adverise with khmeread 1

​លោក Ranieri ចង់​នៅ​ជាមួយ Leicester រហូតដល់​អាយុ ៧០ ឆ្នាំ​

​    ​គ្រូបង្វឹក​ក​ញ្ជ្រោ​ញ Leicester លោក Claudio Ranieri បាន​បង្ហើប​ឱ្យដឹងថា គាត់​ចង់បាន​កុងត្រា​រយៈពេល​ប្រាំ​មួយឆ្នាំ​ជាមួយ​ក្រុម​រហូតដល់​គាត់​មាន​អាយុ ៧០ ឆ្នាំ​។​

​    ​កិច្ចសន្យា​របស់គាត់​ជាមួយ​ក្លឹប​មាន​លក្ខខណ្ឌ​ដែល​នឹង​អនុញ្ញាតឱ្យ​គាត់​ចាក​ចេញទៅ​ក្លឹប​ធំៗ ប៉ុន្តែ​គាត់​បាន​និយាយថា "​ក្តី​រំពឹង​របស់ខ្ញុំ​នោះ​គឺ ពួកគេ (Leicester) នឹង​ផ្តល់​កុងត្រា​រយៈពេល​វែង​ដល់​ខ្ញុំ​។ ប្រាំ​ឬ​ប្រាំមួយ​ឆ្នាំ​ហើយ​ខ្ញុំ​អាច​ចូលនិវត្តន៍​បាន​ហើយ​។​

​    ​ប៉ុន្តែ​គាត់​បាន​បដិសេធ​ពាក្យ​ចចាមអារ៉ាម​ដែលថា​គាត់​នឹង​ចាក​ចេញពី​ក្លឹប​ថា "​ខ្ញុំ​សុខ​ស្រួល​ជាមួយ Leicester ហើយ​មិនបាន​គិតពី​ការចាកចេញ​នោះទេ​។ ខ្ញុំ​គិតថា នេះ​ជា​ក្រុម​ចុងក្រោយ​របស់ខ្ញុំ​។ អ្នក​រាល់គ្នា​កំពុង​ស្វះស្វែង​ដើម្បី​ពួកយើង​បានឈ្នះ​ពាន Premier League"​។​

​    ​គាត់​បាន​បន្តទៀតថា "​វា​ពិតជា​អស្ចារ្យ​ដែល​ក្រុម​តូច​មួយ​សោះ​អាចធ្វើ​រឿង​អស្ចារ្យ​ទាំងនេះ​ក្នុង​យុគសម័យ​ចាយលុយ​ដ៏​ច្រើន​បែបនេះ​។ ប្រសិនបើ​យើង​ជា​ក្រុម Chelsea, Arsenal, City ឬក៏ United យើង​នឹង​គិតពី​ពានរង្វាន់​ជាក់​ជាមិនខាន​។ ប៉ុន្តែ​យើង​មិន​បានគិត​សោះឡើយ​"៕

adverise with khmeread
ប្រភព៖ The Sun

មតិយោបល់