adverise with khmeread 26cb59cf fa82 4d12 b4c4 6d186de284bd

ស្ត្រី​ម្នាក់​លួច​បន្តោង​ខ្សែ​កបាន​ហើយ​យកទៅលក់​ម្ចាស់​ស្គាល់​ចាប់​ប្រគល់​ឲ្យ​ប៉ូលិស​

    សៀមរាប ៖ ប៉ូលិស​ការិយាល័យ​កណ្តា​ល​ព្រហ្មទណ្ឌ​សហការ​ជាមួយ​ប៉ូលិស​ស្រុក​ពួក​នៅ​ថ្ងៃទី​១៦​ខែមីនា​ឆ្នាំ​២០១៦​បាន​ឃាត់ខ្លួន​ស្ត្រី​ម្នាក់​លួច​បន្តោង​ខ្សែក​ក្មេងស្រី​ម្នា​ក់នៅ​ផ្សារ​ពួក  ហើយ​ពេល​យកទៅលក់​ម្ចាស់​គេ​ស្គាល់​ចាប់ខ្លួន​តែម្តង​។​

    ប៉ូលិស​និយាយថា ជនសង្ស័យ​ឈ្មោះ​តាំង សុខឿន​ហៅ​ឡេង​ភេទ​ស្រី​អាយុ​៤៨​ឆ្នាំ​នៅ​ភូមិ​សំរោង ឃុំ​ដងទង់ ស្រុក​មានជ័យ ខេត្ត​រតនៈគីរី សព្វ​ថៃ្ង​ជួល​ស្នាក់​ផ្ទះជួល​ខេត្តសៀមរាប​។

​     មុខរបរ​មិន​ពិតប្រាកដ​បាន​យ​កប​នោ្ត​ង​ខ្សែក​ទៅ​លក់​ឲ្យ​ឈ្មោះ​ពេជ្រ សុ​ភិន ភេទ​ស្រី​អាយុ​៤៣​ឆ្នាំ​មុខរបរ​លក់​មាស​ប្តូរប្រាក់ហើយ​ត្រូវបាន​ឈ្មោះ​ពេជ្រ សុ​ភិន ​ស្គាល់​ថា​ជាប​នោ្ត​ង​ខ្សែករបស់​ក្មួយ​ខ្លួន​ឈ្មោះថា​ន់ ឌី​ណា ភេទ​ស្រី​ ដែល​បាន​បាត់​កាលពី​ថ្ងៃទី​១៥​មីនាឆ្នាំ​២០១៦ម៉ោ​ង​៤​ល្ងាច​នៅ​កន្លែង​លក់​មាស​ផ្សារ​ពួក ហើយ​ពួកគេ​ក៏បាន​នាំខ្លួន​ជនសង្ស័យ​មក​ប្រគល់​ឲ្យ​សមត្ថកិច្ច​ធ្វើការ​សាកសួរ​តែម្តង​។​

    តាម​ចំលើយ​របស់​ជនសង្ស័យ​ឈ្មោះ​តាំង សុខឿន ភេទ​ស្រី​បាន​សារភាពថា​ខ្លួន​ពិតជា​បាន​លួច​គឿង​អលង្ការ​នៅ​ផ្សារ​ពួក​ចំនួន​ពីរលើក​ពិតមែន​គឺ​ថ្ងៃ​១៥​ខែមីនា​ឆ្នាំ​២០១៦ បាន​បន្តោង​ខ្សែក មួយ​និង​នៅ​ថ្ងៃទី​១៦​ខែមីនា​ឆ្នាំ​២០១៦ លួចបាន​ចិញ្ចៀន​ដាំ​ត្បូង​មួយ​វង់​។​

​    ករណីនេះ​ប៉ូលិស​កំពុង​រៀបចំ​សំណុំរឿង​ទៅ​តុលាការ​ខេត្តសៀមរាប​៕​

adverise with khmeread

អ្នកនឹងចូលចិត្ត

មតិយោបល់