adverise with khmeread 0709322500000514 0 image a 50 1457961739982

WhatsApp, Facebook, Google, Twitter និង Snapchat នឹង​ចាប់ផ្តើម​ពង្រឹង​ការដាក់​កូដ​សម្ងាត់​លើ​សេវាកម្ម​របស់ខ្លួន​

​    ​ខណៈដែល​ក្រុមហ៊ុន Apple កំពុង​មមាញឹក​តស៊ូ​ប្រឆាំងនឹង​ដីកា​បង្គាប់​ពី​ចៅក្រម​សហព័ន្ធ​អាមេរិក​ដើម្បី​ជួយ​ទីភ្នាក់ងារ​ស៊ើបការណ៍ FBI ចូល​ឆែក​ទិន្នន័យ​នៅលើ iPhone មួយគ្រឿង​ដែល​ប្រើប្រាស់​ដោយ​ភេរវជន ក្រុមហ៊ុន​ផ្សេងទៀត​នៅក្នុង​ឧស្សាហកម្ម​បច្ចេកវិជ្ជា​បាន​កំពុង​ខ្នះខ្នែង​ព​ន្លឿ​ន​កិច្ចប្រឹងប្រែង​របស់ខ្លួន​ដើម្បី​ការពារ​ទិន្នន័យ​របស់​អ្នកប្រើប្រាស់​។ 

​    ​កម្មវិធី​ផ្ញើ​សារ​ភ្លាមៗ WhatsApp ដែលមាន​អ្នកប្រើប្រាស់​សកម្ម ១ ពាន់​លាន​នាក់ បាន​ប្រាប់​កាសែត The Guardian ថា​ខ្លួន​នឹង​ចាប់ផ្តើម​ដាក់​កូដ​សម្ងាត់​លើ Voice Call និង Group Chat នៅ​ប៉ុន្មាន​សប្តាហ៍​ខាងមុខនេះ​។ សេចក្តីប្រកាស​ផ្លូវការ​អំពី​ការផ្តល់ជូន​នូវ​ការដាក់​លេខ​កូដ​សម្ងាត់​បន្ថែម​របស់​ខ្លួន​នឹងត្រូវ​ឡើង​នៅ​ប៉ុន្មាន​សប្តាហ៍​ខាងមុខ​។ 

​    ​វា​ជា​រឿង​គួរឱ្យកត់សម្គាល់​ផងដែរ ដែល​ស្ថាបនិក​ក្រុមហ៊ុន WhatsApp លោក ជែ​ន ខូ​ម (Jan Koum) បានបង្ហាញ​ការគាំទ្រ​ដល់​ក្រុមហ៊ុន Apple ក្នុង​ការតស៊ូ​ដែល​កំពុង​ធ្វើឡើង​របស់​ក្រុមហ៊ុន​នេះ​ប្រឆាំងនឹង FBI ជាមួយនឹង​សារ​លើ​ហ្វេ​ស​ប៊ុ​កមួយ​សរសេរថា "​សិទ្ធិសេរីភាព​របស់​យើង​កំពុង​រង​ការ​គំរាម​ហើយ​"​។ ក្រុមហ៊ុន​បច្ចេកវិជ្ជា​យក្ស​ជាច្រើន​ទៀត ដូចជា Facebook, Google, Snapchat និង Twitter ក៏​កំពុង​ពង្រីក​ការដាក់​កូដ​សម្ងាត់​លើ​ទិន្នន័យ​របស់​អ្នកប្រើប្រាស់​នៅ​ទូទាំង​សេវាកម្ម​នានា​របស់ខ្លួន​ផងដែរ​៕

adverise with khmeread
ប្រភព៖ The Guardian
app

មតិយោបល់