កែវយឹតយក្សរបស់ចិនរកឃើញរលកសញ្ញាចម្លែកៗជាង១០០មកពីចម្ងាយ៣ពាន់លានឆ្នាំបន្លឺ ឥឡូវកំពុងស៊ើបអង្កេតបន្តទៀត

កែវយឹតធំបំផុតរបស់ចិនបានរកឃើញរលកសញ្ញា "អាថ៌កំបាំង" ជាង ១០០ មកពីប្រភពមួយ ដែលមានចម្ងាយ ៣ ពាន់លានឆ្នាំពន្លឺពីផែនដី។ នេះយោងតាមកាសែត Daily Mail សរសេរកាលពីថ្ងៃទី៩កញ្ញា។

រលកសញ្ញាចម្លែកៗទាំងនេះត្រូវបានគេហៅថា "បន្ទុះរលកសញ្ញាលឿនស្លេវ" ដែលជាថាមពលដ៏លឿនមកពីប្រភពមិនស្គាល់ ប៉ុន្តែជាប្រភពថាមពលខ្ពស់នៅក្នុងលំហអាកាស។

ក្រុមអ្នកស្រាវជ្រាវនៅកន្លែងឃ្លាំមើលអវកាសរបស់ចិនកំពុងបន្តតាមដានរលកសញ្ញាទាំងនោះ ដោយសង្ឃឹមថា ការវិភាគបន្ថែមទៀតនឹងបង្ហាញពីរបៀបដែលរលកសញ្ញាទាំងនោះត្រូវបានបង្កើតឡើង។

ក្រុមអ្នកស្រាវជ្រាវនៃបណ្ឌិត្យសភាវិទ្យាសាស្ត្រចិនបានរាយការណ៍ថា រលកសញ្ញាមិនអាចពន្យល់បានទាំងនេះ ត្រូវបានរកឃើញដោយកែវយឹតអវកាស ដែលមានអង្កត់ផ្ចិត ៥០០ ម៉ែត្ររបស់ចិនឈ្មោះថា FAST និងថ្មីៗនេះកំពុងត្រូវបានពិនិត្យនិងវិភាគ។

កែវយឹតនេះកំពុងសិក្សាប្រភពបន្ទុះរលកសញ្ញាលឿនស្លេវ ហៅថា FRB121102 ដែលប្រទះឃើញនៅលើមេឃដំបូងបង្អស់ដោយកែវយឹត Arecibo Observatory នៅប្រទេសព័រតូរីកូកាលពីឆ្នាំ ២០១៥។ ក្រុមតារាវិទូនៅឯ FAST បានរកឃើញបន្ទុះរលកសញ្ញាជាង ១០០ ចេញពី FRB121102 ចាប់តាំងពីចុងខែសីហា ជាចំនួនដ៏ច្រើនបំផុតនៃរលកសញ្ញាចម្លែកបែបនេះ ដែលមិនធ្លាប់រកឃើញពីមុនមក៕ 

adverise with khmeread