adverise with khmeread Ac0e617e a08b 4126 8100 bb2a6d862fe1

ជនសង្ស័យ​ជាច្រើន​នាក់​ប្រដាប់​ដោយ​ដាវ​សា​ម៉ូ​រ៉ៃ​កាប់ និង​វាយ​ប្លន់​យក​ម៉ូតូ ​MSX

     ភ្នំពេញ ៖ ជនសង្ស័យ​ជាច្រើន​នាក់​ប្រដាប់​ដោយ​ដាវ​សា​ម៉ូ​រ៉ៃ បានធ្វើ​សកម្មភាព​កាប់ និង​វាយ​ប្លន់​យក​ម៉ូតូ​ MSX បានសម្រេច និង​កាប់​ជនរងគ្រោះ​ម្នាក់​ក្នុងចំណោម​៤​នាក់ បណ្តាល ឱ្យ​រងរបួស​ដៃ កាលពី​វេលា​ម៉ោង​១​រំលង​អា​ធ្រា​ត​ឈានចូល​ថ្ងៃទី​១៧ ខែមីនា ឆ្នាំ​២០១៦ ខាងក្រោយ​មន្ទីរពេទ្យ​មិត្តភាព​ខ្មែរ សូ​វៀត ស្ថិតក្នុង​សង្កាត់​ទំនប់ទឹក ខណ្ឌចំការមន។​

     បើតាម​សម្តី​ជនរងគ្រោះ​បានឱ្យដឹងថា នៅ​មុនពេល​កើតហេតុ​ពួកគេ​មាន​គ្នា​៤​នាក់ ជិះ​ម៉ូតូ​២​គ្រឿង ទី​១​ម៉ាក​ MSX ទី​២​ហុងដា​ឌ្រី​ម​សេ​១២៥ ជិះ​ទៅយក​ខោអាវ​នៅ​ម្តុំ​វត្ត​សន្សំ​កុសល។ ពេលនោះ​ស្រាប់តែ​លេចមុខ​ជនសង្ស័យ​មួយក្រុម​មាន​គ្នា​តិច​ពី​១០​នាក់ បាន​ជិះ​មក​កៀរ​ឱ្យ​ឈប់​តែ​ពួកគេ​មិន​ព្រម​ឈប់ ទើប​ក្រុម​ជនសង្ស័យ​ដក​ដា​វសា​ម៉ូ​រ៉ៃ​ចេញមក។​

      ឃើញ​ដូច្នេះ​មានការ​ភ័យខ្លាច​ទើប​ឈប់​ម៉ូតូ និង​ត្រូវ​ពួកវា​កាប់ និង​វាយ បណ្តាលឱ្យ​ជាំមុខ​មាត់​ម្នាក់ និង​ម្នាក់ទៀត​របួស​ដៃ​ហូរឈាម ដោយ​ត្រូវ​ពួកវា​ប្រើ​ដាវ​សា​ម៉ូ​រៃ​កាប់។​

      បន្ទាប់​ក្រុម​ជនសង្ស័យ​ក៏បាន​យក​ម៉ូតូ MSX ពណ៍ ពាក់​ស្លាក​លេខ ភ្នំពេញ 1FC-9103 បានសម្រេច និង​ជិះ​គេចខ្លួន​បាត់អស់ ហើយក៏​នៅសល់​ម៉ូតូ​១​គ្រឿង ក៏​នាំគ្នា​ជិះ​ទៅប្តឹង​សមត្ថកិច្ច​មូលដ្ឋាន និង​ដាក់​ពាក្យបណ្តឹង​ដើម្បី​កំណត់​មុខសញ្ញា​តាម​ចាប់​ក្រុម​ជនសង្ស័យ។​

     ប្រភព​បានឱ្យដឹងថា ក្នុង​យប់នោះ​នៅវេលា​ប្រហែល​ម៉ោង​កើតហេតុ កម្លាំង​អន្តរាគមន៍​បានធ្វើការ​ឃាត់ខ្លួន​ម៉ូតូ​និ​ច ព​ណ៍ស ១​គ្រឿង ដែល​គួរឱ្យ​សង្ស័យ​យកទៅ​អធិការដ្ឋាន​ប៉ូលិស​ខណ្ឌចំការមន ដោយ​មិនមាន​ឃាត់ខ្លួន​ម្ចាស់​ម៉ូតូ​នោះទេ ព្រោះ​មិនមាន​ប្រព្រឹត្តិ​នូវ​បទល្មើស​អ្វី។​

     បន្ទាប់ពី​ឱ្យ​ម្ចាស់​ម៉ូតូ​ត្រឡប់​ទៅវិញ ដើម្បី​រង់ចាំ​ព្រឹកស្អែក​ទើប​យក​លិខិតស្នាម​មក​បញ្ជាក់ តែ​មក​សួរនាំ​ជនរងគ្រោះ​នៅ​ប៉ុស្តិ៍នគរបាល​ទំនប់ទឹក ទើប​ទទួលដំណឹង​ថា មាន​ភិនភាគ​ស្រដៀង​នឹង​ក្រុម​ជនសង្ស័យ​ដែល​បានធ្វើ​សកម្មភាព​ខាងលើ៕

adverise with khmeread

អ្នកនឹងចូលចិត្ត

មតិយោបល់