adverise with khmeread 10ac5251 06fd 4689 856f b91b0d96207d

បង្ក​គ្រោះថ្នាក់​ចរាចរ​តាមផ្លូវ​សាធារណៈហើយ​ចាប់​កាមេរ៉ា​អ្នកកា​សែត​បោក​ថែមទៀត​

    កណ្តាល ៖ មាន​គ្រោះថ្នាក់​ចរាចរ​ណ័​មួយ​បាន​កើតឡើង​កាលពី​វេលា​ម៉ោង​២​និង​៥​នាទី ថ្ងៃទី​១៦ ខែ​មិនា ឆ្នាំ​២០១៦ នៅ​ចំណុច​ផ្លូវ​លេខ​១១០ សង្កាត់​តាខ្មៅ ក្រុង​តាខ្មៅ ខេត្តកណ្តាល ដោយសារតែ​អ្នកបើក​រថយន្តបុក​ម៉ូតូ​បណ្តាល​ឲ្យ​របួស​ម្នាក់​ហើយ​ខណៈ​អ្នកសារព័ត៌មាន​២​នាក់​ទៅ​ថត​ស្រាប់តែ​នាង​ម្នាក់​នោះ​ចាប់​កាមេរ៉ា​បោក​ចោល តែ​ម្ចាស់​កាមេរ៉ា​គេច​ទាន់​។​

    ប្រភព​បាន​ឲ្យ​ដឹងថា  រថយន្ត​បង្ក​ម៉ាក Lexus's ពណ៌​ស ពាក់​ស្លាក​លេខ​ភ្នំពេញ 2Q-8523  បើក​កបរ​ក្នុងទិសដៅ​ពី​លិចទៅ​កើត បាន​វ៉ា​រថយន្ត​មួយគ្រឿង​ទៀតមិន​ផុត បាន​ជ្រុល​ចង្កូត​ទៅបុក​ម៉ូតូ​មួយគ្រឿង​ម៉ាក​ស្កុប​ពី ព​ណ៍ស ពាក់​ស្លាក​លេខ ភ្នំពេញ 1BK-3540 បណ្តាល​ឲ្យ​រថយន្ត និង​ម៉ូតូ ខូចខាត​ទាំងសងខាង​ហើយ​ម្ចាស់​ម៉ូតូ​រងរបួស​យ៉ាង​ដំ​ណំ​។​

    បន្ទាប់ពី​មាន​ហេតុការណ៍​គ្រោះថ្នាក់​ចរាចរណ៍​នេះ​ភ្លាម​ម្ចាស់​រថយន្ត​បាន​បើកទ្វា​រថយន្ត​រត់គេច​ខ្លួន រួចហើយ​បាន​ហៅ​បក្ខពួក​របស់ខ្លួន មក​ធ្វើ​ការចរចា​ទាំង​កាយវិការ​ច្រងេងច្រងាង​ដាក់​សមត្ថកិច្ច និង​ចាប់យក​កាមេរ៉ា​ក្រុម​អ្នក​សារព៍ត៌មាន​បោក​ថែម​ទៀតផង​។​

    ករណីនេះ​ប៉ូលិស​ក្រុង​តាខ្មៅ​កំពុង​ចាត់​ការបន្ត​តាម​នីតិវិធី៕

adverise with khmeread

អ្នកនឹងចូលចិត្ត

មតិយោបល់