adverise with khmeread 7eca35cb 28ec 49f9 aa92 499a0c54b4a8

ជីវិត​ស្ត្រី​មេម៉ាយ​កូន​២​ប្រកបមុខរបរ​ឡើងត្នោត​

    ​  កំពង់ឆ្នាំង ៖ ក្នុង​វ័យ​ទើបតែ​៣៣​ឆ្នាំ ស្ត្រី​មេម៉ាយ​ឈ្មោះ​ញ៉ឹក ចំរើន រស់នៅ​ភូមិ​ព្រះរាម​រង្សី ឃុំ​ជ្រៃ​បាក់ ស្រុក​រលាប្អៀរ ខេត្តកំពង់ឆ្នាំង បាន​រៀបរាប់ថា គាត់​មាន​បងប្អូន​៦​នាក់ រូបគាត់​ជា​កូន​បង​គេ​បង្អស់ ត្រូវ​ម្តាយ​ស្លាប់ចោល ឪពុក​នៅរស់ តែ​បែក​ទៅ​រស់នៅ​ជាមួយ​ប្រពន្ធចុង។​កាលដែល​ឪពុក​នៅ​ជាមួយ គាត់​ជា​អ្នក​ឡើងត្នោត យូរៗ​ម្តង ឪពុក​បាន​ប្រើ​គាត់​ឱ្យ​ឡើងត្នោត​ជំនួស​ម្តងម្កាល។ លុះ​ឪពុក​បែក​ទៅ​មាន​ប្រពន្ធ គាត់​គ្មាន​មុខរបរ​អ្វី​ធ្វើ ក៏​ឡើងត្នោត ដើម្បី​ចិញ្ចឹម​ជិវិត​និង​កូនៗ ហើយ​ការចាប់​មុខរបរ​នេះ ទើបតែ​មួយឆ្នាំ​នេះ​ទេ។​

     ស្ត្រី​ញឹក ចំរើន​បន្តថា ចំពោះ​ជីវភាព​ប្រចាំ​ថ្ងៃនេះ គឺ​ខ្វះខាត​ខ្លាំងណាស់ ព្រោះ​ត្នោត​ធ្វើ​មិនសូវ​ចេញ​បាន​ស្ករ​ក្នុង​១​ថ្ងៃ តែ​២​គីឡូក្រាម​ទេ បាន​ប្រាក់​ត្រឹមតែ​៥​ពាន់​រៀល​ប៉ុណ្ណោះ ហើយ​បើ​ខែវស្សា អស់​ផ្កាត្នោត គាត់​បាន​ទៅ​ស៊ីឈ្នួល​ភ្ជួរ​រាស់​ឱ្យគេ​មួយ​ព្រឹក​បាន​៥​ពាន់​រៀល តែបើ​ដក​ស្ទួ​ង​វិញ​បាន​១.៥០០០​រៀល​ដែរ ។ នៅ​ខែ​ច្រូត ក៏​ដូចគ្នា​ដែរ គឺ​១.៥០០០​រៀល​ក្នុង​១​ថ្ងៃ។​

      ស្ត្រី​មេម៉ាយ​ទុរគត​រូបនោះ និយាយ​មិន​លាក់លៀម​ថា តាមពិត គាត់​មាន​ប្តី​២​នាក់​ទៅហើយ តែ​កម្ម​អកុសល​របស់គាត់ ប្តី​មួយណា​ដូច​មួយណា ឱ្យតែ​គាត់​មាន​ផ្ទៃពោះ ប្តី​នោះ​ចុះចោល​គាត់​តែម្តង៕ (​អត្ថ​ប​ទ៖​ណា​រិ​ទ្ធ​)​

adverise with khmeread

អ្នកនឹងចូលចិត្ត

មតិយោបល់