adverise with khmeread 2

បច្ចេកទេស​ថ្មី​ក្នុងការ​ស្វែងរក​ជំងឺមហារីក​និង​ហ៊ី​វ​អាចមាន​ប្រសិទ្ធភាព​ជាង​បច្ចេកទេស​បច្ចុប្បន្ន​ដល់​ទៅ ១០.០០០ ដង​

    ​ក្រុម​អ្នកជំនាញ​បាន​អះអាងថា របៀប​ធ្វើតេស្ត​ថ្មី​ដែល​បង្កើតឡើង​ដើម្បី​ស្វែងរក​ជំងឺ​ជាច្រើន រួមទាំង ហ៊ី​វ និង ជំងឺមហារីក អាចមាន​ប្រសិទ្ធភាព​ជាង​ឧបករណ៍​ធ្វើ​រោគវិនិច្ឆ័យ​បច្ចុប្បន្ន​ដល់​ទៅ ១០.០០០ ដង​។ នេះ​បើ​យោងតាម​វេ​ប​សាយ​ដេលី​មែ​ល​ចេញផ្សាយ​កាលពី​ថ្ងៃទី ១៤ មីនា​។

​    ​ការរកឃើញ​ជំងឺ​ភាគច្រើន​ឱ្យបាន​ជាមុន​នឹង​ជួយ​បង្កើន​ឱកាស​ក្នុងការ​ព្យាបាល​ដ៏​ជោគជ័យ​។
​    ​
​    ​ខណៈពេលដែល​ផ្នែក​មួយ​នៃ​ការធ្វើ​រោគវិនិច្ឆ័យ​ឃើញ​ជំងឺ​នៅ​ដំណាក់កាល​ដំបូង​គឺ​រឿង​សំណាង មិន​ថា​អ្នកជំងឺ​ឆ្លុះ​ឃើញ​ជំងឺ​ទាន់ពេល​ឬក៏​អត់​ទេ ក៏ប៉ុន្តែ​ផ្នែក​ដ៏​សំខាន់​មួយទៀត​គឺថា ការធ្វើ​តេស្ត​នានា​ក្នុងពេល​បច្ចុប្បន្ន​នៅមានកម្រិត​របស់​វា​នៅឡើយ​ទេ​ក្នុង​ការចាប់យក​បម្រែបម្រួល​ភាគល្អិត​តូចៗ ដែល​ជំងឺ​បន្សល់ទុក​ក្នុង​សរសៃឈាម​។​

​    ​ឥឡូវ​ក្រុម​អ្នកវិទ្យាសាស្ត្រ​នៅ​សាកលវិទ្យាល័យ Stanford University បាន​អភិវឌ្ឍ​បច្ចេកទេស​ថ្មី ដែល​ពួកគេ​សង្ឃឹមថា​នឹងមាន​ប្រសិទ្ធភាព​ជាង​បច្ចេកទេស​បច្ចុប្បន្ន​ដែល​ប្រើ​ក្នុង​មន្ទីរពិសោធន៍​ដល់​ទៅ ១០.០០០ ដង​។

​     ពួក​អ្នកវិទ្យាសាស្ត្រ​បាន​និយាយថា ដំណើរការ​ថ្មី​នេះ​ឥឡូវ​កំពុង​ត្រូវបាន​ធ្វើតេស្ត​ក្នុងការ​សាកល្បង​ព្យាបាល​ជាក់ស្តែង​។

​    ​នៅពេល​ជំងឺ​មួយ មិន​ថា​ជា​មហារីក​ឬ​ហ៊ី​វ​នោះទេ បានចាប់ផ្តើម​លូតលាស់​ក្នុង​រាងកាយ​ហើយ​នោះ ប្រព័ន្ធ​ភាពស៊ាំ​នឹង​ឆ្លើយតប​ដោយ​ការផលិត​អង្គ​បដិបក្ខ​។

​    ​ការចាប់យក​អង្គ​បដិបក្ខ​ទាំងនេះ​ចេញពី​ឈាម​គឺជា​វិធី​មួយ ដែល​អ្នកវិទ្យាសាស្ត្រ​អាច​រកឃើញ​វត្តមាន​របស់​ជំងឺ​៕

adverise with khmeread
ប្រភព៖ ដេលី​មែ​ល​

អ្នកនឹងចូលចិត្ត

មតិយោបល់