adverise with khmeread Unnamed   copy

ឆក់​កាបូបស្ពាយ​ពី​ស្ត្រី​អាល្លឺម៉ង់​កំពុង​ជិះ​កង់​ជាប់​ខ្នោះ​ម្នាក់​រត់​រួច​ម្នាក់​

     ភ្នំពេញ ៖ ជនសង្ស័យ​ម្នាក់​ក្នុងចំណោម​បក្ខពួក​២​នាក់​ត្រូវបាន​ប៉ូលិស​ព្រហ្មទណ្ឌ​ក្រសួងមហាផ្ទៃ​ឃាត់ខ្លួន​រួច​ប្រគល់​ឲ្យ​ប៉ូលិស​ប៉ុស្តិ៍​ចតុមុខនៅ​ម៉ោង​៤​និង​១០​នាទី ល្ងាច​ថ្ងៃទី​១៥ ខែ​មិនា ឆ្នាំ​២០១៦ ពីបទ​ឆក់​កាបូបស្ពាយ​ជនបរទេស នៅ​ចំណុច​កន្លែង​លេង​ហ្គេម​បាញ់​ត្រី​ក្នុង​កោះ​ពេជ្រ​សង្កាត់​ទន្លេបាសាក់ ខណ្ឌចំការមន​។ 

    ប៉ូលិស​ប៉ុស្តិ៍​ចតុមុខ​បាន​ឲ្យ​ដឹងថា   ប៉ូលិស​បានទទួល​ជនសង្ស័យ​ម្នាក់​ពី​ប៉ូលិស​ព្រហ្មទណ្ឌ​ក្រសួង​ឈ្មោះ ហ៊ាន ភក្តី ភេទ​ប្រុស អាយុ​១៨​ឆ្នាំមុខរបរ​មិន​ពិតប្រាកដ​ស្នាក់​នៅផ្ទះ​លេខ​១៧០ ផ្លូវ​លេខ​២១ BT ភូមិ​សន្សំ​កុសល សង្កាត់​បឹងទំពុន ខណ្ឌមានជ័យ និង​បក្សពួក​ម្នាក់ទៀត​រត់គេច​ខ្លួនបាត់​។ សម្ភារៈ​ដកហូត កាបូបស្ពាយ​១ មាន​លុយ​១៦ ដុល្លា កូនសោរ​ផ្ទះ​២ ម៉ូតូ​០១​គ្រឿង​ម៉ាក​អាយ​ខុន ពណ៌​ផ្កាឈូក ស្លាក​លេខ​ភ្នំពេញ 1AH3134​។​

    ចំ​ណែ ជនរងគ្រោះ​ឈ្មោះ FTALL FTAUL INAEL IFABTH ភេទ​ស្រី ជនជាតិ​អាល្លឺម៉ង់ អាយុ​១៩​ឆ្នាំ មុខរបរ​ទេសចរណ៍ កាន់​លិខិតឆ្លងដែនលេខ C79MMMX79​។ 

    ប៉ូលិស​បន្តថា   មុនពេល​កើតហេតុ ម៉ោង​៣​និង​៤០​នាទី រសៀល​ថ្ងៃទី ១៥ ខែ​មិនា ឆ្នាំ​២០១៦ ជនរងគ្រោះ​កំពុង​ជិះ​កង់​ម្នាក់ឯង​ដល់​ចំណុច​សួនឌ្រី​ម​លែ​ន ក៏មាន​ជនសង្ស័យ​០២​នាក់​ជិះ​ម៉ូតូ​ចេញពី​កោះ​ពេជ្រ ក៏​ឃើញ​ជនរងគ្រោះ​ស្ពាយ​កាបូប ក៏​អែម​ជិត​ជនរងគ្រោះ​រួច​ធ្វើ​ឆក់​រួច​គេចខ្លួន​ចេញលេង​ហ្គេម បាញ់​ត្រី​នៅ​កោះ​ពេជ្រ​។ 

     ខណៈពេល​ពួកវា​កំពុងតែ​ឆែកឆេរ​ក្នុង​កាបូប​ក៏​សមត្ថកិច្ច​ទៅដល់​ពីក្រោយ​ឃាត់ខ្លួន​បាន​ម្នាក់​រីឯ​បក្សពួក​ដឹងខ្លួន​ទាន់​ក៏​រត់​គេចខ្លួនបាត់​តែម្តង​។​

     បច្ចុប្បន្ន​ជនសង្ស័យ​និង​សម្ភារៈ​រក្សាទុក​នៅ​ខណ្ឌដូនពេញ រីឯ​កាបូប​ប្រគល់​ឲ្យ​ម្ចាស់​វិញ​៕

adverise with khmeread

អ្នកនឹងចូលចិត្ត

មតិយោបល់