adverise with khmeread 8450c2a0 5aec 4d97 b3eb 3d9823be76bd

ជនសង្ស័យ​ពីរ​នាក់​ត្រូវបាន​ជនរងគ្រោះ​ចាប់​ប្រគល់​ឲ្យ​សមត្ថកិច្ច ខណៈ​ឆក់​ទូរស័ព្ទ​

     ភ្នំពេញ ៖ បុរស​ម្នាក់​បាន​ចុះ​ពីលើ​រថយន្ត​ទាំង​ដៃ​កាន់​ទូរស័ព្ទ​ខណៈពេល​នោះ​ត្រូវ​ជនសង្ស័យ​៣​នាក់​ជិះ​ម៉ូតូ​មកពី​ក្រោយ​បានធ្វើ​សកម្មភាព​ឆក់​ទូរស័ព្ទ​តែ​មិនបាន​សម្រេច ហើយ​ត្រូវ​ជនរងគ្រោះ​បើករថយន្ត​កៀរ​ឲ្យ​ដួល និង​ចាប់បាន ២​នាក់​រួច​ប្រគល់​ឲ្យ​សមត្ថកិច្ច កាលពី​វេលា​ម៉ោង​៣​និង​១០​នាទី​ទៀបភ្លឺ ថ្ងៃទី​១៧ ខែមីនា ឆ្នាំ​២០១៦ នៅ​ចំណុច​ក្បែរ​រោងកុន​អង្គរ តាម​បណ្ដោយ​ផ្លូវ​ព្រះមុនីវង្ស ស្ថិតក្នុង​សង្កាត់​ផ្សារ​អូរ​ឬ​ស្សី​៤ ខណ្ឌ​7​មករា​។​

    ប៉ូលិស​ប៉ុស្ដិ៍​ផ្សារ​អូរ​ឬ​ស្សី​៤​បាន​ឲ្យ​ដឹងថា ជនសង្ស័យ​ទាំង​៣​នាក់​ទី​១-​ឈ្មោះ ពុល ថា​ណា​រ័ត្ន (​អង្គុយ​កណ្ដាល​)​អាយុ​១៦ ស្នាក់នៅ​បឹង​កេងកង​៣ ខណ្ឌចំការមន​ទី​២-​ឈ្មោះ គឹម ឆៃ ហួត (​ជា​អ្នក​ឌុប​)​អាយុ​១៧​ឆ្នាំ រស់នៅ សង្កាត់​ជ្រោយចង្វារ ខណ្ឌ​ជ្រោយចង្វារ និង​ទី​៣(​ជា​អ្នក​ឆក់​)​ឈ្មោះ​អា នាត អាយុ​១៧​ឆ្នាំ រស់នៅ​ម្តុំ​ឬ​ស្សី​កែវ​រត់​បាត់​។​

     បើតាម​សម្ដី​ជនរងគ្រោះ​សុំ​មិន​បញ្ចេញ​ឈ្មោះ​បាន​ប្រាប់​ឲ្យ​ដឹងថា នៅពេល​កើតហេតុ​រូបគាត់​បាន​បើករថយន្ត​មក​ឈប់​នៅ​កន្លែងកើតហេតុ​ខាងលើ ហើយក៏​បាន​ចុះ​ពីលើ​រថយន្ត ដោយបាន​ដក​ទូរ​ស័​ព្ឋ​មក​និយាយ ស្រាប់​តែមាន​ជនសង្ស័យ​៣​នាក់​ជិះ​ម៉ូតូ​១​គ្រឿង​ម៉ាក ហ្វី​ណូ ពណ៌​ស ពាក់​ស្លាក​លេខ​ភ្នំពេញ ​1CY.6142 បាន​ជិះ​មកពី​ក្រោយ ដោយ​អ្នកជិះ​ពីក្រោយ​បានធ្វើ​សកម្មភាព​ឆក់​ទូរ​ស័​ព្ឋ​ពី​ដៃ​ជនរងគ្រោះ តែ​មិនបាន​សម្រេច ត្រូវបាន​គាត់​បើក​ថ​យន្ត​តាម​ពីក្រោយ​និង​កៀរ​ឲ្យ​ដួល។​

     ភ្លាមនោះ​មាន​ជនសង្ស័យ​១​នាក់​ក្នុងចំណោម​៣​នាក់​នោះបាន​រត់គេចខ្លួន​បាត់​បន្ទាប់មក​ជនរងគ្រោះ​ក៏​ចាប់បាន​២​នាក់​ប្រគល់​ឲ្យ​សមត្ថកិច្ច​មូលដ្ឋាន​តែម្ដង​។​

     ក្រោយពេល​កើតហេតុ​ជនសង្ស័យ​ទាំងពី​នាក់​ដែល​ឃាត់ខ្លួន​បាន​នោះ ត្រូវបាន​សមត្ថកិច្ច​មូល​ដ្ឋា​ន​ចុះ​ដល់​កន្លែង​ភ្លាមៗ​និង​នាំយក​ជនសង្ស័យ​ទាំងនោះ​ទៅ​សួរនាំ​នៅ​ប៉ុស្ដិ៍​ផ្សារ​អូរ​ឬ​ស្សី​៤ រង់ចាំ​កសាង​សំណុំរឿង​ចាត់ការ​តាម​នីតិវិធី​៕​

adverise with khmeread

អ្នកនឹងចូលចិត្ត

មតិយោបល់