adverise with khmeread Unnamed

ឃាត់​ស្ត្រី​ម្នាក់​យក​ដុល្លារ​ក្លែងក្លាយ​៥០​ម៉ឺន​សុំ​សោហ៊ុយ​៤០០០​ដុល្លារ​ពី​បុរស​ម្នាក់​

    កណ្តាល ៖ ស្ត្រី​ម្នាក់​ត្រូវបាន​ប៉ូលិស​ស្រុក​ស្អាង​ឃាត់ និង​រឹបអូស​លុយ​ដុល្លារ ក្លែងក្លាយ​(​លុយ​សែន​) ចំនួន​៥០​ម៉ឺន​ដុល្លារ បន្ទាប់ពី ប្រើល្បិច​យកទៅ​ឲ្យ​ជនរងគ្រោះ​រួច​សុំ​សា​ហ៊ុយ​៤០០០ ដុល្លារ ត្រឡប់​វិញ ដោយ​ជនរងគ្រោះ មានការ​សង្ស័យ​ព្រោះ​កន្លងមក ជនសង្ស័យ​ធ្លាប់​បោក ជនរងគ្រោះ​អស់ ១០៥០០​ដុល្លារ រួចមកហើយ ក៏​ប្ដឹង​ប៉ូលិស​ឲ្យ​ឃាត់ខ្លួន​កាលពី​ថ្ងៃទី​១៥ ខែ​មិនា ឆ្នាំ​២០១៦​នៅ​ចំនុច ភូមិ​កោះ​ខែល ឃុំ​កោះ​ខែល ស្រុក​ស្អាង ខេត្តកណ្ដាល។​

    ប៉ូលិស​និ​យា​ថា ជនរងគ្រោះ​ឈ្មោះ ទូច ផាន់ ភេទ​ប្រុស អាយុ ៥៥​ឆ្នាំ មានមុខ​របរ ជាង​ជួសជុល​ទូរទស្សន៍ រស់នៅ ភូមិ​ព្រែក​ខ្នាច ឃុំ​លើកដែក ស្រុក​កោះធំ ខេត្តកណ្ដាល ។ ចំណែក​ជនសង្ស័យ​ឈ្មោះ ស៊ុន ណា​រី ភេទ​ស្រី អាយុ​៣៨​ឆ្នាំ មានមុខ​របរ កម្មការិនី​រោងចក្រ​កាត់ដេរ រស់នៅ​ភូមិ​ត្រពាំង​រាំង ឃុំ​ស្នោរ ស្រុក​ព្រៃកប្បាស់ ខេត្តតាកែវ។​

    ប៉ូលិស​បន្តថា មុនពេល​កើតហេតុ​ជនរងគ្រោះ បានមក​ប្តឹង​ប៉ូលិស​ឲ្យ​ជួយ​ពិនិត្យ​ជន​សង្ស័យ​ដែល​បានប្រគល់​លុយ​ដើម្បី​ធ្វើ​ទុន​រកស៊ី។ លុះ​ពេល​ជនសង្ស័យ មកដល់​ផ្ទះ​ដោយមាន ហិប​លុយ​មកជា​មួយ ពេលនោះ​ប៉ូលិស​បានធ្វើការ​ត្រួតពិនិត្យ ជាមួយ​ជនសង្ស័យ ដោយមាន​ការឯកភាព ពី​លោក​ព្រះរាជអាជ្ញា និង​លោក​ស្នងការរង ផងដែរ បន្ទាប់ពី​ពិនិត្យ​រួច រកឃើញ​លុយ​ចំនួន ៥០​ម៉ឺន​ដុល្លារ ជា​លុយ​ក្លែងក្លាយ (​លុយ​សែន​) រួច​ក៏​ឃាត់​តែម្តង។

     តាម​ចម្លើយសារភាពរ​បស់ជនស​ង្ស័​យ​ថា នៅ​ថ្ងៃទី​១៤ ខែ​មិនា ២០១៦ ម៉ោង​៩​ព្រឹក​ឈ្មោះ ផល ភេទ​ប្រុស អាយុ​ប្រហែល​៤០​ឆ្នាំ បាន​ទូរស័ព្ទ​មក​ខ្លួន​ឲ្យ​យកលុយ​ប្រគល់​ទៅ​ជនរងគ្រោះ ចំនួន​៥០​ម៉ឺន​ដុល្លារ​។ ពេលនោះ​ក៏បាន ណាត់ជួប​គ្នា ទទួល​ឡាំង ដាក់​ក្នុង​ស្បោង​ស ពី​មនុស្ស​ប្រុស​ម្នាក់ នៅមុខ​ធនាគារ ANZ ក្រុង​តាខ្មៅ ហើយ​បាន​ប្រាប់​ខ្លួន​ថា យកទៅ​ឲ្យ​តា​មឿ​ន។  ពេល​ឲ្យ​លុយ​រួច​ត្រូវ យកលុយ​ពី​គាត់ ចំនួន​៤០០០​ដុល្លារ មក​ផង​បង​ផល​ផ្ដាំ​ចឹ​ង រួច​ក៏​ជួល​រថយន្ត​ជិះ យកលុយ​មក​កន្លែង ណាត់​តែម្ដង​។ 

     ជនសង្ស័យ​បាន​បន្តថា កន្លងមក ខ្លួន​ធ្លាប់​ទទួល​លុយ ពី​ជនរងគ្រោះ សរុប​ចំនួន​១០៥០០$ យកទៅ​ឲ្យ​ឈ្មោះ​ផល និង​ឈ្មោះ​សារឿន​។ ដើម្បី​រកស៊ី​ដោយ​សន្យា បាន​ចំណេញ​ច្រើន​ចែកគ្នា។​

      ដោយ​មូលហេតុ ដូចខាងលើ លោកនាយ​ការិយាល័យ បាន​សុំ​គោល​ការ​ពី​លោក ព្រះរាជអាជ្ញារង ឯក ស៊ុន​រស្មី ឲ្យ​ឃាត់ខ្លួន​ជនសង្ស័យ ពីបទ​ឆរ​បោក និង​ចរាចរ​ក្រដាស ប្រាក់​ក្លែងក្លាយ​៕​

adverise with khmeread

អ្នកនឹងចូលចិត្ត

មតិយោបល់