1

កម្ចាត់​ស្រមោច​អស់​ក្នុងពេល​តែមួយ​យប់​ជាមួយនឹង​ល្បិច​ដ៏​អស្ចារ្យ​នេះ​

    ​គ្មាន​នរណាម្នាក់​ចង់ឃើញ​ស្រមោច​ក្នុងផ្ទះ​នោះទេ ហើយ​ប្រសិនបើ​លោកអ្នក​ចង់​កម្ចាត់​ស្រមោច​ដោយ​មិនចាំបាច់​ប្រើ​របស់​គីមី សូម​ធ្វើតាម​វិធី​ពុំ​ប៉ះពាល់​សុខភាព​នេះ​ជំនួស​វិញ​។

​    ​ដំបូង លោកអ្នក​ត្រូវ​ទិញ​ម្សៅ​បូរ៉ា​ក់ (Borax) ដែល​អាច​រក​ទិញ​បាន​គ្រប់​ទីផ្សារ​។ វា​ជា​សារធាតុ​រ៉ែ​ធម្មជាតិ ដែលមាន​វត្តមាន​ភាគ​ច្រើន​ក្នុង​ថ្នាំ​បាញ់សម្លាប់​សត្វ​លិ្អ​ត​។

​    ​* ដើម្បី​ប្រើប្រាស់​វា​សម្រាប់​កម្ចាត់​ប​ញ្ហា​ស្រមោច លោកអ្នក​ត្រូវមាន​៖
​    ​- ទឹក​ក្តៅ ១ កូន​កែវ
​    ​- ស្ករស​កន្លះ​កូន​កែវ
​    ​- ម្សៅ​បូរ៉ា​ក់ ២ ស្លាបព្រា​បាយ
​    ​- ដុំ​សំឡី​មួយចំនួន​

​    ​លាយ​គ្រឿងផ្សំ​ចូលគ្នា រួច​យក​ដុំ​សំឡី​ជ្រលក់​ក្នុង​ទឹក​ដែល​បាន​លាយ​រួច​។ បន្ទាប់មក ដាក់​ដុំ​សំឡី​នោះ​ទៅគ្រប់​ទីកន្លែង ដែល​ឧស្សាហ៍​មាន​ស្រមោច​។ ព្រឹក​ឡើង​ស្រមោច​នឹង​ងាប់​អស់ ហើយ​បញ្ហា​នឹង​ត្រូវបាន​ដោះស្រាយ​៕

ប្រភព៖ ម៉ា​យ​ឡាយ​ស្តាយ​

អ្នកនឹងចូលចិត្ត

មតិយោបល់