adverise with khmeread 66a2c463 3d5f 42f3 9de0 89199d63e84f

ជិះ​ម៉ូតូ​តាមផ្លូវ​បែក​កង់ បណ្តើរ​ដល់​មុខ​ចំការ​ព្រីង​ត្រូវ​ចោរ​បាញ់​២ គ្រាប់ប្លន់​យក​ម៉ូតូ​(​មាន​វីដេអូ​)

    ភ្នំពេញ ៖ យុវជន​ម្នាក់​ដែល​ទើបតែ​ចេញពី​ក្លឹប​កម្សាន្ត ធ្វើដំណើរ​ដោយ​ម៉ូតូ​តែម្នាក់ឯង បំណង​ទៅផ្ទះ ប៉ុន្តែ​ចៃដន្យ​ម៉ូតូ​បែក​កង់ ក៏​បណ្តើរ​រហូតដល់​មុខរ​ណី​យ​ដ្ឋា​ន​ចំការ​ព្រីង ក៏ត្រូវ ជនសង្ស័យ​២​នាក់​ប្រដាប់​ដោយ​កាំភ្លើង​បាញ់​យុវជន​នោះ​ប្លន់​យក​ម៉ូតូ​តែ​មិនបាន​សម្រេច​។​

    ហេតុការណ៍​នេះ​បានកើត​ឡើង នៅវេលា​ម៉ោង​៥​ទៀបភ្លឺ​ឈានចូល​ថ្ងៃទី​១៧​ខែមីនា​ឆ្នាំ​២០១៦​ស្ថិតនៅ​មុខរ​ណី​យ​ដ្ឋា​ន​ចំការ​ព្រីង សង្កាត់​ភ្នំពេញ​ថ្មី ខណ្ឌ​សែន​សុខ​។​

    ជនរងគ្រោះ​ឈ្មោះ អុ​ប វល​ក្ខ័ អាយុ​២៣ ឆ្នាំ មុខរបរ​ជាងដែក ស្នាក់នៅ​ភូមិ​ច្រេស សង្កាត់ ភ្នំពេញ​ថ្មី​ខណ្ឌ​សែន​សុខ។​

    ប្រភពពី​ជនរងគ្រោះ​បាន​ឲ្យ​ដឹងថា នៅ​មុនពេល​កើតហេតុ​ជនរងគ្រោះ​បាន​នាំ​មិត្ត​ភ​ក្រ័​ចូល​រាំ​កម្សាន្ត​នៅ​ក្លិប​ប្លូ​សូន្យ​ផ្លូវ​១៩៨៦​សង្កាត់​ភ្នំពេញ​ថ្មី​ខណ្ឌ​សែន​សុខ​។​

    លុះដល់​ម៉ោង​ប្រហែល​០៤​ជាង​ក៍​ចេញពី​ក្លឹប​ត្រឡប់ទៅផ្ទះ​វិញ​ដោយ​ជិះ​ម៉ូតូ​១​គ្រឿង​ម៉ាក​ហុងដា​សេ​១២៥​សេរី​ឆ្នាំ​២០១៥​ពណ៍​ខ្មៅ​ពាក់​ស្លាក​លេខ​កំពង់ចាម 1G-7563​។​

​     មកដល់​ជិត​ចំណុចកើតហេតុ ស្រាប់តែ​ធ្លាយ​កង់​ម៉ូតូ​។​បន្ទាប់មក​ក៏​លេចមុខ​ជនសង្ស័យ​៣​នាក់​ជិះ​ម៉ូតូ​២​គ្រឿង​ប្រដាប់​ដោយ​អាវុធខ្លី​មួយ​ដើម​ម៉ាក K54 បាន​ដក​ភ្ជង់​ប្លន់​រួច​បាញ់​ឡើងលើ​១​គ្រាប់​និង​១​គ្រាប់​ទៀត បាញ់​សំដៅ​ជនរងគ្រោះ​បណ្តាល​ឲ្យ​ត្រូវ​ភ្លៅ​ខាងឆ្វេង​។​

    បន្ទាប់មក​ជនសង្ស័យ​បម្រុង​ជិះ​ម៉ូតូ​ជនរងគ្រោះ​តែដោយសារ​ម៉ូតូ​ជនរងគ្រោះ​ធ្លាយ​កង់​ខាងក្រោយ​មិនអាច​ជិះ​ទៅណា​បាន​ទើប​ពួកវា​ជិះ​ម៉ូតូ​រត់គេចខ្លួន​បាត់​តែម្តង​។ ជនរងគ្រោះ​បាន​រង របួស​មួយ​គ្រាប់​ត្រូវចំ​ភ្លៅ​រួច​បញ្ជូន​មកកាន់​មន្ទីរពេទ្យ​ឯកជន​៕​

 

adverise with khmeread

អ្នកនឹងចូលចិត្ត

មតិយោបល់