ប៉ូលិសកាប់បំផ្លាញចោលដើមកញ្ឆាស្រស់៧៣០ដើមក្នុងដី​ចម្ការ​មួយកន្លែងនៅស្រុកសំឡូត​

បាត់ដំបង​ ​៖​ ដើមកញ្ឆាស្រស់ចំនួន៧៣០ដើមត្រូវបាន​ប៉ូលិសស្រុកសំឡូតកាប់បំផ្លាញចោលក្នុងដី​ចម្ការ​មួយកន្លែងស្ថិតនៅឃុំកំពង់ល្ពៅស្រុកសំឡូត​ ខេត្តបាត់ដំបងនៅថ្ងៃអង្គារទី១៣​ ខែ​ សីហា​ ឆ្នាំ​២០១៩​ វេលាម៉ោង​៣រសៀល​ ។

លោកវរសេនីយ៍ឯក​ កៅ​ ស៊ុនកាំង​  អធិការប៉ូលិសស្រុកសំឡូត​ បានដឹកនាំកម្លាំងប៉ូលិសផ្នែកជំនាញនិងកម្លាំងប៉ូលិសអន្តាគមន៍​ស្រុកសំឡូតសហការជាមួយកម្លាំងប៉ូលិសប៉ុស្តិ៍រដ្ឋបាលកំពង់ល្ពៅ ចុះបង្រ្កាប​ការដាំដុះកញ្ឆាមួយកន្លែងស្ថិតនៅ​លើដីចម្ការក្នុងភូមិព្រៃធំ​ ឃុំកំពង់ល្ពៅ​ ស្រុកសំ​ឡូត​ ខេត្តបាត់ដំបង​ ដែលដាំលាយឡំជាមួយនឹងដំណាំដំឡូង​ ដោយបាន​កាប់និងដុតបំផ្លាញ​​ចោលនូវកញ្ឆាចំនួន៧៣០ដើម​ ដែលប្រជា​ពល​រដ្ឋឈ្មោះយឿន រើន ភេទ ប្រុស អាយុ ៣២ ឆ្នាំរស់នៅភូមិឃុំខាងលើជាអ្នកលួចលាក់ដាំដោយ​គ្មានការអនុញ្ញាត​។ 

បន្ទាប់មកប៉ូលិសបាននាំអ្នកដាំកញ្ឆាឈ្មោះ​ យឿន​  រើន​ ត្រូវបាននាំមកកាន់អធិការដ្ឋានប៉ូលិសស្រុកធ្វើការសាកសួរជុំវិញករណីដាំដុះកញ្ឆាដែលមានចំនួនដ៏ច្រើន៕

adverise with khmeread

អ្នកនឹងចូលចិត្ត

tiger
Loading ad ...