4e55cf1b 72e7 4747 ab16 a2a42d8e5d78

ជនសង្ស័យ​មួយក្រុម​វាយ​ប្លន់​យក​ម៉ូតូ​ពី​យុវជន​ម្នាក់​បានសម្រេច​នៅ​កន្លែង​ដដែលៗ​

    ភ្នំពេញ ៖ យុវជន​ម្នាក់​បាន​រងរបួស​បែក​ក្បាល និង​របួស​ជាច្រើន​កន្លែង​ផ្សេងទៀត ដោយសារតែ​ត្រូវ​ជន សង្ស័យ​មួយក្រុម​បាន​ប្រើ​បំពង់​ទីប​ដែក​វាយ​ក្បាល ប្លន់​យក​ម៉ូតូ​ស្តុ​ប​ពី ព​ណ៍ស ពាក់​ស្លាក​លេខ ភ្នំពេញ 2FK-6027 បានសម្រេច ហើយ​គេចខ្លួនបាត់​។​

    អំពើ​ប្លន់​នេះ​បាន​កើតឡើង​កាលពី​វេលា​ម៉ោង​១១​និង​៤០​នាទី​យប់​ថ្ងៃទី​១៦ ខែមីនា ឆ្នាំ​២០១៦ នៅ​ចំណុច​មុខ​ទីស្តីការគណៈរដ្ឋមន្ត្រី ផ្លូវ​ចូលក្នុង​បឹង​កង ស្ថិតក្នុង​សង្កាត់​ស្រះចក ខណ្ឌដូនពេញ។​

    ជនរងគ្រោះ​មានឈ្មោះ មែន ស​ហ្វី​រី​ន អាយុ​២១​ឆ្នាំ ជា​ជនជាតិ​អ៊ីស្លាម បច្ចុប្បន្ន​ស្នាក់នៅ​សង្កាត់​ទួល​សង្កែ ខណ្ឌ​ឬ​ស្សី​កែវ របួស​រយះ​ក្បាល​។​

    បើតាម​សម្តី​រៀបរាប់​ពី​ជនរងគ្រោះ​បានឱ្យដឹងថា នៅ​មុនពេល​កើតហេតុ​រូបគាត់​និង​ពូ បាន​ជិះ​ម៉ូតូ​ម្នាក់​១​គ្រឿង​ត្រឡប់​មកពី​ដើរលេង​។ លុះ​នៅវេលា​ម៉ោង​កើតហេតុ​ពេល​ត្រឡប់ទៅផ្ទះ​វិញ​ដល់​កន្លែងកើតហេតុ​ដែល​ជា​កន្លែង​ស្ងាត់ និង​ងងឹត​ផង​នោះ ក៏​ស្រាប់​តែមាន​ជនសង្ស័យ​មួយក្រុម​មាន​គ្នា​៤​នាក់ ជិះ​ម៉ូតូ​២​គ្រឿង បានធ្វើ​សកម្មភាព​វាយ​មកលើ​ក្បាល និង​ខ្នង ដោយ​ប្រើ​បំពង់​ទីប​ដែក​ជាច្រើន។​

     ពេល​នោះគេ​ក៏បាន​បន្ថែម​ល្បឿន ហើយ​ត្រូវបាន​ជនសង្ស័យ​ដេញតាម​ពីក្រោយ​វាយ​ជាច្រើន​ទីប​ទៀត បណ្តាលឱ្យ​បែកក្បាល និង​ដួល​ម៉ូតូ ហើយ​រូបគេ​ក៏​រត់ចោល​ម៉ូតូ​យកតែ​រួចខ្លួន ទើប​ក្រុម​ជនសង្ស័យ​លើក ម៉ូតូ​យកទៅ​តែម្តង។​

     បន្ទាប់ពី​កើតហេតុ​រយៈពេល​២​ម៉ោង​មិនមាន​សមត្ថកិច្ច​មូលដ្ឋាន​រណា​ម្នាក់ មក​អន្តរាគមន៍ ឬ​ធ្វើការ​សួរនាំ​នោះទេ ទើប​គាត់​សម្រេចចិត្ត​ហៅ​មិត្ត​ភក្ត្រ រួច​ដឹក​ទៅ​ដាក់​ពាក្យបណ្តឹង​នៅ​ប៉ុស្តិ៍​ស្រះចក​ដោយ​ខ្លួនឯង។​

    សូមបញ្ជាក់ថា កន្លែងកើតហេតុ​ខាងលើ​តែងតែ​កើតមាន​នូវ​ករណី​វាយ និង​ភ្ជង់​ប្លន់​ជា​ញឹកញាប់ ប៉ុន្តែ​សមត្ថកិច្ច​ទាំង​មូលដ្ឋាន និង​ខណ្ឌ ហាក់ដូចជា​មិន​អើពើ​នោះទេ។ មិនតែប៉ុណ្ណោះ បាន​ព្យាយាម​លាក់បាំង​អ្នក​សារពត៌មាន ថា​មិនមែនជា​ករណី​ប្លន់​នោះទេ ជា​ករណី​ទំនាស់​ទៅវិញ ដោយបាន​បណ្តែតបណ្តោយ​ឱ្យ​កើតមាន​នូវ​ករណី​ប្លន់​កើតឡើង​គួរឱ្យកត់សម្គាល់៕​

អ្នកនឹងចូលចិត្ត

មតិយោបល់