adverise with khmeread 1

Atletico ឆ្លងទៅ​វគ្គ ៨ ក្រុម​ចុងក្រោយ​ដែរ​បន្ទាប់ពី​ចំណាយពេល​អស់ ១២០ នាទី​គ្មាន​គ្រាប់​បាល់​

​    ​លោក Diego Simeone រត់​អបអរ​សឹងតែ​ដាច់​ជើង​ទាំងពីរ​កាលពី​យប់មិញ​ខណៈ​ក្រុម Atletico Madrid បាន​ឆ្លងទៅ​វគ្គ ៨ ក្រុម​ចុងក្រោយ​នៃ​ក្របខ័ណ្ឌ Champions League បន្ទាប់ពី​បាន​យកឈ្នះ​លើ​ក្រុម PSV Eindhoven ក្នុង​វគ្គ​ទាត់​បាល់​ប៉េ​ណា​ល់​ទី​ដែល​បានបញ្ចប់​ក្នុង​លទ្ធផល ៨ ទល់នឹង ៧​។​

​    ​បន្ទាប់ពី​ចំណាយពេល​អស់ ១២០ នាទី ក្រុម​មកពី​ប្រទេស​ហូ​ឡង់​មួយ​នេះ​បានធ្វើឱ្យ​ក្រុម​របស់លោក Simeone មិន​សប្បាយចិត្ត ប៉ុន្តែ ATM នៅតែ​អាច​គ្រប់គ្រង​ភាពភ័យខ្លាច​របស់ខ្លួន​និង​បាន​ឆ្លងទៅ​វគ្គ​បន្ទាប់​។​

​    ​កីឡាករ Luciano Narsingh របស់ PSV ត្រូវបាន​ប្តូរ​ចេញ​ក្នុង​ម៉ោង​បន្ថែម ១៥ នាទី​ពីរដង​ក្នុង​តង់​ទី​ពីរ ពីរ​នាទី​មុននឹង​ការប្រកួត​ត្រូវបាន​បញ្ចប់​ដែល​លទ្ធផល​នៅតែ ០-០ ប៉ុន្តែ​ជា​អកុសល រូបគេ​បែរ​ជួយ​ឱ្យ Atletico មានមុខ​នៅ​វគ្គ ៨ ក្រុម​ចុងក្រោយ​បន្ទាប់ពី​កីឡាករ​រូបនេះ​ទាត់​បាល់​ប៉េ​ណា​ល់​ទី​មិន​ចូល​។​

​    ​ការចាប់​ក្រុម​សម្រាប់​វគ្គ​បន្ទាប់​នឹងត្រូវ​ធ្វើឡើង​នៅ​ថ្ងៃ​សុក្រ​ទី ១៨ នេះ​នៅក្នុង​ទីក្រុង Nyon ប្រទេស​ស្វ៊ី​ស​៕​

 

adverise with khmeread

មតិយោបល់