Facebok

ឈឺសន្លាក់​ដៃជើង និង​រលាក​សន្លាក់​មែន​ទេ​? សាក​ព្យាបាល​តាម​វី​ធី​សាស្ត្រ​ប្រើ​ទឹកខ្មេះ​

    ​ការឈឺ​សន្លាក់​ដៃជើង​បង្កឱ្យមាន​បញ្ហា​ជាច្រើន​ខណៈពេលដែល​ធ្វើ​ការងារ​ផ្សេងៗ​ទាំង​នៅ​កន្លែងធ្វើការ និង​នៅផ្ទះ ហើយ​វា​ធ្វើឱ្យមាន​អារម្មណ៍​ពិបាក​ធុញថប់​បំផុត​។ អ្នកខ្លះ​ឈឺសន្លាក់​ពេញ​មួយថ្ងៃ និង​បាត់​ទៅវិញ​នៅពេល​សម្រាក​។

​    ​ប៉ុន្តែ​ការឈឺចាប់​នេះ​អាចមាន​ច​រិ​ក​ជា​ជំងឺ​រ៉ាំរ៉ៃ​ផងដែរ ដែល​ជាប់ទាក់ទង​ទៅនឹង​ជំងឺ​សន្លាក់​រលាក​សន្លាក់​។

​    ​ប្រសិនបើ​លោកអ្នក​កើត​ជំងឺ​រលាក​សន្លាក់ លោកអ្នក​ច្បាស់​ជា​ដឹង​ជាង​នរណាៗ​ទាំងអស់​ថា​ថ្នាំពេទ្យ​មាន​ប្រសិទ្ធភាព​បំបាត់​ការឈឺចាប់​បណ្តោះអាសន្ន​ប៉ុណ្ណោះ​។

​    ​វិធី​ល្អ​បំផុត​ដើម្បី​កាត់បន្ថយ​ការឈឺចាប់ និង​រោគសញ្ញា​ជំងឺ​រលាក​សន្លាក់​គឺ​ត្រូវ​ផ្លាស់ប្តូរ​របៀប​រស់នៅ ក្នុងនោះ​រាប់ទាំង​ការផ្លាស់ប្តូរ​របប​អាហារ​ផងដែរ​។ ជាងនេះទៅទៀត លោកអ្នក​ក៏​អាច​សាកល្បង​វិធីសាស្ត្រ​ធម្មជាតិ​ផងដែរ ហើយ​វិធីសាស្ត្រ​មួយ​ក្នុងចំណោម​នោះ​គឺ​ប្រើ​ទឹកខ្មេះ​។

​    ​ខាងក្រោម​នេះ​គឺជា​វិធី​មួយចំនួន​ក្នុងការ​ប្រើប្រាស់​ទឹកខ្មេះ​ប៉ោម​ដើម្បី​ព្យាបាល​ឈឺសន្លាក់​៖

​    ​* វិធី​ត្រាំ​
​    ​លាយ​ទឹកខ្មេះ ១ កែវ​ជាមួយនឹង​ទឹក​ធម្មតា ៦ កែវ ហើយ​យកដៃ ឬ​ជើង​ត្រាំ​ក្នុងនោះ​។ ប្រសិនបើ​លោកអ្នក​ឈឺ​ត្រង់ ក ឬ​ផ្នែក​ផ្សេងទៀត​នៃ​រាងកាយ សូម​យក​ក្រណាត់​ស្បែ​ឬ​កំ​ប្រេ​ស (Compress) ជ្រលក់​ទឹកខ្មេះ​លាយ​នេះ​រួច​យកទៅ​បិត​ពីលើ​កន្លែង​ឈឺ​។

​    ​* វិធី​ត្រដុស​
​    ​លាយ​ទឹកខ្មេះ​ប៉ោម ២ ស្លាបព្រា​បាយ​ជាមួយនឹង​ប្រេង​អូ​លីវ ១ ស្លាបព្រា​បាយ​។ កូរ​វា​ឱ្យ​សព្វ រួច​យក​វា​ទៅ​ត្រដុស​លើ​សន្លាក់​ដែល​ឈឺ​។ ការព្យាបាល​ដោយ​ការ​ត្រដុស​បែបនេះ​ជា​ទៀងទាត់​នឹង​ជួយ​កាត់បន្ថយ​ការឈឺចាប់​យ៉ាង​មាន​ប្រសិទ្ធភាព​។

​    ​* វី​ធី​ព្យាបាល​ដោយ​ការផឹក​
​    ​ដាក់​ទឹកខ្មេះ​ប៉ោម ៣ ស្លាបព្រា​បាយ​ចូលទៅក្នុង​ទឹក​ធម្មតា ឬ ទឹក​ផ្លែឈើ​ណា​ក៏បាន​ក្នុង​បរិមាណ ៣០០ មិ​ល្លី​លីត្រ​។ ផឹក​វា ៣ ដង​ក្នុង​មួយថ្ងៃ​នៅមុន​រាល់​អាហារ​ទាំងបី​ពេល​៕ 

ប្រភព៖ ប៊ី​អ៊ិ​ច​ស្ត្រា​ហ៊ែ​ល​ស៊ី​ណាវ​

អ្នកនឹងចូលចិត្ត

មតិយោបល់