adverise with khmeread 32373f7900000578 0 image a 23 1458054189172

ក្រុម​ចម្រៀង​ស្រីក្មេង​ជាងគេ​បំផុត​របស់​ចិន​ទទួលបាន​ការសរសើរ​ផង​និង​ការរិះគន់​ផង​

    ​យោងតាម​វេ​ប​សាយ​ដេលី​មែ​ល​កាលពី​ថ្ងៃ​អង្គារ​បានឱ្យដឹងថា ក្រុម​ចម្រៀង​ប៉ុប​ចិន​មួយ​ដែល​បង្កើតឡើង​ចេញពី​ក្មេងស្រី​តូចៗ​មួយក្រុម​បាន​រង​ការរិះគន់​ពេញ​បណ្តាញ​សង្គម​ក្នុងប្រទេស​របស់​ពួកនាង ដោយ​មនុស្ស​រាប់ពាន់នាក់​បាន​និយាយ​រិះគន់ថា ពួកនាង​ផាត់មុខ​ច្រើនពេក​ហើយ​នៅ​អាយុ​ប៉ុន​នឹង​។ 

​    ​តាម​វេ​ប​សាយ People's Daily Online ក្រុម​ចម្រៀង​ក្មេង​ជាងគេ​បំផុត Mini Girls ដែល​បង្ហាញ​ការថតរូប​ជា​សាធារណៈ​ជាមួយ​ម៉ូត​សក់​អាជីព និង​ផាត់​ម៉ា​ស្កា​រ៉ា​ពេញមុខ គឺមាន​អាយុ​ត្រឹមតែ ៤ ឆ្នាំកន្លះ​ប៉ុណ្ណោះ​។ 

​    ​ក្រុម​ចម្រៀង​សមាជិក ៥ នាក់​ដែល​បង្កើតឡើង​ក្នុង​ឆ្នាំ ២០១៥​នេះ ត្រូវបាន​បង្កើត​ចេញពី​ក្មេងស្រី​តូចៗ​មកពី​ខេត្ត​ហេ​ណាន ភាគ​កណ្តាល​ប្រទេស​ចិន និង​បានធ្វើឱ្យ​បណ្តាញ​ព័ត៌មាន​ចិន​ជាច្រើន​នាំគ្នា​កោតសរសើរ​ចំពោះ​ភាពស្រស់ស្អាត​គួរឱ្យ​ស្រឡាញ់​របស់​ពួកនាង​។ 

​    ​ជូ ជុន​យ៉ាវ គឺជា​ប្រធាន​ក្រុម​ចម្រៀង ដែលមាន​អាយុ​មធ្យម​ទើបតែ ៥ ឆ្នាំ​ប៉ុណ្ណោះ ជាមួយនឹង​ក្មេងស្រី​តូចៗ​បួន​នាក់​ទៀត​ឈ្មោះ ចាង​គី ហាន​, យ៉ាន យូ​ស៊ី​, លី យី​ឡេ និង សៀវ ហ្ស៊ី​យ៉ាន​។​

​    ​ហើយ​ថ្មីៗ​នេះ​ពួកនាង​ត្រូវបាន​អញ្ជើញ​ឱ្យ​ចូលរួម​កម្មវិធី​កម្សាន្ត​របស់​ទូរទស្សន៍ CCTV សម្រាប់​ការសម្តែង និង​ថតរូប​ជាច្រើន​៕  

 

adverise with khmeread
ប្រភព៖ ដេលីមែល

មតិយោបល់