adverise with khmeread 7 reasons why cold shower is better for you

មូលហេតុ ៧ យ៉ាង​ដែល​អ្នក​គួរតែ​ងូតទឹក​ត្រជាក់​

​    ​ខណៈដែល​ទឹក​ក្ដៅ​ឧណ្ហៗ​អាចធ្វើ​ឲ្យ​អ្នក​ស្ងប់ចិត្ត​និង​អារម្មណ៍ ការ​ងូតទឹក​ទឹក​ត្រជាក់​ក៏​អាច​ទទួលបាន​អត្ថប្រយោជន៍​ច្រើន​សម្រាប់​រាងកាយ​និង​សុខភាព​ទូទៅ​របស់​អ្នក​ផងដែរ​។​

​    ​ខាងក្រោម​នេះ​គឺជា​ហេតុផល​ទាំង ៧ យ៉ាង​ដែល​អ្នក​គួរតែ​ងូតទឹក​ត្រជាក់​៖

​    ​១. ជួយ​ដល់​សុខភាព​សក់ និង​ស្បែក​
​    ​ងូតទឹក​ត្រជាក់​ជួយ​ដល់​ការ​រឹតបន្ដឹង​គល់​សក់ រន្ធ​ញី​ស និង​ជួយ​ដល់​រក្សា​សំណើម​សក់​ក្បាល​។ នៅពេលដែល​យើង​ងូតទឹក​ត្រជាក់ វា​មាន​សមត្ថភាព​រារាំង​ជា​តិ​ប្រេង ដែល​អាច​ឲ្យ​សក់​របស់​អ្នក​រឹងមាំ និង​ស្រស់​ចែងចាំង​។​

​    ​២. ចាប់ផ្តើម​ថ្ងៃ​នីមួយៗ​ពោរពេញ​ដោយ​ភាពស្រស់​ស្រាយ​និង​មាន​កម្លាំងកំហែង​
​    ​ប្រសិនបើ​អ្នក​កំពុង​ស្វែងរក​ការជំរុញ​ថាមពល​មួយ ដែល​មិនអាច​រកហេតុ​ផល​ដើម្បី​ចាប់ផ្ដើម​ថ្ងៃ​ធ្វើការ​នីមួយ​បាន សូម​ងូតទឹក​ត្រជាក់​។ ជាមួយនឹង​ការបង្កើន​ថាមពល ទឹក​ត្រជាក់​ជា​មូល​ហេតុដែល​ធ្វើ​ឲ្យ​អ្នក​ដកដង្ហើម​បាន​វែង ដូច្នេះ​ការដកដង្ហើម​ផ្ដល់​អ្នក​នូវ​អុកស៊ីសែន និង​អត្រា​ជីពចរ​ឡើង​ខ្ពស់ ជាហេតុ​ធ្វើឱ្យ​ការចាប់ផ្តើម​ថ្ងៃ​នីមួយៗ​ស្រស់ស្រាយ​។​
​    ​
​    ​៣. បញ្ចុះ​សម្ពាធ​ឈាម​
​    ​ទឹក​ត្រជាក់​ជួយ​បង្កើន​លំ​ហូរឈាម​ទៅកាន់​គ្រប់ផ្នែក​នៃ​រាងកាយ​។ វា​នៅ​ជួយ​ពង្រឹង​ប្រព័ន្ធ​ភាព​សុំា និង​បើ​កស​សៃ​អាកទែរ​នៅ​ពាសពេញ​សារពាង្គកាយ​ទៀតផង​។ ងូតទឹក​ត្រជាក់​ជាប្រចាំ​គឺជា​ផ្លូវ​ដ៏​ស្រស់បំព្រង​មួយ​ដើម្បី​រក្សា​បេះដូង និង​សុខភាព​ប្រព័ន្ធ​ភាព​សុំា​។​

​    ​៤. កាត់បន្ថយ​កម្រិត​ស្ត្រេ​ស៍​
​    ​ការ​ងូតទឹក​ត្រជាក់​អាចជួយ​បន្ថយ​ចុះ​នូវ​កម្រិត​អាស៊ីត​អ៊ុយ​រិច ខណៈ​កើនឡើង​នូវ​សារធាតុ​ប្រឆាំង​អុកស៊ីតកម្ម​។ ការស្រាវជ្រាវ​រកឃើញ​ថា​ងូតទឹក​ត្រជាក់​មិន​ត្រឹមតែ​កាត់បន្ថយ​ស្ត្រេ​ស៍​នោះទេ ប៉ុន្ដែ​វា​ជួយ​ឲ្យ​ប្រសើរឡើង​នូវ​អារម្មណ៍​រួម​របស់​អ្នក​និង​ទប់ស្កាត់​អារម្មណ៍​អវិជ្ជមាន​ថែមទៀត​ផង​។​

​    ​៥. រំងាប់​ការឈឺចាប់​នៃ​សាច់ដុំ និង​ជួយ​ឲ្យ​វា​ប្រសើរ​ឡើងវិញ​
​    ​បន្ទាប់ពី​រង​ការប៉ះទង្គិច​អ្វីមួយ ការព្យាបាល​ដោយ​ទឹក​ត្រជាក់ និង​ទឹកកក​អាចជួយ​រំងាប់​ភាពឈឺចាប់​នៃ​សាច់ដុំ យ៉ាង​រហ័ស​បំផុត​។​

​    ​៦. ជួយ​ដុត​ជាតិ​ខ្លាញ់​ក្នុង​ខ្លួន​
​    ​ងូតទឹក​ត្រជាក់​អាចជួយ​ក្នុង​ដំណើរ​ការដុត​ជាតិ​ខ្លាញ់​ក្នុង​រាងកាយ​បាន​។ ជាតិ​ខ្លាញ់​នេះ​លេចមុខ​ឡើង​នៅលើ​រាងកាយ នៅពេល​ការរស់នៅ​ពុំមាន​សុខភាព​មិនល្អ និង​បរិភោគ​អាហារ​ដែល​គ្មាន​ប្រយោជន៍​សុខភាព​។ ដូច្នេះ ទឹក​ត្រជាក់​អាចជួយ​បញ្ហា​នេះ​បាន​។

​    ​៧. បង្កើន​ការរំលាយ​អាហារ​
​    ​ការដុត​រំលាយ​អាហារ​នឹង​ត្រូវបាន​បង្កើន នៅពេល​លោកអ្នក​ឧស្សាហ៍​ងូតទឹក​ត្រជាក់ ហើយ​វា​ក៏​ជា​មូលហេតុ​នាំទៅដល់​ការ​ស្រក​ទម្ងន់​ដែរ​៕

 

adverise with khmeread

អ្នកនឹងចូលចិត្ត

មតិយោបល់