adverise with khmeread 7411a677 ace1 4f21 ae4b 836e705a8a8a

រកឃើញ​ជនបរទេស​ខុសច្បាប់​និង​ស្របច្បាប់​១០៩​នាក់​នៅ​វាល​ស្បូវ​

    ភ្នំពេញ ៖ នាយកដ្ឋាន​អន្តោប្រវេសន៍ ដឹកនាំ​ដោយ​ឧ​ត្ត​ម​សេនីយ៍​ទោ អ៊ុក ហៃ​សីឡា ប្រធាន​នាយកដ្ឋាន​ស៊ើប​អ​ង្គេ​ត និង​អនុវត្ត​នីតិវិធី នៅវេលា​ម៉ោង ៣​រសៀល​ថ្ងៃទី​១៥ ខែមីនា ឆ្នាំ​២០១៦​បាន​ចុះ​ត្រួតពិនិត្យ​ការ រស់នៅ​ខុសច្បាប់ របស់​ជនជាតិ​វៀតណាម នៅ​ចំណុច​ទីតាំង​ការដ្ឋាន សំណង់​ធនាគារ​មួយកន្លែង ស្ថិត​ខាងក្រោយ​វត្ត​វាល​ស្បូវ ក្នុងភូមិ​ស្វាយ​តា​អុក សង្កាត់​វាល​ស្បូវ ខណ្ឌ​ច្បារអំពៅ រាជធានី​ភ្នំពេញ។​

    ប្រតិបត្តិការ​ខាងលើនេះ ធ្វើឡើង​ដោយមាន​ការ សម្របសម្រួល​ពី ព្រះរាជអាជ្ញារ​រង អម​សាលាដំបូង រាជធានី​ភ្នំពេញ លោក​មាស ច័ន្ទ​ពិសិដ្ឋ ហើយ​សមត្ថកិច្ច បាន​រកឃើញ ជនជាតិ​វៀតណាម​ចំនួន ១០៩​នាក់ ស្រី​០៨​នាក់​។ ក្នុងនោះ ១៨​នាក់​មាន​លិខិតឆ្លងដែន និង​ឯកសារ​ពាក់ព័ន្ធ​ត្រឹមត្រូវ ដោយឡែក​សេសសល់​មាន ១៦​នាក់​មាន​លិខិតឆ្លងដែន​ជា​អក្សរ E ( មាន​សៀ​ភៅ​ការងារ​) លិខិតឆ្លងដែន​អក្សរ T ចំនួន​១៣​នាក់ (​គ្មាន​លិខិត​ការងារ​) ខ្មែរ​កម្ពុជា​ក្រោម ៦​នាក់ ស្រី​០៤​នាក់ ដោយឡែក ៥៦​នាក់​ផ្សេងទៀត គ្មាន​លិខិត​ឯកសារ​អ្វី​ទាំងអស់។​

    សូមបញ្ជាក់ថា អ្នក​ដែលមាន​ឯកសារ​ត្រឹមត្រូវ ១៨​នាក់ មាន​លិខិតឆ្លងដែន​អក្សរ E ១៦​នាក់ ខ្មែរ​កម្ពុជា​ក្រោម ៦​នាក់ ពុំ​ត្រូវបាន​ឃាត់ខ្លួន​នោះទេ​។ ក្រៅពីនោះ​នឹងត្រូវ ឃាត់ខ្លួន​ទាំងអស់​យក ទៅកាន់​អគ្គនាយកដ្ឋាន អន្តោប្រវេសន៍ រងចាំ​ចាត់ការ​ទៅតាម​ផ្លូវច្បាប់ នៅពេល​ក្រោយ។​

    ជាមួយគ្នានេះ លោក​ឧ​ត្ត​ម​សេនីយ៍​អ៊ុក ហៃ​សីឡា ប្រធាន​នាយកដ្ឋាន​ស៊ើប​អ​ង្គេ​ត និង​អនុវត្ត​នីតិវិធី នៃ​អគ្គនាយកដ្ឋាន​អន្តោប្រវេសន៍ បាន​បញ្ជាក់ថា ទីតាំង​ដែល​សមត្ថកិច្ច ចុះ​ត្រួតពិនិត្យ​នេះ គឺជា​ការចុះ​លើ​ទី​០២​ហើយ ដែល​លើក​ទី​០១ សមត្ថកិច្ច​ចុះ​ត្រួតពិនិត្យ​ក្នុង​ចុងឆ្នាំ​២០១៥ កន្លងទៅ ដោយបាន​ធ្វើការ​ឃាត់ខ្លួន ជនជាតិ​វៀតណាម ប្រុស​ស្រី​មក​រស់នៅ និង​ធ្វើការ​ដោយ​ខុសច្បាប់ បាន​ចំនួន ៣៨​នាក់។​

    លោក​ឧ​ត្ត​ម​សេនីយ៍​បញ្ជាក់ថា ចំពោះ​ជន ដែលមាន​លិខិតឆ្លងដែន​ជា​អក្សរ E តែ​គ្មាន​លិខិត​ការងារ នឹងត្រូវ​ផាក​ពិ​និ​យ ៥០​ម៉ឺន​រៀល ចូល​រដ្ឋ រួច​ធ្វើ​ការអប់រំ​ណែនាំ ឲ្យ​ទៅធ្វើ​សៀ​ភៅ​ការងារ​ឲ្យ​បាន​ត្រឹមត្រូវ​តាមច្បាប់។ ចំពោះ​ជន​ដែលមាន លិខិតឆ្លងដែន​ជា​អក្សរ T (​ទេសចរណ៍​) វិញ ពួកគេ​ត្រូវ​អប់រំ​ណែនាំ និង​ទុកពេល​ឲ្យ​១​សប្តាហ៍ ដើម្បី​ឲ្យ​ពួកគេ ត្រឡប់​ទៅ​ប្រទេស​ដើម​ខ្លួន ហើយ​បំពេញ​លិខិត​បែបបទ​ឲ្យ​បាន​ត្រឹមត្រូវ មុន​ចូលមក​ធ្វើការ និង​រស់នៅក្នុង​ប្រទេស​កម្ពុជា។​

    ដោយឡែក​ចំពោះ​ជន​ដែល គ្មាន​លិខិតស្នាម​អ្វី​ទាំង អស់នោះ នឹង​កសាង​សំណុំបែបបទ ស្នើ​ទៅកាន់​ក្រសួងមហាផ្ទៃ ធ្វើការ​បណ្តេញចេញ ពី​កម្ពុជា​តែម្តង៕​

adverise with khmeread

អ្នកនឹងចូលចិត្ត

មតិយោបល់