adverise with khmeread 6c834fd1 6204 4187 99df 88a36d3a2e6a

ទុស្សេ​ចរន្ត​អគ្គីសនី​បង្ក​ជា​អណ្តាតភ្លើង​ឆាបឆេះ​ផ្ទះ​ប្រជាពលរដ្ឋ​នៅ​បឹង​សាឡាង​

     ភ្នំពេញ ៖ អគ្គីភ័យ​មួយ​បាន​ឆាបឆេះ​ផ្ទះ​ប្រជាពលរដ្ឋ​មួយកន្លែង បណ្តាលឱ្យ​ខូចខាត​ទ្រព្យសម្បត្តិ​អស់​មួយចំនួនធំ ប៉ុន្តែ​មិន​បណ្តាលឱ្យ​រាលដាល​ដល់ផ្ទះ​ប្រជាពលរដ្ឋ​នៅ​ជិតខាង​នោះទេ​។​

    ហេតុការណ៍​ភ្ញាក់ផ្អើល​នេះ​បាន​កើតឡើង​កាលពី​វេលា​ម៉ោង​១១​និង​៣០​នាទី​យប់​ថ្ងៃទី​១៦ ខែមីនា ឆ្នាំ​២០១៦ តាម​បណ្តោយ​ផ្លូវ​លេខ​៣៣៦ ស្ថិតក្នុង​សង្កាត់​បឹង​សាឡាង ខណ្ឌចំការមន។​

     ប្រភពព័ត៌មាន​ពី​កន្លែងកើតហេតុ​បានឱ្យដឹងថា នៅ​មុនពេល​កើតហេតុ​គេ​បានឃើញ​មាន​ផ្សែងហុយ​ចេញ​យ៉ាងខ្លាំង​ចេញពីផ្ទះ​ខាងលើ មួយសន្ទុះ​ក្រោយមក​ក៏មាន​សម្លេង​។ស្រែក​ឆោឡោឡើង​ឱ្យជួយ ហើយ​ម្ចាស់ផ្ទះ​និង​កូនៗ​បាននាំគ្នា​រត់ចេញ​មក​ខាងក្រៅ​ដោយមាន​ទាំង​ភ្លើង​កំពុង​ឆាបឆេះ​ផ្ទះ​បាត់ទៅហើយ។​

    ប្រជាពលរដ្ឋ​ដែល​នៅក្បែរ​ខាង​បាននាំគ្នា​ស្លន់ស្លោ​បង្ក​ការភ្ញាក់ផ្អើល ជួយ​យក​ទឹក​ជះ និង​បាញ់​ពន្លត់ តែ​ភ្លើង​ឆេះ​ខ្លាំងពេក​ក៏បាន​ទំនាក់ទំនង​ទៅ​សមត្ថកិច្ច ហើយ​ភ្លាមៗ​នោះ រថយន្ត​អគ្គីភ័យ​បានមក​អន្តរាគមន៍​បាញ់​ពន្លត់​។ តែដោយសារ​តែ​ផ្លូវ​តូចចង្អៀត​រថយន្ត​ពិបាក​ចូល ហើយ​អគ្គីភ័យ​ឆេះ​គួរសម​ដែរនោះ កម្លាំង​ពន្លត់អគ្គីភ័យ​បាន​ប្រើប្រាស់​ពេល​ប្រមាណ​ជាង​១​ម៉ោង ទើប​អាច​គ្រប់គ្រង​ស្ថាន​ការ​បាន​ទាំងស្រុង មិនឱ្យ​រាលដាល់​ដល់ផ្ទះ​ប្រជាពលរដ្ឋ​ក្បែរ​នោះ។​

    ចំពោះ​ទំហំ​នៃ​ការខូចខាត​គឺ​បន្ទប់​ជួល​ខាងក្រោម​៥​បន្ទប់ ដែលមាន​សម្ភារៈប្រើប្រាស់​ទុក​នៅ​ខាងក្នុង​ខូចខាត​ស្ទើរ​ទាំងស្រុង ឆេះ​ម៉ូតូ​អស់​៥​គ្រឿង ខូចខាត​ផ្ទះមួយ​ចំនួន តែ​មិនទាន់​ដឹងថា​មាន​តំលៃ​ប៉ុន្មាន​នៅឡើយ​។ ហើយក៏​មិន​បណ្តាលឱ្យ​នរណាម្នាក់​គ្រោះថ្នាក់​ដល់​អាយុជីវិត​នោះទេ គ្រាន់​តែមាន​ស្ត្រី​ម្នាក់​ដួលសន្លប់​ដោយសារតែ​មានផ្ទះ​នៅក្បែរ​កើតហេតុ ហើយ​ខ្លាច​ឆ្លង​មកដល់​ផ្ទះ​កាត់​តែប៉ុណ្ណោះ។​

     ក្នុងករណី​អគ្គីភ័យ​ខាងលើនេះ គឺ​សមត្ថកិច្ច​សន្និដ្ឋានថា​អាច​បណ្តាលមកពី​ឆ្លង​ចរន្ត​អគ្គីសនីទុស្សេ​ខ្សែភ្លើងទើប​បណ្តាលឱ្យមាន​គ្រោះថ្នាក់​ដូច្នេះ៕

adverise with khmeread

មតិយោបល់