adverise with khmeread Ab45460a dab6 4671 8ff8 93e77eefe3a3

រថយន្ត​កុងតឺន័រ​បើក​កៀរ​ម៉ូតូ​របួសធ្ងន់​ម្នាក់​ស្រាល​ម្នាក់​

     ភ្នំពេញ ៖ រថយន្ត​កុង​តឺ​ន័រ​មួយគ្រឿង​បើក​កៀរ​ម៉ូតូ​មួយគ្រឿង​បណ្ដាលឱ្យ​បុរស​ម្នាក់​ក្នុងចំណោម​២​នាក់​រងរបួស​ធ្ងន់​និង​ម្នាក់ទៀត​រងរបួស​ស្រាល ហើយ​ម៉ូតូ​ត្រូវ​កុងតឺន័រ​កិន​ពីលើ​ខ្ទេច។​

     គ្រោះថ្នាក់​នេះ​បាន​កើតឡើង​កាលពី​វេលា​ម៉ោង​៨​យប់​ថ្ងៃទី​១៧ ​ខែ​មិនា​ ឆ្នាំ២០១៦ ត្រង់ចំណុច​មុខ​ក្លឹប​កីឡា ឆា​ម​ពាន​ស្ព​ត​ក្លឹប តាម​បណ្ដោយ​ផ្លូវ​ណត​ប្រ៊ី​ជ សង្កាត់​ទឹកថ្លា ខណ្ឌ​សែន​សុខ។​

     រថយន្ត​បង្ក​ជា​ប្រភេទ​រថយន្ត​កុងតឺន័រ​ក្បាល​ពណ៌​ទឹកប្រាក់​និង​មាន​ទូ​ពណ៌​ខៀវ​ជា​រថយន្ត​របស់​ក្រុមហ៊ុន​ផែស្ងួត អូ​លែ​រហើយ​មាន​ស្លាក​លេខ​ខាងមុខ​លេខ ព្រះសីហនុ 3A-1212 ហើយ​ខាងក្រោយ​ខុសពី​ខាងមុខ​គឺ ព្រះសីហនុ 4A-0843 ជិះ​គ្នា​ពីរ​នាក់​ប្ដី​ប្រពន្ធ​មិន​ស្គាល់ឈ្មោះ។​

     កុងតឺន័រ​នេះ​បើកបរ​ក្នុងទិសដៅ​ពី​ជើង​ទៅ​ត្បូង រីឯ​ម៉ូតូ​រងគ្រោះ​ម៉ាក វី​វា ព​ណ័​ខ្មៅ ពាក់​ស្លាក​លេខ ភ្នំពេញ 1E-5874​ បើកបរ​ក្នុងទិសដៅ​ពី​ជើង​ទៅ​ត្បូង​ស្រប​ទិស​ជាមួយ​រថយន្ត ហើយ​ជិះ​គ្នា​ពីរ​នាក់​បណ្តាលឱ្យ​ជនរងគ្រោះ​ម្នាក់​ដែល​រងរបួស​ស្រាល​និង​មនាក់ទៀត​របួសធ្ងន់។​

     បុរស​នោះបាន​ឱ្យដឹងថា ដំបូង​រូបគាត់​ទាំងពីរ​នាក់​ទើបតែ​មកពី​លេង​ផ្ទះ​មិត្តភក្ដិ​នៅ​ស្ទឹងមានជ័យ​ហើយ​បម្រុង​ធ្វើដំណើ​ត្រឡប់ទៅផ្ទះ​វិញ​តាមផ្លូវ​ខាងលើ​។ ពេល​គាត់​កំពុងធ្វើដំណើរ​ពេល​ផ្លូវ​កំពុងតែ​ចង្អៀត​ហើយ​គាត់​បាន​ជិះ​ទន្ទឹម​និង​រថយន្ត​នៅ​ខាងស្ដាំ។ ពេល​គាត់​កំពុងបើក​យឺតៗ​ជាមួយ​រថយន្ត​ដល់​ចំណុចកើតហេតុ​ស្រាប់តែ​រថយន្ត​បាន​រេ​ចង្កូត​មក​ខាងស្ដាំ​បន្តិច​ក៏​បណ្ដាលឱ្យ​ប៉ះ​ដៃចង្កូត​ម៉ូតូ​ដួល​ហើយ​ចូល​ក្រោម​រថយន្ត​បណ្ដាលឱ្យ​ម្ចាស់​ម៉ូតូ​ម្នាក់​រងរបួស​បែក​ប្រអប់ជើង​ខាងឆ្វេង​ហើយ​ម្នាក់ទៀត​រងរបួស​ស្រាល​រលាត់​ជើង​បន្តិច​តែប៉ុណ្ណោះ​។

      ភ្លាមៗ​នោះ​មាន​អ្នកដំណើរ​ឆ្លងកាត់​កន្លែង​កើតហេតុ​បាន​ទាក់ទង​ទៅ​រថយន្ត​សង្គ្រោះបន្ទាន់​របស់​គ្លីនិក​ឯកជន​មក​យក​ជនរងគ្រោះ​ម្នាក់​ទៅកាន់​គ្លីនិក​ឯកជន​តែដោយសារ​តែ​សភាព​អ្នករបួស​ធ្ងន់ធ្ងរ​ពេក​ទើបបាន​បញ្ជូនបន្ត​ទៅកាន់​មន្ទីរពេទ្យ​កាល់ម៉ែត។​

      ឯ​ម្នាក់ទៀត​រងរបួស​ស្រាល ក្រោយពេល​កើតហេតុ​ខាង​ប្រពន្ធ​តៃកុង​រថយន្ត​បាន​ចុះមក​ពីលើ​រថយន្ត​ហើយ​បាន​បន្លំ​ធ្វើជា​ទម្លាក់កំហុស​ទៅខាង​ម៉ូតូ​ដែល​ឈរ​មើលថា​មកពី​ម៉ូតូ​នោះ​ប៉ះគ្នា​ទើបបាន​ខ្ទាត​មក​ចូល​រថយន្ត​របស់គាត់​តែ​ការពិត​គឺ​រថយន្ត​បស់​គាត់​បាន​បើក​រេ​មក​កៀ​ម៉ូតូ​ចូលក្នុង​រថយន្ត​ទៅវិញ​ទេ។​

     ក្រោយពេល​កើត​ហ​តុ​ខាង​ប្រពន្ធ​តៃកុង​រថយន្ត​បង្ក​បានឱ្យ​ប្ដី​របស់គាត់​រត់គេចខ្លួន​បាត់ទៅ​បន្សល់ទុក​តែ​ប្រពន្ធ​និង​រថយន្ត​នៅ​និង​កន្លែង​តែ​ប៉ុ​នោះ។​

     ដោយសារ​ការចរចា​គ្នា​មិនត្រូវ ក៍​បានប្រគល់​រថយន្ត​និង​ម៉ូតូ​ទៅឱ្យ​ខាង​ប៉ូលិស​ចរាចរណ៍​រាជធានី​ភ្នំពេញ​យកទៅ​រក្សាទុក​ដើម្បី​រងចាំ​ការដោះស្រាយ​នៅពេល​ក្រោយ​៕​

adverise with khmeread

អ្នកនឹងចូលចិត្ត

មតិយោបល់