adverise with khmeread 32420a2400000578 0 image a 6 1458143320856

វត្តមាន​របស់​ចូ​លី​នៅ​ជំរំ​ជនភៀសខ្លួន​ក្នុងប្រទេស​ក្រិ​ក​បានធ្វើឱ្យ​ជនភៀសខ្លួន​សប្បាយចិត្ត​អស់​ទុក្ខ​កង្វល់​មួយគ្រា​

​    ​នាង​អ៊ែន​ជែ​លី​ណា ចូ​លី​ត្រូវបាន​ចោមរោម​ជុំជិត​ទៅដោយ​ជនភៀសខ្លួន​រាប់រយ​នាក់​កាលពី​ថ្ងៃ​ពុធ នៅពេល​នាង​បាន​ទៅ​មើល​កំពង់ផែ Piraeus របស់​ក្រិ​ក ជាទី​ដែល​ជនភៀសខ្លួន​រាប់ពាន់នាក់​បាន​ជាប់គាំង​នៅ​ទីនោះ​។ 

​    ​នាង​ចូ​លី ដែលជា​ប្រេសិត​ពិសេស​សម្រាប់​ទីភ្នាក់ងារ​ជនភៀសខ្លួន​របស់​អង្គការសហប្រជាជាតិ បានទទួល​ការស្វាគមន៍​រាក់ទាក់​យ៉ាង​សម្បើម​ពី​ជនភៀសខ្លួន ដោយ​ពួកគេ​បាន​ប្រជ្រៀត​គ្នា​យ៉ាង​វីវក់​ដើម្បី​បាន​ថតរូប Selfie ជាមួយនឹង​តួ​ហូលីវូដ​រូបនេះ​។ 

​    ​ចូ​លី​បាន​ស្វាគមន៍​រាក់ទាក់​ក្មេងៗ និង​បាន​ស្នើឱ្យ​អ្នកកាសែត អ្នក​ថត​វីដេអូ និង​អ្នក​ថតរូប​យោគយល់​អធ្យាស្រ័យ​ដល់​នាង ខណៈពេលដែល​នាង​កំពុង​ព្យាយាម​និយាយ​ជាមួយ​ក្មេងៗ​។​

​    ​នាង​បាន​ប្រាប់​ក្មេងប្រុស​ម្នា​ក់ថា "​ខ្ញុំ​នៅទីនេះ​ដើម្បី​រៀន​និយាយ​ជាមួយ​អ្នក ហើយ​បណ្តា​ទីភ្នាក់ងារ​ជនភៀសខ្លួន និង​រដ្ឋាភិបាល​ក្រិ​ក​នឹងសិក្សា​ពីអ្វី​ដែល​បាន​កើតឡើង អូ​ខេ​? ព្យាយាម​រក្សា​ភាព​រ៉ឹង​ប៉ឹង​ឡើង​"​។ 

​    ​យោងតាម​អង្គការ UNHCR ចូ​លី​បាន​កំពុង​បំពេញ​ទស្សនកិច្ច​ក្នុងប្រទេស​ក្រិ​ក "​ដើម្បី​បង្កើន​កិច្ចប្រឹងប្រែង​របស់ UNHCR និង​រដ្ឋាភិបាល​ក្រិ​ក​ដើម្បី​ជំរុញ​ការឆ្លើយតប​បន្ទាន់​ចំពោះ​ស្ថានភាព​មនុស្សធម៌​ដែល​កំពុង​យ៉ាប់យ៉ឺន​នេះ​"៕ 

 

adverise with khmeread
ប្រភព៖ ដេលីមែល

មតិយោបល់