ទន្សាយចូលមកទះកំផ្លៀងតោឈ្មោលរួចរត់ត្រុយ តោញីឃើញចឹងខឹង ហើយថាឱ្យតោឈ្មោលថាល្ងង់ដូចគោ មិនចាប់វាស៊ីភ្លាម សុខចិត្តឱ្យវាវ៉ៃ មួយសន្ទុះក្រោយមវាមកម្តងទៀតដល់ក!

សំណើច ៖ តោញីឈ្មោលកំពុងដេកនៅក្រោមម្លប់ឈើត្រជាក់ត្រឈឹងត្រឈៃ រំពេចនោះស្រាប់តែមានទន្សាយមួយក្បាលលបចូលមកទះកំផ្លៀងតោឈ្មោល រួចរត់គេចខ្លួនបាត់។ 

តោញីគ្រវីក្បាលហួសចិត្ត ខឹងជាខ្លាំង ហើយថាឱ្យតោឈ្មោលថាល្ងង់ដូចគោឱ្យអាទន្សាយទះមួយដៃចំមុខ។ តោញីបន្តស្តីឱ្យតោឈ្មោលទៀតថា "ម៉េចក៏បងឯងឱ្យវាទះកំផ្លៀងចឹង? ក្រែងបងឯងជាស្តេចសត្វលើលោកិយហ្អី? នេះជាការប្រមាថមើលងាយខ្លាំងណាស់។ ទៅសម្លាប់អាទន្សាយចង្រៃនេះភ្លាមទៅ!"។ 

តោឈ្មោលតបម្ហបៗថា "អូនសម្លាញ់ហ៎ា អាទន្សាយហ្នុងតូចអត់ដឹងខ្យល់អីទេ វាឆ្កួតមិនដឹងថាវាកំពុងធ្វើអីទេ...កុំទៅខ្វល់ពីវាអី"។

ប៉ុន្មានម៉ោងក្រោយមក ទន្សាយមកម្តងទៀត ទះកំផ្លៀងតោឈ្មោលបានមួយដៃទៀត រួចរត់ត្រុយ។ ឃើញដូច្នេះ តោញីខឹងជាខ្លាំង រួចដាក់មេប្រូចដេញតាមអាទន្សាយកំហូចនោះ។ 

ក្រោយដេញតាមទន្សាយបានប៉ុន្មាននាទី ទន្សាយក៏រុលចូលក្នុងបំពង់លូមួយ។ តោញីនោះព្យាយាមដេញវាដល់ក្នុងបំពង់លូ ប៉ុន្តែជាប់ខ្លួននៅពាក់កណ្តាលលូ។ 

ទន្សាយចេញផុតពីបំពង់លូនៅចុងម្ខាងទៀត រួចចូលទៅមាត់លូទះកំប៉េះគូទតោញីនោះយ៉ាងវក់វី រួចក៏រត់ត្រុយ។ ប្រហែលកន្លះម៉ោងក្រោយមក តោញីបានប្រឹងរើបំរាស់ចេញពីលូបានសម្រេច ហើយត្រឡប់ទៅរកតោឈ្មោលវិញ ទាំងខឹងក្តៅក្រហាយ និងអាម៉ាសមុខជាខ្លាំង។

តោឈ្មោលឃើញតោញីមកដល់ បោះសម្តីថា "អាកំហូចហ្នុងឱ្យអូនឯងចូលបំពង់លូមែន?"៕ 

adverise with khmeread
tiger
Loading ad ...
Tiger underlay aa7d814b8ab2932c241f74f33a3821ad6b0abf8e6a38a16923f641ec017a13ab