adverise with khmeread 7f9652bc ffc7 4b07 8a48 519574d0bc5a

ស្រវឹង​បើក​ម៉ូតូ​លឿន​ជ្រុល​ទៅបុក​ម៉ូតូ​មួយគ្រឿង​ទៀត​បើក​កាត់​ពីមុខ​របួសធ្ងន់​ខ្លួនឯង​

    ភ្នំពេញ ៖ បុរស​ស្រវឹងស្រា​ម្នាក់​ជិះ​ម៉ូតូ​លឿន​ជ្រុល​ទៅបុក​ម៉ូតូ​មួយគ្រឿង​ទៀត​ដែល​បើក​កាត់​ពីមុខ​បណ្ដាល​ឲ្យ​ដួល​ផ្ទប់​ទៅនឹង​ថ្នល់​រងរបួស​ធ្ងន់​ដោយ​ខ្លួនឯង ហើយ​ភាគី​ខាង​ម៉ូតូ​ត្រូវគេ​បុក​ជិះ​គេចខ្លួនបាត់​តែម្តង​។​

    គ្រោះថ្នាក់​នេះ​បាន​កើតឡើង​កាលពី​វេលា​ម៉ោង​២ ​និង​៣០​នាទី​យប់ ថ្ងៃទី​១៨ ខែមីនា ឆ្នាំ​២០១៦ នៅតាម​បណ្ដោយ​ផ្លូវ​ព្រះ​សុរា​ម្រឹត កែង​ផ្លូវ​សុធារស ស្ថិតក្នុង​សង្កាត់​ចតុមុខ ខណ្ឌដូនពេញ​។​

    សាក្សី​ដែល​នៅក្បែរ​កន្លែងកើតហេតុ​បាន​ឲ្យ​ដឹងថា ដំបូង​គឺ​បុរសរងគ្រោះ​ម្នាក់​ជិះ​ម៉ូតូ​ម៉ាកវីវ៉ា​សួរ​ហ្គួ​ន ពណ៌​ខ្មៅ ពាក់​ស្លាក​លេខ បាត់ដំបង 1J.3553 ដែល​ស្ថិតក្នុង​ស្ថានភាព​ស្រវឹង​ស្រា ធ្វើដំណើរ​ទិសដៅ​ពី​ត្បួ​ង​ទៅ​ជើង តាម​បណ្ដោយ​ផ្លូវ​សុធារសក្នុង​ល្បឿន​លឿន។​

    ខណៈ​មកដល់​ចំណុចកើតហេតុ​ដែលជា​ក​ន្លែ​ង​ផ្លូវកែង​មិន​បន្ថយល្បឿន​នោះ ក៏​ជ្រុល​ទៅបុក​ម៉ូតូ​មួយគ្រឿង​ទៀត​មិន​ចាំ​ម៉ាក ដែល​ជិះ​ឌុប​គ្នា​ពី​នាក់​ធ្វើដំណើរ​តាម​បណ្ដោយ​ផ្លូវ​ព្រះ​សុរា​ម្រឹត ទិសដៅ​ពី​កើ​តទៅ​លិច​ក្នុង​ល្បឿន​ល្មម​នោះ ក៏​បុក​ចំ​ពី​ច​ហៀ​ង​ពេញទំហឹង​បណ្ដាល​ឲ្យ​ភាគី​ខាង​ម៉ូតូ​បង្ក​រងរបួស​ធ្ងន់​ដោយ​ខ្លួនឯង​។​

     ចំណែកឯ​ភាគី​ខាង​ម៉ូតូ​រងគ្រោះ​បាន​បន្ត​ជិះ​ទៅ​បាត់​តែម្ដង ដោយ​ទំនង​មិន​ចង់​មានរឿង​វែងឆ្ងាយ ព្រោះថា​ខ្លួន​មិនមាន​របួស​និង​មិន​ខូចខាត​ម៉ូតូ​ផងដែរ​។​

      ក្រោយពេល​កើតហេតុ បុរស​ដែល​ជិះ​ម៉ូតូ​បង្ក​និង​រងរបួស​ធ្ងន់​ដោយ​ខ្លួនឯង​មិនទាន់​ស្គាល់ឈ្មោះ​នោះ ត្រូវបាន​រថយន្ត​សាមុយ​ដឹក​យកទៅ​សង្គ្រោះ​នៅ​មន្ទី​ពេទ្យ​ឯកជន​ភ្លាមៗ។ ចំណែកឯ​ម៉ូតូ​បង្កត្រូវបាន​សមត្ថកិច្ចយកទៅ​រក្សាទុក​នៅ​ប៉ុស្តិ៍នគរបាល​ចតុមុខរងចាំ​ម្ចាស់​មក​ទទួលយក​ទៅវិញ​៕

adverise with khmeread

អ្នកនឹងចូលចិត្ត

មតិយោបល់