និង​ទឹក​ក្រូចឆ្មា ១ ស្លាបព្រា​បាយ​អាចជួយ​បញ្ហា​ឈឺបំពង់ក​។ គ្រាន់តែ​ផឹក​គ្រឿងផ្សំ​ជាការ​ស្រេច​។ 
​    ​៤. ប្រសិនបើ​លោកអ្នក​មាន​បញ្ហា​រលាក​សាច់​ដុះ​នៅ​បំពង់ក គួរ​លាយ​ទឹក​ក្រូចឆ្មា និង​អំបិល រួច​ខ្ពុ​ល​មាត់​។ 
​    ​៥. ការ​ផ្សំគ្នា​រវាង​ម្រេច និង​ប្រេង​អូ​លីវ​អាច​បំបាត់​ការឈឺ​ធ្មេញ​។ 
​    ​៦. ដើម្បី​ស្រក​ទម្ងន់ ត្រូវ​ផឹកទឹក​មួយ​កែវ ដែល​លាយ​ម្រេច​ចំនួន​១/៤​នៃ​ស្លាបព្រា​បាយ ទឹកឃ្មុំ ១ ស្លាបព្រា​បាយ និង​ទឹក​ក្រូចឆ្មា ២ ស្លាបព្រា​បាយ​។ ផឹក​គ្រឿងផ្សំ​នេះ​រាល់ថ្ងៃ​។ 
​    ​៧. បញ្ឈប់​ឈាម​ច្រមុះ​ជាមួយនឹង​ទឹកក្រូច​ឆ្មា​។ ច្របាច់​ទឹកក្រូច​ឆ្មា​ប៉ុន្មាន​ដំណក់​ដាក់​លើ​ដុំ​សំឡី រួច​យកទៅ​ញ៉ុ​ក​ចូល​រន្ធ​ច្រមុះ​។ 
​    ​៨. ប្រសិនបើ​អ្នកមាន​បញ្ហា​ចង់​ក្អួតចង្អោ សូម​លាយ​ទឹកក្រូច​ឆ្មា ម្រេច និង​ទឹក​ធម្មតា​ក្នុង​កម្រិត​ពេញចិត្ត​ផ្ទាល់ខ្លួន រួច​ផឹក​ជាការ​ស្រេច​។ 
​    ​៩. កាត់បន្ថយ​ការវាយប្រហារ​របស់​ជំងឺហឺត​។ ដាក់​ម្រេច ៨-១០ គ្រាប់ និង​ស្លឹក​ដង្កៀបក្តាម ចំនួន ១៥ សន្លឹក និង​ផ្កា​ក្លាំង​ពូ ២ ដុំ​។ ចាក់ទឹក​ក្តៅ​ក្នុង​កម្រិត​ល្មម​លើ​គ្រឿងផ្សំ​ទាំងនេះ ហើយ​ទុកចោល ១៥ នាទី​។ បន្ទាប់មក ដាក់​ទឹកឃ្មុំ​សុទ្ធ ២ ស្លាបព្រា​បាយ រួច​ផឹក​វា​ជាការ​ស្រេច​។ 

​    ​១០. ដើម្បី​បំបាត់​ក្អក សូម​ដាក់​ម្រេច​មួយ​ចឹប ទឹកក្រូច​ឆ្មា​មួយ​ផ្លែ និង​អំបិល​មួយ​ចឹប​ក្នុង​កែវ​មួយ រួច​ផឹក​គ្រឿងផ្សំ​នេះ​ជាការ​ស្រេច​៕   

គ្រាប់ក្រវាញ

ផ្កាក្លាំពូ

ម្សៅដើមយីហ៊ុប

adverise with khmeread
ប្រភព៖ ប៊ីអ៊ិចស្ត្រាហ៊ែលស៊ីណាវ

អ្នកនឹងចូលចិត្ត

មតិយោបល់