1

​លោក Luis Enrique ព្រួយចិត្ត​ខ្លាច Arsenal គក់ Barcelona ក្នុង​រាត្រី​នេះ​

​    ​គ្រូបង្វឹក​អ្នកមាន​បុណ្យ Barcelona លោក Luis Enrique បាន​និយាយ​នៅក្នុង​សន្និសីទ កាសែត​កាលពី​ម្សិលមិញ​សម្រាប់​ការប្រកួត​ជើង​ទី​ពីរ​នៃ​ក្របខ័ណ្ឌ Champions League ក្នុង​វគ្គ ១៦ ក្រុម​ចុងក្រោយ ដោយ​សង្ឃឹមថា ក្រុម​របស់គាត់​នឹង​ឈានទៅ​វគ្គ​បន្ទាប់​ក្នុង​យប់​នេះ​។​

​    ​នៅពេល​ត្រូវបាន​សួរថា តើ​គាត់​បារម្ភ​អ្វី​ខ្លាំងជាងគេ​អំពី Arsenal គាត់​បាន​ឆ្លើយថា "​ខ្ញុំ​បារម្ភ​ខ្លាំងជាងគេ​គឺ​វិធី​ដែល​ពួកគេ​អាច​ប្តូរ​ទីតាំង​និង​កៀបសង្កត់​ខ្ពស់​កប់​តារាង​។ យើង​បាន​សម្រប​ខ្លួន​បាន​យ៉ាង​ល្អ​ចំពោះ​បញ្ហា​នេះ​កាលពី​នៅ​ទីក្រុង​ឡុង​ដ៏​"​។​

​    ​ប៉ុន្តែ​គ្រូ​អ្នកមាន​បុណ្យ​មិន​ទុកចិត្ត​កាំភ្លើង​ធំ​សោះឡើយ ហើយ​បាន​និយាយថា "​យើង​ទាំង​គ្នា​មិនត្រូវ​មើលស្រាល Arsenal ទេ​។ មិនត្រូវ​មើលស្រាល​កីឡាករ​នីមួយៗ និង​ការ​គំរាម​ជា​ក្រុម​របស់​ពួកគេ​មកលើ​យើង​នោះឡើយ​។ ប្រសិនបើ​យើង​ភ្លាត់​មុន តើន​រណា​ទៅ​ដឹងថា​មានរឿង​អ្វី​កើត​ឡើងទៅ​? គោលបំណង​របស់​យើង​គឺ​ស៊ុត​ឱ្យបាន​មុន​"៕

ប្រភព៖ Marca

មតិយោបល់