adverise with khmeread Ngoc quyen lady gaga vietnam 02

ញាក់សាច់! វៀតណាមមានឡេឌីហ្គាហ្គាដែរ តែខ្លាំងត្រង់ឥឡូវកំពុងឈរឈ្មោះសម្រាប់តំណែងនៅសភាជាតិទៀត

​    ​តារាចម្រៀង​ប៉ុប​សក់​ពណ៌​ផ្កាឈូក នាង​ម៉ៃ ខយ (Mai Khoi) ដែល​គេ​ប្រសិទ្ធ​នាម​ថា ឡេ​ឌី​ហ្គា​ហ្គា​វៀតណាម ដោយសារ​ឈុត​សម្លៀកបំពាក់​ស្ទីល​ដូចគ្នា បាន​រកឃើញ​វិធី​ថ្មី​ដើម្បី​ធ្វើឱ្យ​ប្រិយមិត្ត​មានការ​ភ្ញាក់ផ្អើល ដោយ​នាង​បាន​ឈរឈ្មោះ​សម្រាប់​តំណែង​មួយ​នៅ​សភាជាតិ​រួមជាមួយ​នឹង​ក្រុមមនុស្ស​មាន​និន្នាការ​ផ្សេងគ្នា​ជាច្រើន​នាក់​ទៀត​ដូចជា​អ្នកប្រឆាំង និង​សកម្មជន​ជាដើម​ដើម្បី​ធ្វើតេស្ត​ដែន​កំណត់​របស់​ប្រទេស​ផ្តាច់ការ​មួយ​នេះ​។ នេះបើយោងតាមវេបសាយ Straitstimes ចេញផ្សាយថ្ងៃព្រហស្បតិ៍នេះ។

​    ​នេះ​មិនមែនជា​រឿងចម្រូងចម្រាស់​ថ្មី​សម្រាប់​តារាចម្រៀង​សំឡេង​ស្រទន់​រូបនេះ​ទេ​។ បទ​ចម្រៀង Selfie Orgasm របស់​នាង​បាន​ញ៉ាំងឱ្យមាន​ការរិះគន់​យ៉ាងខ្លាំង​រួច​ម្តងមកហើយៗ​ជម្រើស​សម្លៀកបំពាក់រ​បស់​នាង ក្នុងនោះ​មានការ​បង្ហាញខ្លួន​ជា​សាធារណៈ​ដោយ​ឥត​ពាក់អាវ​ទ្រនាប់ តែងតែ​បង្ក​ការភ្ញាក់ផ្អើល​ពេញ​បណ្តាញ​ផ្សព្វផ្សាយ​របស់​រដ្ឋ​វៀតណាម​។ 

​    ​ឥឡូវ តារាចម្រៀង​វ័យ ៣២ ឆ្នាំ​រូបនេះ​បាន​ចូលរួម​ជាមួយ​ក្រុម​មេធាវី អ្នកកាសែត និង​អ្នកនយោបាយ​ប្រឆាំង​ដើម្បី​បន្ថែម​ការប្រកួតប្រជែង​ចំពោះ​ថ្នាក់ដឹកនាំ​កុម្មុយនីស្ត តាមរយៈ​ការ​ឈរឈ្មោះ​សម្រាប់​តំណែង​មួយ​នៅក្នុង​សភាជាតិ​។ 

​    ​ម៉ៃ ខយ​បាន​ប្រាប់​ទីភ្នាក់ងារសារព័ត៌មាន AFP ថា "​ការពិភាក្សា​តាម​បណ្តាញ​ផ្សព្វផ្សាយ​បាននាំគ្នា​ផ្តោត​សំខាន់​មកលើ​ទស្សនៈ បែបផែន​ជីវិត និង​ការ​ស្លៀកពាក់​របស់ខ្ញុំ​ថា​តើ​សក្តិសម​សម្រាប់​សមាជិក​មួយរូប​នៃ​សភាជាតិ​ដែរ​ឬក៏​អត់​"​។ 

​    ​នាង​បាន​និយាយថា "​ខ្ញុំ​គឺជា​រូបខ្ញុំ​។ ចុងក្រោយ ខ្ញុំ​សង្ឃឹមថា​មនុស្ស​នឹង​វិនិច្ឆ័យ​ខ្ញុំ​ផ្អែកលើ​ចំណុចខ្លាំង​នៃ​គំនិត​របស់ខ្ញុំ មិនមែន​ពណ៌​សក់​របស់ខ្ញុំ​ទេ​"​។ នាង​បាន​បន្ថែមថា នាង​នឹង​ជំរុញ​សិទ្ធិមនុស្ស​ភេទ​ទី​បី និង​ប្រយុទ្ធប្រឆាំង​អំពើហិង្សា​លើ​ស្ត្រី ប្រសិនបើ​ជាប់ឆ្នោត​។ 

​    ​សាស្ត្រាចារ្យ ង្វៀន កាង​អា បេក្ខជន​ឈរឈ្មោះ​មួយរូប​ផ្សេងទៀត​បាន​និយាយថា តាមច្បាប់ ប្រទេស​វៀតណាម​មាន​ធម្មនុញ្ញ​ប្រជាធិបតេយ្យ ដែល​អនុញ្ញាតឱ្យ​មនុស្ស​គ្រប់រូប​ដែលមាន​អាយុ ២១ ឆ្នាំ​ឡើង​អាច​ស្វែងរក​ការបោះឆ្នោត​រក​តំណែង​មួយ​នៅ​សភាជាតិ មិន​ដូច​ប្រទេសជិតខាង​ចិន​នោះទេ​។ 

​    ​ទោះយ៉ាងណា លោក​បាន​និយាយថា ធាតុពិត​ជាក់ស្តែង ជាង ៩០ ភាគរយ​នៃ​ស្ថាប័ន​នីតិបញ្ញត្តិ​ដែលមាន​សមាជិក ៥០០ នាក់​នេះ​គឺជា​សមាជិក​មកពី​បក្ស​កុម្មុយនីស្ត​កាន់អំណាច ដោយ​សមាជិក​សេសសល់​ផ្សេងទៀត​ភាគច្រើន​គឺ​មកពី​ក្រុម​សេដ្ឋី​ជំនួញ​ដែល​ចង់​បង្កើន​ផលប្រយោជន៍​របស់ខ្លួន​។​

​    ​លោក​កាង​អាបាន​និយាយថា "​យើង​នឹង​ព្យាយាម​ជួយ​របប​ដឹកនាំ​នេះ​ប្រែក្លាយ​វោហា​ស័ព្ទ​របស់ខ្លួន​ទៅជា​ការពិត​។ វោហា​ស័ព្ទ​របស់​ពួកគេ​ពិ​រោះ​ស្តាប់​ណាស់​។ ប៉ុន្តែ​ការពិត​គឺ​ខុសគ្នា​ស្រឡះ​"៕  

adverise with khmeread
ប្រភព៖ Straitstimes

មតិយោបល់