adverise with khmeread 1

Muller ប្រាប់​ពី​មូលហេតុ​ដែល Bayern បំបាក់ Juventus អាន​ហើយ​ហួសចិត្ត​!

    ​ខ្សែប្រយុទ្ធ Bayern Munich កីឡាករ Thomas Muller បាន​លាតត្រដាង​ពីអ្វី​ដែល​លោក Pep Guardiola បាន​និយាយ​នៅ​ម៉ោង​សម្រាក​តង់​ទីមួយ​ដើម្បី​ជួយ​ជំរុញ​ទឹកចិត្ត​កូនក្រុម​ក្នុងការ​វាយបក​ក្រុម Juventus កាលពី​យប់​ថ្ងៃ​ពុធ​។​

​    ​ក្រុម​យក្ស​អាល្លឺម៉ង់​មួយ​នេះ​បាន​រក​គ្រាប់​បាល់​ដ៏​អស្ចារ្យ​នៅ​នាទី​ទី ៩១ ដើម្បី​តាម​ស្មើ​វិញ​បន្ទាប់ពី​ចាញ់ ២-០ ក្នុង​ទីមួយ​ក្រោម​ថ្វី​ជើង Juventus ហើយ​នៅ​ម៉ោង​បន្ថែម ១៥ នាទី​ពីរដង Bayern បាន​បន្ថែម​ពី​គ្រាប់​ទៀត ធ្វើឱ្យ​លទ្ធផល​ទាំងពីរ​ជើង​បញ្ចប់​ក្រោម​លទ្ធផល ៦-៤​។​

​    ​ការលេង​ដ៏​ល្អ​នេះ​បាន​នាំឱ្យ​វីរៈបុរស​អាល្លឺម៉ង់​លោក Franz Beckenbauer ដែលជា​ពិធីករ​នៅ​ទូរទស្សន៍ Sky លេងសើច​ថា លោក Guardiola នឹង​ក្រៀវ​ពួកគេ​ប្រសិនបើ​ពួកគេ​មិនអាច​កែប្រែ​ការប្រកួត​នេះ​។​

​    ​នៅពេល​ត្រូវបាន​សួរថា តើ​លោក Franz បាន​ទស្សន៍ទាយ​ត្រូវ​ដែរឬទេ Muller បាន​ទទួលស្គាល់ថា វា​ពិតជា​ត្រូវ​ខ្លាំងណាស់​។ ខ្សែប្រយុទ្ធ​រូបនេះ​បាន​និយាយថា "​មែនហើយ វា​ពិតជា​ស្រដៀង ប៉ុន្តែ​គាត់ (Guardiola) មិនបាន​និយាយ "​ក្រៀវ​" ទេ គាត់​បាន​និយាយថា គាត់​នឹង​កាត់​ពង​របស់​ពួកយើង​"​។​

​    ​Bayern នឹងត្រូវ​ចូលរួម​ដោយ​ក្រុម Wolfsburg, Real Madrid, Benfica, PSG, Atletico Madrid, Manchester City និង Barcelona នៅ​ថ្ងៃ​សុក្រ​នេះ ដើម្បី​ស្វែងរក​ថា​តើ​ក្រុម​ណា​នឹង​ប្រឈម​ក្រុម​ណា​៕

adverise with khmeread
ប្រភព៖ Daily Mail

មតិយោបល់