adverise with khmeread B217d4f2 24f3 4b9e 8d64 95ae9928718a

ឃាត់​មេបន​ម្នាក់​និង​រំដោះ​នារី​រកស៊ី​ផ្លូវភេទ​៦​នាក់​

    ពោធិ៍សាត់ ៖ ប៉ូលិស​នាយកដ្ឋាន​ប្រឆាំង​ការជួញដូរ​មនុស្ស និង​ការពារ​អនីតិជន សហការ​ជាមួយ​កម្លាំង​ប៉ូលិស​ខេត្តពោធិ៍សាត់ នៅ​យប់​ថ្ងៃទី​១៥ ខែមីនា ឆ្នាំ​២០១៦ នេះ បាន​ចុះបង្ក្រាប​ទីតាំង លួចលាក់​ប្រក​បរបរ រកស៊ី​ផ្លូវភេទ មួយកន្លែង​ស្ថិតនៅក្នុង ដី​ឡូ​តិ៍​មួយកន្លែង ដែលមាន​ផ្ទះ​ចំនួន​ពីរ ស្ថិតនៅ​ក្នុងភូមិ​បន្ទាយ​ដី សង្កាត់​បន្ទាយ​ដី ក្រុង​-​ខេត្តពោធិ៍សាត់​ដោយ​ឃាត់​មេបន​ម្នាក់​និង​រំដោះ​នារី​រកស៊ី​ផ្លូវភេទ​៦​នាក់​។​

    ប៉ូលិស​បាន​ឲ្យ​ដឹងថា ប្រតិបត្តិ​ការបង្ក្រាប​នេះ ដឹកនាំ​ផ្ទាល់​ដោយ​លោក ឧ​ត្ត​ម​សេនីយ៍​ត្រី លី ឡាយ អនុប្រធាននាយកដ្ឋាន ប្រឆាំង​ការជួញដូរ មនុស្ស និង​ការពារ​អនីតិជន ដោយ​មានការ​សម្រប សម្រួល​ពី​សំណាក់ លី ភា​រ៉ា ព្រះរាជអាជ្ញារង​អម​សាលាដំបូង ខេត្តពោធិ៍សាត់​។​

    ប៉ូលិស​បាន​ឲ្យ​ដឹង​ទៀតថា ក្នុង​ប្រតិបត្តិការ​នេះ កម្លាំង​សមត្ថកិច្ច​បានធ្វើការ ឃាត់ខ្លួន​មនុស្ស​ចំនួន ៧​នាក់ ក្នុងនោះ ជនសង្ស័យ​ដែលជា​ម្ចាស់​ទីតាំង​ឈ្មោះ គឹម ដា​នី ហៅ​ប៉ ភេទ​ស្រី អាយុ​៤៥​ឆ្នាំ រស់នៅក្នុង​ភូមិប​ន្ទា​ដី ឃុំ​បន្ទាយ​ដី ក្រុង​ពោធិ៍សាត់ និង​ដោយឡែក​៦​នាក់​ទៀត ជា​ជនរងគ្រោះ ដែល​កម្លាំង​សមត្ថកិច្ច បាន​ជួយ​រំដោះ​បាន ទី​១.​ឈ្មោះ សាត់ ផានី អាយុ​១៩​ឆ្នាំ​, ទី​២.​ឈ្មោះ សុខ ស្រី​ពី​ន អាយុ​២០​ឆ្នាំ​, ទី​៣.​ឈ្មោះ រ័ត្ន សោភា អាយុ​២៨​ឆ្នាំ​, ទី​៤.​ឈ្មោះ ឃី ស្រី​តូច អាយុ​២៥​ឆ្នាំ​, ទី​៥.​ឈ្មោះ ធី ពិសី រួច​បញ្ជូនទៅ​ស្នងការដ្ឋាន​ខេត្តពោធិ៍សាត់​ចាត់ការ​បន្ត​តាម​នីតិវិធី៕​

adverise with khmeread

អ្នកនឹងចូលចិត្ត

មតិយោបល់