បេក្ខជនប្រឡងបាក់ឌុប១៨៣៨​នាក់​ បោះបង់ចោលការប្រឡងពាក់កណ្តាលទី

​     ភ្នំពេញ ៖​ គិត​ត្រឹម​​ថ្ងៃទី​២​នៃ​ការប្រឡង​សញ្ញាបត្រ​មធ្យមសិក្សា​ទុតិយភូមិ ឬ​ហៅ​បាក់​ឌុប​មាន​បេក្ខជន​អវត្ត​មាន​១៨៣៨​នាក់​ អាចនិយាយបានថា​ "ពួកគាត់អាចបោះបង់ចោលការប្រឡង"​ ។ ក្រៅពីនេះ ចំពោះ​បេក្ខជន​មាន​បញ្ហា​សុខភាព​ចំនួន ១៥២​ករណី ក្នុងនោះមិនអាច​វិល​ត្រឡប់មក​ប្រឡង​វិញ​១១​ករណី​។ ដោយឡែក បេក្ខជន​ផ្សេងទៀត​បន្ត​ប្រឡង​ជា​បន្តទៀត​បាន បន្ទាប់ពី​ទទួលបាន​ការសង្គ្រោះ​ជាបឋម​រួចមក​។​​ព្រម​ជាមួយគ្នា​ការប្រឡង​បាន​ប្រព្រឹត្តទៅ​ត្រូវ​បាន​បញ្ចប់​ដោយ​ជោគជ័យនិងយ៉ាង​រលូន​ល្អ មិនមាន​អ្វី​កើតឡើង​គួរកត់សម្គាល់​ឡើយ​។ 

​      យោងតាម​របាយការណ៍រ​បស់​ក្រសួង​អប់រំ យុវជន និង​កីឡានាល្ងាចថ្ងៃទី២០សីហានេះ​ បានឱ្យដឹងថា ក្នុងចំណោម​បេក្ខជន​អវត្ត​មាន​​១៨៣៨​នាក់ ក្នុងនោះ​មានស្រី ៦៩៦​នាក់ គិត​ជា​ភាគរយ ១.៥៧​ភាគរយ​។ ក្រៅពីនេះ ចំពោះ​បេក្ខជន​មាន​បញ្ហា​សុខភាព​ចំនួន ១៥២​ករណី ក្នុងនោះមិនអាច​វិល​ត្រឡប់មក​ប្រឡង​វិញ​១១​ករណី​។ ដោយឡែក បេក្ខជន​ផ្សេងទៀត​បន្ត​ប្រឡង​ជា​បន្តទៀត​បាន បន្ទាប់ពី​ទទួលបាន​ការសង្គ្រោះ​ជាបឋម​រួចមក​។​

​      បេក្ខជនប្រឡងឆ្នាំនេះ មានចំនួន ១១៧ ០៤៣ នាក់ ស្រី ៦០៤២៧ នាក់ មាន ២០២ មណ្ឌល ចែកជាថ្នាក់វិទ្យាសាស្ត្រមានបេក្ខជនចំនួន៤៤៦៩០នាក់ មាន ៧៥ មណ្ឌល និងថ្នាក់វិទ្យាសាស្ត្រសង្គមមានបេក្ខជនចំនួន ៧២៣៥៣នាក់ មាន ១២៧ មណ្ឌល។ 

​      សន្លឹក​កិច្ចការ​របស់​បេក្ខជន​នៅ​តាម​មណ្ឌល​ប្រឡងត្រូវ​បាន​វេចខ្ចប់ និង​ចុះហត្ថលេខា ដោយគណៈមេប្រយោគទូទាំងប្រទេស គណៈកម្មការអប្បមាទ ជំនួយការអប្បមាទ ប្រធាន-អនុប្រធានមណ្ឌល ព្រមទាំងបានយកទៅផ្ញើនៅកន្លែងដែលមានសុវត្ថិភាពបំផុតនៅសាលាខេត្ត។

​      ចំណែក​បេក្ខជន​ដែល​បាន​ចេញ​ពី​ការ​ប្រឡង​មាន​ទឹក​មុខ​ស្រស់ស្រាយ សប្បាយ​រីករាយ ដែល​បញ្ជាក់​ថា​  ដំណើរ​ការ​ប្រឡង​មធ្យម​សិក្សា​ទុតិយភូមិ​ពិត​ជា​ប្រព្រឹត្ត​ទៅ​ដោយ​គោរព​តាម​គោលការណ៍​ច្បាប់ យុត្តិធម៌ តម្លាភាព និង​លទ្ធផល​ទទួល​យក​បាន។ 

​      បើ​ទោះ​បី​ជា​​មណ្ឌល​ប្រឡង​មួយ​ចំនួន មាន​ភ្លៀង​ធ្លាក់​ក្ដី ក៏​​សន្តិសុខ សណ្ដាប់​ធ្នាប់ របៀបរៀបរយ និង​ភាព​ស្ងប់ស្ងាត់ នៅ​តែ​រក្សា​បាន​យ៉ាង​ល្អ​ប្រសើរ។ វិញ្ញាសា​សម្រាប់​រសៀល​ថ្ងៃ​ទី​២​នេះ គឺ សម្រាប់​ថ្នាក់​វិទ្យាសាស្ត្រ (គណិតវិទ្យា ពី​ម៉ោង ១៤ដល់ ១៦និង៣០នាទី) សម្រាប់​ថ្នាក់​វិទ្យាសាស្ត្រ​សង្គម ( អក្សរសាស្ត្រខ្មែរ ពី​ម៉ោង ១៤ដល់ម៉ោង ១៦និង៣០នាទី)។ នា​​រសៀល​ថ្ងៃ​ទី​២​​នេះ​ដែរ ស្ថាន​ភាព​ក្នុង​ដំណើរការ​ប្រឡង មាន​ភាព​ស្ងប់ស្ងាត់ និង​មាន​សណ្ដាប់​ធ្នាប់​របៀប​រៀបរយ​ល្អ​ទាំង​នៅ​ក្នុង​ ​និង​ក្រៅ​មណ្ឌល​ប្រឡង។ 

​      ដំណើរការសំណេរព្រឹកថ្ងៃទី២ បាន​ប្រព្រឹត្ត​ទៅ​ដោយ​រលូន​ល្អ មិន​មាន​បាតុភាព​កើត​ឡើង ភាព​មិន​ប្រក្រតី​ណា​មួយ​គួរ​ឲ្យ​កត់សម្គាល់​ឡើយ។  បើ​ទោះ​បី​មាន​ភ្លៀង​ធ្លាក់​នៅ​តាម​មណ្ឌល​មួយ​ចំនួន ក្នុង​ខេត្ត​ព្រះវិហារ​ ស្ទឹង​ត្រែង រតនគិរី និង​កោះកុង  ប៉ុន្តែ​​ដំណើរ​ការ​សំណេរ​នៅ​តែ​ មាន​ដំណើរ​ការ​ល្អ មាន​សភាព​ស្ងប់ស្ងាត់ និង​របៀប​រៀបរយ​ល្អ ។ 

​     ខាងលេីនេះគឺដោយ​មាន​ការ​យក​ចិត្ត​​ទុកដាក់ និង​ទំនួល​ខុស​ត្រូវ​ខ្ពស់​ពី គណៈ​មេ​ប្រយោគ​ទូទាំង​ប្រទេស គណៈ​អប្បមាទ​ទូទាំង​ប្រទេស ជំនួយ​ការ​អប្បមាទ​ទូទាំង​ប្រទេស ប្រធាន អនុ​ប្រធាន​មណ្ឌល គណៈកម្មការ​កណ្ដាល គណៈ​កម្មការ​ត្រួត​ពិនិត្យ​អគារ គណៈ​កម្មការ​អនុរក្ស ដោយ​មាន​ការ​ចូលរួម​សហការ​ដោយ សហភាព​សហព័ន្ធ​យុវជន​កម្ពុជា អង្គភាព​ប្រឆាំង​អំពើពុករលួយ មន្ត្រី​សុខាភិបាល និង​អាជ្ញាធរ​មាន​សមត្ថកិច្ច​ពាក់ព័ន្ធ។ 

​     ដោយឡែកបេក្ខជន បានគោរពបទបញ្ញត្តិនៃការប្រឡងបានយ៉ាងល្អ និងប្រឹងប្រែង ក្នុងការធ្វើកិច្ចការតាមសមត្ថភាពរៀងៗខ្លួន ដោយគ្មានយកសំណៅឯកសារ ឬឧបករណ៍អេឡិចត្រូនិកចូលក្នុងមណ្ឌលប្រឡងឡើយ។

​      ក្នុងដំណើរការសំណេរនាព្រឹកថ្ងៃទី២នេះ មាន​ពីរ​មុខ​វិជ្ជា សម្រាប់​ថ្នាក់​វិទ្យាសាស្ត្រ (​អក្សរសាស្ត្រ​ខ្មែរ និង​រូបវិទ្យា) និងសម្រាប់ថ្នាក់វិទ្យាសាស្ត្រសង្គម (គណិតវិទ្យា និងសីលធម៌ ពលរដ្ឋវិជ្ជា)។  

​     បើតាម​មន្ត្រីជាន់ខ្ពស់​នៃ​ក្រសួង​អប់រំ​យុវជន​និង​កីឡា បានឱ្យដឹង​ដែរ​ថា សម្រាប់​រៀបចំ​ការប្រឡង​សញ្ញាបត្រ​មធ្យមសិក្សា​ទុតិយភូមិ ​ឆ្នាំ​២០១៩​នេះ បាន​ចំណាយ​ថវិកា​ប្រមាណ​៥​លាន​ដុល្លារ​សហរដ្ឋអាមេរិក​៕

adverise with khmeread
tiger
Loading ad ...
Tiger underlay aa7d814b8ab2932c241f74f33a3821ad6b0abf8e6a38a16923f641ec017a13ab