1

​ប្រិយមិត្ត Arsenal ចាប់ផ្តើម​ដាក់​ញត្តិ​ដើម្បី​អូ​សក​ប្រធាន​ក្លឹប​ចេញពី​តំណែង​

​    ​ប្រិយមិត្ត Arsenal បាន​កំពុង​ប្រមូល​គ្នីគ្នា​ធ្វើ​ញត្តិ​ដើម្បី​ទម្លាក់​ប្រធាន​ក្លឹប​ចេញពី​តំណែង ហើយ​ញត្តិ​ថ្មី​នេះ​ពិត​ជាមាន​សន្ទុះ​ខ្លាំង​ជាង​ការរំពឹងទុក​ទៅទៀត​។​

​    ​លើក​នេះ​ពួកគេ​កំពុង​ធ្វើ​យុទ្ធនា​ការប្រឆាំង​ម្ចាស់​ភាគហ៊ុន​ធំ​គឺ​លោក Stan Kroenke​។ ញត្តិ​នេះ​បានចាប់ផ្តើម​កាលពី​ខែ​មុន​ដែលមាន​ឈ្មោះថា "​បញ្ឈប់​លោក Stan Kroenke ពី​ការបំផ្លាញ​ក្លឹប​បាល់ទាត់ Arsenal" ហើយ​វា​បានចាប់ផ្តើម​ស្ទុះ​យ៉ាងខ្លាំង​។​

​    ​មនុស្ស​ជិត ៤០០០ នាក់​បាន​ចុះឈ្មោះ​ដើម្បី​ដាក់​ញត្តិ​ក្នុង​វេ​ប​សាយ change.org ហើយ​វា​កំពុងតែ​កើនឡើង​ជា​លំដាប់​ខណៈ​លោកអ្នក​កំពុង​អាន​អត្ថបទ​នេះ​។​

​    ​គោលដៅ​ដែល​ពួកគេ​សង្ឃឹម​ទទួលបាន​ពី​ញត្តិ​នេះ​គឺ​៖

​    ​១. បញ្ឈប់​ការបំផ្លិចបំផ្លាញ​របស់​លោក Stan Kroenke ទៅលើ​ក្រុម Arsenal
​    ​២. កាត់បន្ថយ​តម្លៃ​សំបុត្រ​ការប្រកួត​
​    ​៣. ចំណាយលុយ​ទៅលើ​កីឡាករ​លំដាប់ថ្នាក់​ពិភពលោក​
​    ​៤. ឈ្នះ​ពាន Premier League
​    ​៥. យក​ម្ចាស់​ក្លឹប Arsenal ណា​ដែល​ខ្វល់​ពី​ក្លឹប​

​    ​ប្រិយមិត្ត Arsenal ក៏​អាច​ចូលរួម​ការដាក់​ញត្តិ​នេះ នៅទីនេះ​ផងដែរ​

 

ប្រភព៖ Metro

មតិយោបល់